13 أبريل 2012

وشوش


طولها بقى زى عرضها

والله محصله بعضها

لا ناس هتفرق يوم معاك

ولا انت فارق عندها

وشوش بتضحك ليل نهار

تشوفها تشعر بانبهار

ولما تدخل فيها حبه

صدقنى تهرب منها

غش ونفاق تغيير وشوش

وناس ياباااااى مابيختشوش

جرح القلوب ببرود شديد

ياصاحبى غيه عندها

فى قلوب تصون

وقلوب تخون

وقلوب فى كل كلمه لون

وعشان ما تكسب غشها

وناس كمان زى النعام

فى الرمله تدفن نفسها

وناس تكون زى الحمام

تشعر فى قربها بالسلام

وناس تعيش دور حربايات

ومعاك تغير جلدها

واهو من ده ناس

ومن ده ناس

وانت بشويه الاحساس

بالصدفه عايش وسطها

3 الرومانسيين اللى زى حالاتى:

حنين محمد يقول...

صباح الغاردينيا دودو
أصعب ماقد نواجه تلك الوجوه الملونة بأقنعة الكذب والنفاق "
؛؛
؛
نصك راقي رغم نبرة عتبه وإحتجاجه
دودو انا مش عارفة اعمل متابعة لمدونتك :( "
؛؛
؛
لروحك عبق الغاردينيا
كانت هنا
reemaas

Tarkieb يقول...

حلوة اوووي...والدنيا كلها كدة كله لابس وشوش

Unknown يقول...

روعه علي فكره جدا

Template by:

Free Blog Templates