احبك حتى ينتهى من الوجود وجودى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد "غازه" لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد "مستوطنة "
متسلطنة بالسرطنة
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
بخيار ..حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم

اشعر ببركان فى داخلى مما يحدث فى غزه أليس كل من فيها أهلنا
أنا شخصيا أشعر وأنا اشاهد المذابح التى تحدث فى غزه أن كل أم فقدت أبنها أمى
وكل طفل ذاق مرار اليتم ابنى وكل شيخ قتل هو أبى وكل شاب استشهد هو اخى
أين نحن مما يحدث لهم أين ضميرنا العربى
ذلك الضمير الاصم والابكم
أشعر بالدم يغلى فى عروقى وأتسائل
الهذا الحد لم يصبح لدى العرب نخوه او دم؟
ماذا تنتظرون؟
أن يدخل اليهود بيوتكم واحدا تلو الاخر؟
ماذا ستفعل لو قتل يهودى ابنك؟
ماذاستفعل لو رايت امراتك او امك او اختك ويهودى يهتك عرضها امامك؟
المنظر بشع ولكن الابشع منه ان تقف مكتوف الايدى لا تتحرك
متى ستاخذ بثأر امك واختك واخيك وابنك وابيك فى فلسطين؟
متى يستيقظ ضميرنا؟
فالوضع على ماهو عليه منذ زمن
وها هى كلمات الراحل جمال عبد الناصر
كلمات الماضى اللى تخاطب الحاضر
وكأن الايام لم تمر وكأنه حى يرزق بيننا