طولها بقى زى عرضها

والله محصله بعضها

لا ناس هتفرق يوم معاك

ولا انت فارق عندها

وشوش بتضحك ليل نهار

تشوفها تشعر بانبهار

ولما تدخل فيها حبه

صدقنى تهرب منها

غش ونفاق تغيير وشوش

وناس ياباااااى مابيختشوش

جرح القلوب ببرود شديد

ياصاحبى غيه عندها

فى قلوب تصون

وقلوب تخون

وقلوب فى كل كلمه لون

وعشان ما تكسب غشها

وناس كمان زى النعام

فى الرمله تدفن نفسها

وناس تكون زى الحمام

تشعر فى قربها بالسلام

وناس تعيش دور حربايات

ومعاك تغير جلدها

واهو من ده ناس

ومن ده ناس

وانت بشويه الاحساس

بالصدفه عايش وسطها

مازالت تمارس رقصه الموت ببراعه

كل من يراها يظن ان الابتسامه التى تعلو شفتيها تنم عن سعاده بالغه

استطاعت ان تخدع كل من تحيطهم بحبها واهتمامها كى لا تنخلع قلوبهم عليها

اعزائى الموهومون وانا اولكم

ليس كل من يرقص فرحا مسرورآ

فهناك من يرقصون ألمآ وشجونآ

ستيته : شكرا ياست الكل على كل شئ

فاتيما : كلمه الحب اصبحت قليله .. أعمل ايه

ماما نانو القدر وانا : سامحينى لانى مقصره فى حقك .. بس منتظره النتيجه علشان افرحك

قلب القطه : اول مره الاقى حد يغلبنى فى الجدعنه .. كفايا اقولك انك اصبحتى جزء مهم قووووووى فى يومى

بابا هانى مصرى جدا : مش عارفه انت مستحملنى على ايه ؟!

آثرت وحدتى واستمتعت بها

فهى خير من رفاق لا يشعرون بى

**************

فضلتُ صمتى فصار صديقى الوحيد

فهو خير من كلام لأذان لا تسمع

صنعت عالم لا يدخله سواى

فعلمى المسبق بانه لا يوجد به غيرى يجعل وجعى اقل

********************

جردت قاموسى من كلمات الحب

فعجزت عن التعامل معهم ...فللأسف لم اتعلم لغه اخرى

الفرق كبير بين من يصعد سلم كهربائى ومن يتسلق قمه جبل

هكذا يكون حالى عندما افكر معك او افكر بدونك

كنعومه الزهور انتى سيدتى

وكقطرات الندى انا

يكفينى ان ألامس وجهك الحريرى

لأعلم انك بخير

فى عيد الحب يتبادل المحبون الهدايا والزهور والقلوب الحمراء

اما انا فلم اكتفى بهذا فاهديت لك قلبى

ووهبت لك احساسى

ووليتك ملك على عرش مدينتى

وكتبت بدمى حروف اسمك على جدران قلبى

وجعلت من شفتاك نبع ارتوى منه كلما اشتد عليا عطش السنين

واتخذت من ضلوعك مأوى وملاذ احتمى به من الدنيا

فكنت انت اجمل هدايا القدر لى

وضمه صدرك ارق من ملمس الزهور

نهر حب متدفق انت ياحبيبى بلا انتهاء

شريان حنان ممتد من قلبك الى قلبى ليحيينى

زرعت حبى بداخلك ورويته من دموعى فاثمر واينع وابهجنى

احبك يارجل احتل كيانى .. احبك ياأجمل ما قيل فى الحب

احبك وليتها تكفى كلمه احبك

كحرف ال "ك " نحن

لولا وجودك بداخلى كالهمزه

لأصبحت لام فارغه

البوست ده من وحى كاف خيخه

وكاف فاتيما

طوال ثلاث سنوات وانا اجمع فى الجواهر

ويوم بعد يوم اكتشف انى ما جمعت الا الزجاج

الى رجل ضاعت منه انسانيته

الى رجل غاب عنه ضميره بلا رجعه

اليك وحدك دون الرجال اوجه كلماتى علها تجد الى قلبك سبيل

عفوا

فقد نسيت ان قلبك مات والاموات لا يشعرون

لا اريد منك الاحساس فاعلم جيدا انك تفتقر اليه .. إذا فلتعيرنى بعض انتباهك علك تتفهم ما اعانيه

ولكن فى البدايه دعنى اذكرك بنفسى

انا امرأه وهبت لك كل شئ وسلبت منها كل شئ

وأأتمنتك على احساسها فخنت امانتها وبعت حبها بتراب الارض

ووهبت لك السعاده وانتزعت سعادتها من قلبها وكأنها حق مكتسب

انا امراه زرعت فى ايامك الورد وجنت الشوك فأدمى قلبها قبل كفيها

انا امراه اشرقت شمسها على ليلك فانارت حياتك واطفئت انت شمسها

انا امراه اكتست بالحزن فصارت جزء منه بعدما ازالت عنك حزن السنين

انا امراه عانت كثيرا من انانيتك ولكنها اعطتك الكثير

انا امرأه كانت تصلى لله تضرعا كى يقربك منها والان تصلى كى يريها الله فيك آيه

انا امرأه كانت تهواك اكثر من نفسها واصبحت لا تكره احد مثلك

احيك بشده لانك نجحت فى ان تقضى على احلامى وضحكاتى واحساسى بالحياه

انا الان انتظر ان اراك مكانى فربى وربك " الحق "

ايوه يادنيا ايوه كده
عمرى ماشفتك حلوه كده
ولا غنيتلك غنوه كده

***********************
اول مره احس ان الدنيا مديانى وشها
وبتضحك لى
وفاتحه لى دراعها
فرحانه قوى
متفائله جدا ان الجاى كله خير باذن الله

باشكر كل من ساهم فى سعادتى

بابا هانى باحبك زى ابويا وربنا وحده عالم انت بالنسبه لى ايه
مدام رانيا القدر وانا تعبت حضرتك كتير الف شكر
دكتوره ستيته كلام الدنيا كله مش كفايا الف الف شكر بجد
ساجى باموت فيكى يااجدع بنات اسكندريه
حبيبة قلبى حنين القلب ام عمر مهما بعدتنا الاماكن هنفضل اصحاب للابد

اللهم اتم عليا نعمتك

محتاجه انسان يحسنى بصدق ..يعشقنى بجنون ..يحبنى لذاتى

محتاجه صديق يسمع شكوتى وينسانى بعدها ولا كأننا اتقابلنا

محتاجه اغسل همومى بدموعى اللى اصبحت نادره ومش لقياها

محتاجه لك من بين الاف الرجال تمسح وجعى وتزرع الفرحه فى ايامى

محتاجه كل كلمه حب باسمعها منهم تكون بشفايفك انت.. باحساسك انت.. بقلبك انت

محتاجه اصدق نفسى لما باتمنى لك السعاده مع غيرى

ومحتاجه اكتر اصدق انك بالنسبه لى مجرد صديق

محتاجه حضن دافى يحمينى من بروده الدنيا

محتاجه اغيرافكارى واتنازل عن مثاليتى الخايبه فى زمن المصالح واتعلم بقى اقول يلا نفسى

محتاجه اغير قلبى علشان يبطل يوجعنى من قسوه الناس والدنيا

محتاجه اعيش دور الجانيه لانى تعبت من دور المجنى عليها فى تمثيليه سخيفه اسمها حياتى

محتاجه اكون اقوى بنفسى وابطل اعيش بالناس

محتاجه ابطل ابص للماضى على انه كل حاجه فأضيع منى الحاضر واخاف من المستقبل

محتاجه اعيش سنى وافرح واضحك من قلبى بجد

محتاجه ارجع نفسى لنفسى لانى بالشكل ده غريبه عنى قوى و اصعب انواع الغربه ..الغربه جوا النفس

امتى احس انى مش محتاجه حاجه؟؟؟!!!

قضت عمرها كله فى حلم حتى انصدمت احلامها فى صخرة الواقع

صوت بداخلها ينادى يجب ان تستيقظى من حلمك الان فالحياه تختلف كثيرا عن الاحلام

يصر من حولها على ايقاظها ولكن باسلوب مؤلم لروحها واحساسها المرهف

عقلها يرفض بشده مجرد الفكره ان تحيا دون حلم ..

هل الموت الان افضل؟؟؟

شئ بداخلها يجيب انتى بالفعل الان ميته فلا فرق بين موتك او قتلهم لكى

لا يشعر احد بوجعها سواه .. فاين هو الان ؟؟؟

هل فارقتها روحها معه فى طريق اللاعوده والان هى تحيا معهم بجسدها فقط؟؟؟!!!!

اااااااااااااه ... كم تشتاق اليه .. كم تحتاج له الان

بحثت كثيرا فيمن حولها لتجد شخص واحد يؤتمن على احساسها بعده.. فلم تجد

هى تحتاجه الان بشده فلطالما اتخدوا القرارات المصيريه سويا

تسترجع كلامهم لها

اين رجاحة عقلك اللتى كان يثق بها .. اعتمدى على نفسك واتخذى قرارك

الان هى تصارع موج الحياه وحدها

إما نجاه وإما غرق

إما موت او حياه تساوى الموت

تنظر لصورته وتبكى بشده

أاااااااه يا أبى لو تعلم مدى الفراغ اللذى خلفته ورائك

عيونك خطفونى
من نفسى سرقونى
وف لحظه اسرونى
ولحيرتى نسونى
احزانى وشجونى
عنيك عجبونى
(;

المرسل اليه :- حبيبى

الرساله :- الف مبروك ياحلم عمرى اللى ضاع

المرسل :- بقايا انسانه

الى ستوته
احسنتى الاختيار يادكتوره ستيته وابهرتينى بالشاعر هشام الجخ وانا باعشق اللون ده من الشعر
ولقيت نفسى قوى فى قصيده ايزيس
الف شكر لحضرتك على كميه السعاده والاستمتاع اللى حستهم وانا باسمع كلمات الشاعر الفنان ده
احساس بجد كنت محتاجه له انى استمتع بشئ يكون له معنى عندى

**الصمت اجابه بارعه لا يتقنها الكثيرون

**اذا كان الكلام من فضه فالسكوت من ذهب

**اوقات كتير يكون الصمت هو افضل الحلول المتاحه

لما يجرحك حبيب ومش يحس مدى ألمه فيك فنصيحه .... اسكت

لما يخونك صديق وتخاف ان كلامك له يجرحه يبقى الافضل ... تسكت

لما يبعد عنك انسان غالى عليك والدنيا تشغله عنك يبقى الافضل .... تسكت

لما اللى كان بيفهمك من نظره عينك يبطل يفهمك يبقى الافضل ..... تسكت

لما حبيبك يعتبرك مجرد تجربه وفشلت يبقى الافضل ... تسكت

لما قلبك واحساسك يكونوا ارخص من التراب عند ناس كانوا عندك اغلى من الماس يبقى .... أسكت

لما تعصر قلبك علشان تسعد حد بتحبه ومش يقدراحساسك يبقى الافضل .... تسكت

لما تحس ان اللى بتحبهم بيستنزفوا دمك واعصابك بأسم الحب يبقى الافضل ... تسكت

لما اللى بتديهم حبك واهتمامك وتفكيرك يعتبروا ان ده حق مكتسب لهم .... اسكت

اكيد لو الكلام هيرجع شئ كنت هاقولك اتكلم يبقى افضل حل انك تسكت

علمتنى الايام ان لا احد يساوى دمعة عين .. قطره عرق .. اهة قلب

انيس منصور

(والله عنده حق)

اضغط علي مشاعرى بكل ما اوتيت من قوه ...لا تبالى باحساسى ...لا تهتم بذلك القلب الذى اتاك يتسول منك الحب ذات يوم فاطعمته حبك من باب العطف فقط .. ذلك القلب الذى وضعته فوق مقصله حبك واستمتعت بتقطيعه ... واليوم تسئل عن حاله بتاثر شديد وكانك لم تكن سبب فى موته ... لا تسئل عن دموعى اللتى تملأ اجفانى فهى لاتعنيك فى شئ اتركها تنهمر من عينى فتطفئ نار قلبى

وانا ايضا لن اسألك لماذا كذبت علي ؟ لماذا اصتنعت الحب ؟ لماذا وعدتنى بجنه احياها فى حبك ؟ نعم بيننا كثير من الوعود فكلمه احبك وعد ..... احلامك معى بمستقبل قريب وعد ... نظره عينيك وعد ... هل اشفقت على قلبى من ان ينجرح ؟؟؟!!! لو سئلتنى لاخترت بعادك مع حبك افضل لى من ان احيا على امل واراه ينهار امام عينى فانا من البدايه اعرف ان نهايتى معك لا مفر منها وطريقنا مختلف لن اجرحك بكلامى فافضل لى ان اموت فى صمت على ان تزعجك صرخات قلبى ولكن اسمح لى ان افاجئك بما لم تتوقعه يوما فانا اعرف منذ البدايه ان قلبك لم يهوانى ابدا ولكنى كنت اكذب نفسى لانى اريد ان اصدق كلامك واخرس صوت عقلى لانى اريد ان اسمع وعودك الكاذبه لا تندهش من علمى المسبق بخداعك ولكنه الاحساس اللذى تفتقر انت اليه احساسى اللذى لم يخوننى ابدااااااااااااا اعتذر اليك بشده ان كانت بعض كلماتى بها قدر ولو ضئيل من التجريح فانا لا اريد ان ينجرح فؤادك ابدا انا فقط اريدك ان تستمتع انت بجرح من حولك حزنى ليس عليك او منك انما حزنى على نفسى فدعنى ارحل عنك فى صمت لعلى اجد ما ضاع منى فى هواك

الى رجل يمتلك النصف الاخر من قلبى

الى رجل اهدى لى كل السعاده دون قصد منه

الى رجل احببته حد الجنون وتركته يرحل من بين يدى بنفس الجنون

قد كنت بالنسبه لى حلم صعب ادراكه تمنيتك من كل قلبى عشقتك بكل كيانى

ولكنى اثرت صمتى ودفنت حبك فى اعماقى

ربما خوف بداخلى اننى اذا اقتربت منك ربما خسرتك للابد

ربما انى ارتضيت بمنزله الصديقه خوفا من اكون لاشئ فى حياتك

ربما عجز منى فانا اجهل فنون كيد النساء ياسيدى

ربما انى سريعه اليأس فى امتلاك ما احب فاتركه بمنتهى السذاجه

 لم ارى رجل مثلك استطاع ان يجذب انتباهى له وذلك شئ نادر فى حياتى

 فللرجل مواصفات اخرى فى نظرى تختلف عن غيرى من النساء

لم يستطيع احد اختراق قلبى وعقلى سواك

لقد عشقت النوم ياسيدى لانى اراك كل ليله فى احلامى

عشقت يداى لانها تغوص فى احضان يديك كل صباح

عشقت ضحكاتك ونكاتك وروحك المرحه

احببت من اجلك اشياء كثيره

عرفت عنك ما يكفينى لاحبك ولكنى جهلت اكثر مما يجب

حتى عرفت ذات يوم ان قلبك مع غيرى 
فاستقبلت سكينه الالم فى صدرى بصمت وتمنيت لك السعاده

قالوا زمان اضحكى للدنيا

اضحك ليها ولا عليها؟!

قالوا اضحكى على كل مافيها

يوم بالدمعه ويوم بالبسمه

والاحزان جواكى داريها

قلت الدنيا دى قاسيه وجارحه

قالوا عيشى اجمل لياليها

لو فى يوم ترسم لى الفرحه

كنت اشوف اجمل معانيها

نفسى اشيل من قلبى الخوف

والاوجاع جوايا أداويها

تحديث

معلش ياجماعه انا عارفه ان المدونه عامله حول لناس كتير واغلب الناس دول بيستعملو الانترنت اكسبلورر فبتظهر عندهم الخلفيه حمراء نصيحه لله استعملوا متصفح تانى لان المدونه الوانها هاديه ومش مستعده اغيرها لانها ببساطه عجبانى جدا او اقروها زى ماهى وامركم لله او ادعوا انى ازهق واغيرها او اقفلها واريحكم هاهاهاهاهاهاهااااا

(اكنن وانا ديكتاتوره كده شفتوا الشخصيه الجباره؟)

**وحشتنى قوووووووووووووى ومفتقداك قوى

**يارب عدى الايام اللى جايه دى على خير

**نفسى تكونى معايا النهارده قووووووووى وعارفه انه غصب عنك ياحبيبتى ومسمحاكى ... بس انا خايفه قوى من غيرك اتعودت الاقيكى جنبى ... وكمان خايفه قوى عليكى ...ربنا يستر

** الدنيا دى غريبه قوى .. مفيش حد بياخد اللى هوعايزه ليه؟

** احساسك بيا حقيقه ولا وهم فى خيالى؟ احساسى بيقول انك محتاجنى جنبك وانا فقدت القدره على العطاء .. قلبى مات .. جيت متاخر قوى .. ولو شكى غلط يبقى الحمد لله وربنا رحمك من عذابى

** هابعد كام يوم ومحتاجه دعواتكم قوى

أحبك

كلمه من اربع حروف ولكن بين طياتها كلمات العالم بأكلمه

ماذا يحدث إذا سمعتها منك؟؟!!

ضعفى فى أذنى كأى إمرأه وغرورك يمنعك من أن تبوح بها كأى رجل شرقى

تباً لشرقيتك و تباً لغرورك أتظن إنك ملكتنى فلم يعد لكلامك لى أدنى أهميه ؟؟؟؟؟!!!

أنا لا أريد منك ان تصنع المستحيل أو تحطم الجبال لأجلى

فقط هى كلمه أشعر بها بأنى أنثى مازالت جميله فى نظرك

نعم أريد أن أسمعها منك أريد أن أراها فى عيونك

كما أراها فى عيونهم

انت ترى الحب ياسيدى أفعال ولكنه عندى غير ذلك

كم تمنيت ان أرتمى بين ضلوعك وأبكى كطفله صغيره

كم تمنيت ان تحتوينى ذراعاك بحب ... فقط .. من اجل الحب

انا لا اريدك زوج فقط ... لا اريدك بنك يلبى لى طلباتى

فللانثى احتاجات اخرى تعجز بغرورك وعنادك عن ادراكها

اريد ان اعيش معك فى فتره خطوبه متواصله ارد ان اسمع منك معسول الكلام وهذا حقى

اريدك ان تعشقنى فالحب وحده لا يروى ظمأ قلبى

اريدك صديق احكى له مايدور بعقلى دون خوف وهذا حقى

اريد اب وصديق وزوج بل عشيق فلا عيب ان يكون زوجى هو عشيقى

اريدك لي دنيا بكل ما فيها فهل ما اريده صعب الى هذا الحد؟

لا اريدك ان تصحو من غفلتك على كارثه فشرقيتك جعلتنى هشه سهله الكسر

فألهمنى قوة من حبك والا فلا تلومً الا نفسك

امضاء

قلب ينزف