قالوا زمان اضحكى للدنيا
اضحك ليها ولا عليها؟!
قالوا اضحكى على كل مافيها
يوم بالدمعه ويوم بالبسمه
والاحزان جواكى داريها
قلت الدنيا دى قاسيه وجارحه
قالوا عيشى اجمل لياليها
لو فى يوم ترسم لى الفرحه
كنت اشوف اجمل معانيها
نفسى اشيل من قلبى الخوف
والاوجاع جوايا أداويها
تحديث
معلش ياجماعه انا عارفه ان المدونه عامله حول لناس كتير واغلب الناس دول بيستعملو الانترنت اكسبلورر فبتظهر عندهم الخلفيه حمراء نصيحه لله استعملوا متصفح تانى لان المدونه الوانها هاديه ومش مستعده اغيرها لانها ببساطه عجبانى جدا او اقروها زى ماهى وامركم لله او ادعوا انى ازهق واغيرها او اقفلها واريحكم هاهاهاهاهاهاهااااا
(اكنن وانا ديكتاتوره كده شفتوا الشخصيه الجباره؟)
.jpg)
63 الرومانسيين اللى زى حالاتى:
عاشقه الرومانسيه
جميل كلامك واحساسك البوست ده عالى جدآ
يعنى حاسس أنه فيه نظره تفائليه
وده شئ جميل
يارب دايمآ تضحكى للدنيا ويارب هى كمان تضحكلك
ونفسى أنا كمان الدنيا تضحكلى لحسن بقالها مده بتضحك عليا
البوست جميل جدآ رائعه زى عادتك
تقبلى مرورى
**ودى وحبى وتقديرى لشخصك الجميل**
نسيت أقولك خلى بالك دايمآ من الدنيا لحسن ممكن تضحك مره
وتقشر ميت مره
ربنا يسعد اوقاتك دايمآ
ويجعل الدنيا طوع ايدكى
تقبلى تحياتى
1-نبيولوك معدي :) ولايق عليكي بجد
2-ايه الكلام ده ؟؟
موزون و حلو يابنتي
نخرج من الكأبة شوية:):)
مش كل مره بنقدر نداى احزاننا
عارفه ليه يا دودو عشان عينينا بتفضحنا
رعشه صوتنا المخنوق بالدموع بتكشفنا
الدنيا بقت قاسيه قوى بناسها اللى بقوا بيتلذذوا قوى بتعذيب بعض
انا ببقى خايفه قوى فى اليوم اللى الدنيا بتضحكلى فيه عشان عارفه انها حترجع و تكشرلى شهر قدام
كلامك كعادتك دايما بيلمس معايا صح و بيوجع قوى
سلام عليكم
إحساس راقي واسلوب جميل ربنا يبعد عنك كل الاوجاع ياقلبي
الدنيا حلوة بس لازم شويتين صبر مش شوية
تحياتي ومحبتي ليكي ياقمر
هقول حاجه وحده بس
روووووووووووووووووعه جدا
ومستني كلماتها
بحس اني اللي بقول وبتكلم
نفسى اشيل من قلبى الخوف والاوجاع جوايا اداويها
حلوة يا دودو كلماتك
تحياتى
شكرا
نفسى اشيل من قلبى الخوف
والاوجاع جوايا أداويها
شيلي ودواي
كلها إرادة يا دودو صدقيني
كلمات الجميلة وتكنن مع اللوك الجديد بتاع المدونة
على فكرة مريح جدااااااااااا للعين
مش زي ستيتة اللي عاملة مدونتها خمسين لون :)
بس بيني وبينك أنا بحب أغرق حياتي ألوان
بحس إن هي دي العيشة واللي عايشينها
ألوان سايحة على بعضها
ربنا يشيل عنك اي هم
ويجيب فرح
ويداوي الجرح
واشوفك سعيدة ومبسوطة ومنشرحة دائما وأبدا
بحبك
السلام عليكم
يا ريت بجد كلنا نقدر نشيل عننا كل خوف والم وجرح
تحياتى ليكى
بس برضه لازم نضحك للدنيا عشان تضحكلنا
تحياتى ليكى
جميل جدا جو البوست ده وكلماته فعلا شعرت من خلالها بمعنى جميل للحياه والامل .
اضحكى للدنيا ولكن مع ادراك وفهم للواقع والحياه وبعد ذلك حتماااااا سترين ان الدنيا تبادلك هذه الضحكه وستحققى ما كنتى تحلمين به ان شاء الله.
تحياتى لكى على ذوقك الراقى .
كلام جميل ورائع
بوست رائع
تفتح قلبها للحب
و ملهاش دعوة بأى حاجة
بكرة الايام تطيب جرحها
و تعوضها خير
بس يكون حد يستاهل بس
كل التعب و وجع القلب
عشان كل التعب و الوجع دا قدام يتحول لفرحة مضاعفة و بهجة و احساس بالقيمة و الغلاوة
جميلة كالعادة و رقيقة يا دودو
و انغام كماااااااان
بموت ف الغنوة دى
الله ينور
بوسات و حضونات
يا عروسة البحورات
حلو النيولوك قوى
اللون رقيق
و صورة الوردة كمان
و الجملة اللى ف تعريف المدونة
انا اصلا من ييجى اسبوع كنت عاوزة اقترح عليكى تعملى تغيير و بعدين تراجعت و قولت مفيش داعى اغلس لأنى عارفة انك حابة شكل المدونة القديم و سبحان الله لقيتك عملاه لوحدك
يا عيال انتوا لازم تعملولى مقام
انا قربت اتلاشى فى الهواء اللى حواليكم
من كتر ما بحسكم
و بحبكم
يخربيت كدا
نفسى اشيل من قلبى الخوفوالاوجاع جوايا أداويها
نفسى بجد نفسى
لكن كل اللى قدرت عليه انى ابص لنعم ربنا عليه الان وكفى
جميله كلماتك يادودو
ياسلام لمابتروقى
وحشتينى ربنا يطمنى عليكى دايما
اضحكى للدنيا حتى لو جارحة
اكسريها بضحكتك يمكن تتكسف وتديكى اجمل فرحة
ومتبصيش على تكشيرتها ليكى يمكن بعد التكشيرة يجى الفرح
بوست حلو اوى
مساءك افراح
كرباج سعاده وقلبي منه انجلد. رمح كأنه حصان و لف البلد. و رجع لي نص الليل و سألني .. ليه. خجلان تقول انك سعيد يا ولد. عجبي ! .
انتى فين يا ست دودو
انا قلقانة عليكى غطسانة ليه؟؟
ملكيش مزاج تردى على حد و لا إيه؟؟
مالك يا بتى انتى
انا قلبى حدثنى امبارح من صوتك انك مش تمام برضو مهما حاولتى تغلوشى و تفرحى معايا بيوسف
طمنينى عليييييييكى
بس خلاص
تسلم ايدك كلامك ديما جميل وكله تفاؤل رغم انك بتكونى فى حال عكس كدا تماما ربنا يكرمك ويفرح قلبك يا اجمل دودو فى الدنيا
دودو
ربنا يسعدك ويشيل الخوف من فلبك
انت اطيب قلب ربنا خلقه واكيد اكيد لازم ربنا يحميه من اى غادر
شكرا على التهنئة يا احن ابنة ويارب بسعدك دايما زى ما بتسعدى ناس كتير
الحياة هتفضل دايما زى ما هى الم وفرح
اسمعى كلامهم واضحكى عليها وعيشيها زى ما انتى عاوزة واتحديها وحققى كل اللى نفسك فيه
حبيبتي انا نظري على قدي والخلفية الحمراء والكتابة بالازرق حيخلصوا على الشوية اللي فضلين هههه لازم تشوفي لي حل ينوبك فيا ثواب والله لا يضيع اجر اجر من احسن عملا
عاشقة الرومانسية
فعلاً:اسم على مسمىّ
كلامـك رومانسى اوى
ايه الحلالالالالالالالالالالالالاوة دى
كلام جااااااااااامد
بصى يا بنتى انا شايفه انك تضحكى وخلاص وعيشى كل لحظه مش مهم تضحكى على الدنيا ولا للدنيا المهم انك تعيشى
علشان لما تكبرى ويعدى عمرك يكون عندك ذكريات حلوة تفتكريها وتضحكى عليها
لان الانسان اللى مش عنده ذكريات انسان مش عاش ولا دخل الدنيا اصلا
دودو وحياااااااااااااااااة امك
عينى احولت من الاحمر ده
انتى عندك حصبة يا بنتى ولا ان كان حبيبك طور؟؟؟؟؟؟؟؟؟؟؟
السلام عليكم
يارب كل الخوف والاوجاع الي قلبك تنتهي
حلو البوست ورقيق
تقبلي مروري
كلام جميل واحساس اجمل ؟؟؟
تقبلى تحياتى
عاوز اقول علي حاجا
بجد انا الي شد انتباهي في المدونه اول حاجا هي وجود صور علي اليمين لمغنيين ترفع لهم القبعه فعلا
وفعلا كلهم يستاهلو كل التقدير الفني
مستني ردود فيي مدونتي بلاش بخل بقي
سي يو
الله الله عليكى يا دودو وعلى كلامك الجميل ال بيمس القلب
بجد إحساسك عالى قوى
تحياتى
الكلمات رائعة ومعبرة جدا
وبصراحة اول مرة اتفق مع حنين القلب
كلامها صح بصراحة وده لم يحدث ولن يحدث مرة اخرى اننا نتفق
بس اهى جاءت كده
بيس يا معلم
جميل البوست اوي يادودو
وحشتيني
ياشوريرة يا جبارة ياديكتا اامورة\
وجعتي عنيا وحشتيني كمان
تحياتي
جميل البوست جدا يادودو تسلمى ياجميل
السلام عليكم ورحمة الله وبركاته
ازيك يا دودو عامله ايه ؟
يارب تكونى بخير دايما
البوست فى منتهى الجمال والله بجد جميل جدا وعجبنى أنا شخصيا لأنى حسيته بجد ومن قلبى
وطبعا أنا متعود منك على كده
دمتى بكل الخير يارب
كلامك جميل تعرفي رغم ان الدنيا هتجيلها يوم وتزول الا انها هتموتنا كلنا وهتفضل هي علشان كدا مانسمحلهاش تنتصر بأحزانها علينا ودايما نتحداها ونفرح
تحياتي ليكي
نفسى اشيل من قلبى الخوف
والاوجاع جوايا أداويها
وانا كمان
نفسى
نفسى
نفسى
نفسى
نفسى
نفسى
عووووو
محمد التركى
اشكرك لزوقك ورقتك
ونصيحتك تؤخذ فى الاعتبار
adel
اهو كل شويه اغير يمكن النفسيه تتظبط يادولا
صيدلانيه طالعه نازله
يبقى شطارتنا اننا نضحك عليها ومش نأمن لغدرها يالولو
بس عيشى اللحظه واستمتعى بيها
بحبك
حـــــ الــجــنــة ـــــور
حاضر ياقمر نصبر
نورتينى
sony2000
بافرح لما باقدر اعبر عن احساس حد يكون حسه زيى
ربنا يكرمك
تحياتى
حنين
انتى احلى ياقمر
ستيتة حسب الله الحمش
عارفه انها اراده والله ياستوته ربنا يعينى واقدر عليها
(:
ربنا يجعل حياتك كلها الوان زاهيه وجميله يارب
ريمان
ادينا بنحاول ياريمو
وحشتينى قوى كنتى فين كل ده؟؟؟؟
نورتينى
SHAPE YOUR LIFE
اكيد ينقصنى الخبره بالواقع ولكن نصيحتك فى عيونى وساحاول تنفيذها
تشرفت بوجودك على صفحات مدونتى
قلب فارس
اشكرك يابلال على تشجيعك
نورتنى
فاتيما
هههههههههههههههههههه
بسيطه يابطه نعمل لك مقام
ماانتى كده هتبقى من اهل الخطوه زى ما بيقولوا
ياجامد ياابو احساس عالى انت يامجننى
بحبك مووووووووت
طوبه فضه وطوبه دهب
ايد ده؟؟؟؟!!!!!!!
عرفتى منين؟
القدر و انا
ربنا يخليكى ليا ياماما علشان انتى حد جميل شيفانى كده
والتهنئه دى واجب عليا طبعا
بحبك
star in the sky
حاضر
(:
خواطر شابة
تم تغير الخلفيه بناء على اوامرك انتى وحنين القلب
norahaty
اشــكــرك
إيمان
انتى وحشتينى اكتر
مختفيه فين؟؟؟
NeVeN
باحاول اعمل كده بس باخاف كتير منها
ابو صهيب
الله على روعه جاهين وكلامه
انا باعشقه
الله ينور عليك احسنت الاختيار
حنين القلب
لا انا مش عندى حصبه ولانى مش بحب غيرك فيبقى اللون الاحمر ليكى
(وش بيطلع لسانه ويغيظك)
القمرالباكي
اشكرك جداااا
مرتضى المصرى
شكرا ليك
تامر حسين
اشكرك لملاحظاتك
وان شاء الله ازورك فى اقرب وقت
عاشقة الورد
ربنا يخليكى ليا ياجميل وترفعى معنويانى كمان وكمان
همس الاحباب
ياسلام ياابو همس
ده احنا هنسجل الحدث ده للتاريخ
عشت وشفتكم متفقين احممممدك ياااااااارب
فكرة من الزمن ده
سلامه عينيكى ياجميله
غيرنا القالب ولا تزعلوا
احاسيس آيوشه
الاجمل اللى قراه باحساسه ياايوشتى
الشاعر الحزين
ازيك ياعيلاء
فينك من زمااااااان
لك وحشه والله
اشكرك على تشجيعك وكلامك الجميل وده برضه اللى انا متعوده عليه منك
Just waiting
حاضر رغم ان الضحك بقى غالى قوى
كيكى عوووووو
تعالى اقعدى جنبى ونشوف لنا حل فى الموضوع ده
هههههههههههههه
إرسال تعليق