اذا كان الفراق اختيارى

فهل استطيع ان اكمل للنهايه قرارى؟

ايمكننى ان اغير فى درب هواك مسارى؟

ايمكن ان اكتب لغيرك اشعارى؟

هل تستطيع سوى مركبك خوض بحارى؟

هل يستطيع رجل سواك اختراق اسوارى؟

لا اتخيل سواك ياسيدى بجوارى

لا يد سواك تقطف ازهارى

لا يروى ظمأ قلبك الا انهارى

لا ليل الا ليلك تشرق فيه اقمارى

ولكن ساعدنى ياسيدى كى ارحل عن عالمك واتخذ قرارى

كل ذره فى كيانى دايبه من حبى ليك

كل احساس ملانى ياحبيبى عشان عنيك

لو تطلب منى الروح ياحبيبى بروحى افديك

لوعايز نجم السما يكون مابين ايديك

لو قلت حياتى انا ياحبيبى قليله عليك

قمرى فى سمايا انا بيعشق سهر لياليك

حنان الكون ده كله فى لمسه من ايديك

كل الامان ياعمرى فى نظره من عنيك

كل كلام العشاق لو يخلص ما يوفيك

شيفاك نجم فى سمايا

شيفاك كلمه ف غنايا

شيفاك فارس آسرنى

شيفاك قمر ساحرنى

شيفاك ورده فى كفوفى

شيفاك فى عيونى خوفى

شيفاك سهرى الليالى

شيفاك فى عيونى غالى

شيفاك نهر بيروينى

شيفاك كلمه بتحيينى

شيفاك همسه فى كلامى

شيفاك فى حياتى غرامى

نفسى اقولك كلام كتير

اقول ان قلبى لعنيك اسير

وان حبك على قلبى كتير

عايزه احضنك واخدك واطير

وتكون فى ورده عمرى العبير

اسئل عن عشقى حتى الطير

وقمر السما ونجوم الليل

والشجر والمطر والعصافير

هيحكوا على سر غرامى كتير

دى حكايه حبى من الاساطير

ياعشق عمرى وحبى الكبير

واحشنى حبيبى

وحشنى كلامك ،،، وحشنى سلامك

وحشانى عنيك ،،، ولمسه ايديك

ياحبى الوحيد ،،، وحلمى الاكيد

يافجرى الجديد ،،، وعمرى المديد

ياقلبى العنيد ،،، واملى البعيد

يازمنى السعيد ،،، وفرحى الشديد

ياقمرى الفريد ،،، وشمس الوليد

ياذكرى الزمان ,,, وعشق المكان

ياحب الجنان ,,, واغلى انسان

يارمز الحنان ,,, وحضن الامان

ياعود الريحان ،،، فى احلى بستان

يااغلى هوان ,,, وألذ حرمان

مش هابطل يوم أحبك

أصل قلبى مش فى إيدى

أنت روحى وأنت عمرى

أنت عشقى ونبض قلبى

وأنت دمى اللى فى وريدى

أنت نجم بعيد وعالى

نفسى يوم توصله ايدى

حتى لو مقسوم لغيرى

لو مصيرك غير مصيرى

يكفى انى اعيش احبك

يكفى قلبى يحس قلبك