مش هابطل يوم أحبك
أصل قلبى مش فى إيدى
أنت روحى وأنت عمرى
أنت عشقى ونبض قلبى
وأنت دمى اللى فى وريدى
أنت نجم بعيد وعالى
نفسى يوم توصله ايدى
حتى لو مقسوم لغيرى
لو مصيرك غير مصيرى
يكفى انى اعيش احبك
يكفى قلبى يحس قلبك
كل دا كان ليه ؟
قبل أسبوعين (2)
.jfif)
.jpg)
37 الرومانسيين اللى زى حالاتى:
جميلة كلماتها جدا تسلم ايديكى
لو مصيرك غير مصيرى
يكفى انى اعيش احبك
لأ
بس كده
ممممممممممممممممممممؤ
فاتيما
حاسه بكل كلمه ممكن تتقال ورا القلب ده
ولو انه كفايا قوى
احاسيس آيوشه
اشكرك ياقمرى
ستيتة حسب الله الحمش
لأ ليه؟
هو ايه التعليقات المختصره دى؟؟؟؟
مالكم ياستات مصر؟؟؟!!!!
(:
ازيك يا دودو
كلمات رقيقه وجميله
وكلها احاسيس رومانسيه
تحياتى
كتير قوى بنحب و احنا متأكدين اننا مش حنطول اللى بنحبه بس مبيبقاش فى ايدينا غير اننا نحبه
بس للاسف بيحصل
بجد حلوه قويييييي قوي
كلمات اكتر من رائعه:)
ياسيدى ياسيدى
ايه الحب دا؟؟؟؟
لو مصيرك غير مصيرى
يكفى انى اعيش احبك
لا بجد حلو الجزء دا قووووووى
تسلم افكارك
دودو
عاملة ايه بنوتى يا ترى ؟؟؟
مش عارفة كل الكلمات والمشاعر الحلوة دى تسعد صحابها والا .......
عموما القلب اللى يعيش الحب حتى لو كان مر احسن بكتير من القلب البارد
ياسلام ياسلام
تسلم ايدك ياقمرة
بجد بسيطة وجميله
مش هابطل يوم أحبك
أصل قلبى مش فى إيدى
جميله كلماتك يا دودو
ربنا يجعل حياتك كلها حب وسعاده يارب
تسلم ايدك
حلوة جدا
وفعلا كلماتها حلوة
دام قلمك
عاشقه الرومانسيه
من غير أمل عنوان جميل وكلامات أجمل وأجمل
بحيكى على تعبيراتك الجميله
بس نفسى أسألك سؤال بسأله لنفسى كل يوم
أزاى أعيش مع حلم من غير أمل؟
وعمرى مالقيت أجابه على سؤالى ودايمآ بزهق من نفسى وبسكت وبعاقب نفسى بالسكوت
كلامك رائع بس يخساره من غير أمل
تقبلى مرورى وسامحينى أنى بقالى مده مش متابع المدونه الرائعه اللى من أول المدونات اللى بتابعها غصب عنى والله الشغل اللى من غير أمل
وبأذن اللى دايمآ هتلاقينى من أول المعلقين
حبى وتقديرى لقلبك النابض بالحنين
نسيت اقولك مستنى رأيك فى بوستى الأخير لأن رأيك يهمنى
تقبلى تحياتى
كلمات رائعة جداُ وإحساسها عالى وخصوصاً آخر جزء فيها
تحياتى
الله الله الله
تحفة يا دودو بجد .. تسلم إيدك
ربنا يكرمك ويوفقك ويفرحك دايماً يا رب
خالص تحياتي وعميق تقديري
:))
سلام
الله الله على المشاعر النبيله
جميله الكلمات فعلا والاجمل ان نشعر بقيمه الحب بيننا ونتعلم كيف نخلص لمن نحب سواء الحبيب او صديق او الاهل او غير هؤلاء من القلوب الغاليه علينا .
باقه كلمات مليئه بالحب حقا فلكى كل التحيه.
روعه يا دودو والله
بس عارفه حتى لو مش نقدر نكمل مع اللى بنحبه كفايه اوى الاحساس بالحب
لان القلب اللى بيعيش من غير حب بيفقد رونقه ومظاهر الحياة فيه بيقى من غير نبض بيبقى زيه زى باقى الاعضاء يا دوب شغال علشان نعيش انما اللى يعيش من غير حب الاحسن ليه انه يموت لانه فى الاصل ميت
بحبك يا دودو
بصى بقى انا قولت رايى الرومانسى
وده رايى الخشب
هو فيه راجل ياختى يستاهل الحب ده كله
ابقى قابلينى
اغلب الرجالة مش بيحسوا باللى بيحبوهم بيفكروا بس فى اللى معاهم
اقولك ريحى نفسك وحاجه من اتنين
اما تقولى ليه انا بحبك
واما تفجرى نفسك فى اى مكان يكون موجود فيه وبكده تبقى ارتحتى وهو ارتاح واحنا كلنا ارتحنا
هههههههههههههههههههههههههههههههه
كلمات رغم قلتها إلا أنها أوجزت حالة حب رائعة
سلمت يداكى على تك الكلمات الأكثر من رائعة
دمتى بكل الود .. تحياتى
حنين
اشكرك لزوقك ياقمر
صيدلانيه طالعه نازله
لولو عندك حق بس انا عندى امل حتى لو حبى من غير امل
sony2000
ربنا يكرمك
اشكرك بشده
(:
محمد فؤاد
(: كسفتنى يامحمد
تسلم تشجيعك يارب
القدر و انا
لا يامامى مش تخافى
قلبى سعيد والحمد لله
ورااااضى قوى
ومش بارد ده مولع وهيولع فيا
ههههههههههههه
Sad Angel
اشكرك ياقمر
شرفتينى
صمت المشاعر
انا وانتى يارب
وامين لدعائك ياقمر
مجرد فتاة
تسلميلى ساجميله
اشكرك
محمد التركى
انا شخصيا باعيشها لحظه بلحظه
بغض النظر عن اللى جاى
مش باحاول افكر فيه
علشان استمتع باحساسى
نورتنى
وسعيده بمتابعتك
صدى الصمت
انتى الى احساسك عالى ياقمر لانك حستيها
P A S H A
اشكرك ياباشا على زوقك
(:
SHAPE YOUR LIFE
اشكرك يافندم اخجلتنى بزوقك
حنين القلب
موافقه بس تكونى معايا ياحُبى
هو انا اقدر اعملها من غيرك؟
يانعيش سوا يانموت سوا
انا كمان بحبك يافقر
(:
د/ رامي شهاب الدين
اشكر حضرتك على ذوقك ورقتك
نورتنى
لا حلوة يا عاشقة الرومانسية
وانا قولت ادخل ابص علي الحبايب
تقبلي تحياتي
مخنوق كيك
مخنوق كيك
عاش من شافك ياراجل
(:
إرسال تعليق