شكرا لمن أضاء بنور وجهها قلبى
شكرا لمن طاب فى قربها دربى
شكرا لمن أبدع فى صنعها ربى
شكرا لمن أسرت بعيونها لُبى
شكرا لمن أذوب بنهرها العذب
شكرا لمن أرى من حبها العجب
شكرا لمن أقرا فى عيونها الكتب
شكرا وهل يكفى لشكرها حبى؟

*******************************

*********

*****

*

هذا البوست اهداء لاستاذتى الغاليه عبير عمرو

اول من تحرك لها قلمى وكتب شعرا

اول من علمتنى كيف يكون الحب والاحترام

اول صديقه بحق

الى من شكلت بيدها حياتى اهدى لها ابياتى

ولعلها تعبر عن جزء ولو قليل من مشاعرى نحوها

فبين هذ الكلمات من الحب والاحترام والاعتراف بالجميل

ماهو قليل جدااااااا عليها

احبك وساظل اذكرك بكل خير يااستاذتى الغاليه

.

هذه الدنيا عيون انت فيها البصر
هذه الدنيا ليالى انت فيها القمر
هذه الدنيا سماء انت فيها المطر
هذه الدنيا شجره انت فيها الثمر
هذه الدنيا حياه انت فيها القدر
هذه الدنيا رحله انت فيها السفر
هذه الدنيا قصه انت فيها البطل

تحديييييث

**************

بوست جديد على مدونه قالوا وكلامهم عجبنى يارب يعجبكم

عندى خبرين حلوين

لأ تلاته

يلا بقى بلا كأبه

اول خبر

انى فرحاااااانه جدا

لان حماده حبيبى نور عينى

اخويا الوحيد حدد لفرحه
يوم 17/7 ان شاء الله

وحجز القاعه

وكلكم معزومين طبعا

وقبلها هانشر الخبر وافكركم

مفيش حجج مفيش اعذار كله جاى الفرح

الخبر التانى

البت سالى مدونه حرووووووف

اتخطبت يارجاااله

وده انفراد بالخبر طبعا

وهى قافله مدونتها

لحين الانتهاء من الامتحانات بس

وهترجع لكم تانى

وبتقولكم وحشتوها كلكم

عقباااااااالىىىىىىىىى

الخبر التالت

عملت مدونه تانيه

وسميتها قالوا وكلامهم عجبنى

لان عندى حاجات كتير بتعجبنى

سواء من مدوناتكم او من كتب قرأتها

وفى المدونه دى هاعلن عنها

وانشرها باسم اصحابها

سواء شعراء معروفين او مدونين مننا

علشان تشاركونى فيها

وهبدأ باكتر شعر أثر فيا وحبيته

وده اهداء منى لاى انسان غاب عنه حبيب

للدكتور مانع سعيد العتيبه وهو شاعر اماراتى

يلا بقى ادخلوا المدونه التانيه

انتشرواااااااااااا

(:

.

لما تكتشف سذاجتك مع الناس و اللى انت بتوهم نفسك بانها طيبه تعمل ايه؟
لما يخون ثقتك أعز اصحابك تعمل ايه؟
لما وجعك يفوق كل تصوراتك ويكون اكبر من ان عقلك يستوعبه تعمل ايه؟
لما يفارقك انسان كنت بتعتبره كل الدنيا وكل الناس تعمل ايه؟
لما يقرب منك شخص قوى ويعرف نقطة ضعفك ويضغط عليها بكل قوته تعمل ايه؟
لما تنصدم فى ناس كنت ناحت لهم تماثيل من ذهب فى قلبك تعمل ايه؟
لما تعيش على ذكرياتك رافض تعيش الحاضر وخايف من المستقبل تعمل ايه؟
لما كل اصحابك ينسوك ويفتكروك بس وقت الحاجه لانهم واثقين انك هتقف جنبهم تعمل ايه؟
لما اقرب الناس لقلبك يخدعك ويكذب عليك تعمل ايه؟
لما يكون عندك مثل اعلى وينهار قدام عنيك تعمل ايه؟
لما يبيعك حبيبك بارخص تمن تعمل ايه؟
لما تعيش فى دنيا العمله الوحيده المتداوله فيها الكذب وصراحتك فيها عباره عن بضاع راكده مالهاش سوق تعمل ايه؟
لما تكون صديق بحق فى زمن الباطل تعمل ايه؟
لما تعيش عمرك كله فى كدبه كبيره وفجأه تعرف الحقيقه تعمل ايه؟
لما تكون انت الوحيد اللى عارف قيمه قلبك تعمل ايه؟
لما وقت الشده تكون لوحدك تعمل ايه؟
لما تتعامل بحساسيه شديده مع ناس ضاع منها الاحساس تعمل ايه؟
لما تحلم بدنيا جميله مليانه خير وحب وتفوق على كابوس الواقع المؤلم تعمل ايه؟
لما تبقى الحياه بالنسبه لك هى مجرد الهوا اللى بيدخل صدرك وبس تعمل ايه؟
لما ينزف قلبك لان عيونك رافضه الدموع علشان تبان اقوى من جرحك تعمل ايه؟

.

مالى اراك حزين ملئ بالعبرات

وإن زاد شوقى وقلت الكلمات
فلم يعد بقلبى شئ سوى الاهات
ورغبة ان اطلق شئ من الصرخات
فماكان فى قلبى من الاحساس .. مات
وانت كما كنت صامت بلا كلمات
تعالى كى نقص بعض من الحكايات.
فى وسط سكونك وفى وسط الظلمات

*حديث مع الليل لم يكتمل*

انا جبت لكم صور ومن رأيى ان هو ده الحل مع اى واحد
يفكر يعمل فيها سبع الرجال على اى بنت ويتحرش بيها
لكن الست العاقله ستيته هانم الحمش
كاتبه هنا بوست جميييييييل عن الموضوع ده
اكيد هتستفيدوا منه

اللى خايف على نفسه ما يقربش منى بدل ما يلاقى نفسه بقى سوسن

ما انا من جمعيه المرأه المتوحشه برئاسه ستيته هانم الحمش

قطيعه محدش بياكلها بالساهل

نياهاهاهاهاهاها

(وش شرير جدااا)

من أجل عينيكى عرفت الكلام
ولأبتسامتك أضاء الظلام
وفى راحتيكى نسيت الألام
وفى جوارك عشقت الأحلام
وفى حنانك أمنت الأيام
وفى وصفك عجزت الأقلام
وفى صداقتك رمز السلام
فتناسيت بقربك الناس والملام
وطردت من حياتى اليأس والأستسلام
وفى أسمك أجمل الأنغام
وهل فى الوجود أجمل من إبتسام ؟

إهداء الى صديقه طفولتى المخلصه إبتسام
.

قال لها ألا تلاحظين أن الكون ذكراً ؟

قالت له بلى لاحظت أن الكينونة أنثى !

قال لها ألم تدركي بأن النور ذكرا ً ؟

فقالت له بل أدركت أن الشمس أنثى !

قال لها أوليس الكرم ذكرا ً ؟

فقالت له نعم ولكن الكرامة أنثى !

قال لها ألا يعجبك أن الشِعر ذكرا ً؟

فقالت له وأعجبني أكثر أن المشاعر أنثى!

قال لها هل تعلمين أن العلم ذكرا ً؟

فقالت له إنني أعرف أن المعرفة أنثى!

فأخذ نفسا ً عميقا ً
وهو مغمض عينيه ثم
عاد ونظر إليها بصمت
للحظات
وبعد ذلك

قال لها سمعت أحدهم يقول أن الخيانة أنثى

فقالت له ورأيت أحدهم يكتب أن الغدر ذكرا

قال لها ولكنهم يقولون أن الخديعة أنثى

فقالت له بل هن يقلن أن الكذب ذكرا ً

قال لها هناك من أكّد لي أن الحماقة أنثى

فقالت له وهنا من أثبت لي أن الغباء ذكرا

قال لها أنا أظن أن الجريمة أنثى

فقالت له وأنا أجزم أن الإثم ذكرا ً

قال لها أنا تعلمت أن البشاعة أنثى

فقالت له وأنا أدركت أن القبح ذكرا

تنحنح ثم أخذ كأس الماء
فشربه كله دفعة واحدة
أما هي فخافت عند
إمساكه بالكأس مما جعلها
ابتسمت ما أن رأته يشرب
وعندما رآها تبتسم له


قال لها يبدو أنك محقة فالطبيعة أنثى

فقالت له وأنت قد أصبت فالجمال ذكراً

قال لها لا بل السعادة أنثى

فقالت له ربما ولكن الحب ذكرا

قال لها وأنا أعترف بأن التضحية أنثى

فقالت له وأنا أقر بأن الصفح ذكرا

قال لها ولكنني على ثقة بأن الدنيا أنثى

فقالت له وأنا على يقين بأن القلب ذكرا
.

.
ولا زال الجدل قائما ً
ولا زالت الفتنة نائمة
وسيبقى الحوار مستمرا ً طالما أن
السؤال ذكرا
والإجابة أنثى

مـــنــــقـــــولــــ

من اكثر القرائات التى اعجبتى

وحقا ان كيدهن عظيم

ياجماعه لو سمحتم مش عايزه اى تجريح فى التعليقات
لانى برغم كل شئ باحترم احساس الطرف الاخر
وكمان مش بحب احذف تعليقاتكم لانكم كلكم ناس محترمه ويهمنى ارائكم
ويبقى الاحترام
**********************

أنا اللى كنت
أنا اللى كانت عيونى بحرك
أنا اللى كانت رموشى برك
أنا اللى كانت شفايفى خمرك
أنا اللى كانت حياتى نهرك
أنا اللى كان غرامى سرك
أنا اللى كنت فرحه سنينك

أنا اللى كنت كلمه ف جبينك
أنا اللى كنت لحظه حنينك
أنا اللى كنت قلبك وعينك
أنا اللى كان حلمى جناحينك
جاى تحلم تانى بيا؟
جاى تنده تانى ليا؟
جاى تسرق منى عمرى؟
جاى تانى تهد املى؟
اللى راح منك ف ثانيه
والنهايه هي هي
جاى تقول محتاج حنانك
جاى تقول عايش عشانك
جاى تقول راضى بزمانك
مهما هتكون الاسيه
والنهايه هي هي
جاى ومستنى السماح
جاى نادم ع اللى راح؟؟؟
ما النهايه هي هي

اهلا بيكم فى اسكندريه ياجماعه نورتونا

الحنطور مستنى

مشينا ع الكورنيش ياعم احمد

الكورنيش جميل طبعا وفى الشتا بيكون اجمل

وده كوبرى استانلى

ودى مكتبه اسكندريه

وده الجندى المجهول

ولان الجندى المجهول فى المنشيه فاحنا هننزلوا نتسوقوا من زنقه الستات

وده المرسى ابو العباس يااسكندريه يااجدع ناس

وده ابو الدردار(مسجد ابى الدرداء) واللى يعادينا يولع نار

مش هاينفع طبعا نروحوا بحرى من غير ما نركبوا ترام المدينه (الترام الصفرا)


وصلنا الانفوشى اتفرجوا بقى على مراكب الصيادين ومناظرها الجميله


تعالوا بقى نتمشوا شويه وناكلوا جيلاتى من ع الكورنيش

معلش اسكندريه زحمه شويه فى الصيف ياجماعه



بس احنا هنأجروا مركب وندخلوا بيه فى البحر .. اتفضلوا
وصلنا لاخر الدنيا اه ماهى القلعه دى اخر الدنيا قدامك البحر ووراك اسكندريه كلها

احنا داخل القلعه دلوقتى

شايفين البحر من جوه القلعه؟

اللى عايز يشترى هدايا او اى تذكار يتفضل

اتمنى تكونوا استمتعتم

لسه ياجدعان للحديث بقيه

دى عروس البحر إسكندريه

ايوووووووووووه ياجدعااان

البوست ده اهداء لكل عشاق اسكندريه و أولهم فاتيما

.

ياترى لو شفتك دلوقتى هاعمل ايه؟ ياترى لو رجعت لى ولو يوم واحد هيكون احساسى ايه؟ هاتصرف ازاى؟ هاخدك فى حضنى؟ هابوس جبينك وكل جزء فى وشك؟ هابوس ايدك واتوسل اليك انك ما تغيبش عنى تانى؟ هاحكيلك على كل شئ حصل من يوم ما فارقتنى؟ ما احنا متعودين انى باحكى لك على كل شئ ... يااااااااااه
قد ايه واحشنى كلامى معاك .. قد ايه واحشنى نظرة عينيك.. قد ايه واحشنى المس شعرك وابوس جبينك واشم ريحه البرفان بتاعك
قد ايه واحشنى قعدتى جنبك وانت بتحلق ذقنك وكلامنا سوى .. قد ايه واحشنى لمسه حنيه منك لما ايدك تمسح دموعى وتواسينى وتصبرنى على الايام .. قد ايه واحشنى نصايحك لى وتحذيراتك اللى رغم كترها لسه بأدى الامان للناس قوى وبتوجع قوى
كنت دايما تقولى" انتى عبيطه اللى يضحك فى وشك يبقى حبيبك "تعرف ان عندك حق
تعرف ان الدنيا من غيرك صعب قوى انى اتحملها؟ زادت قسوتها علي بعد فراقك .. ليه وانت معايا كنت باعيش زى طفله؟ وليه بعد فراقك حسيت ان الطفله دى ماتت؟.. ليه بعد فراقك بقيت باخاف افرح ؟ .. ليه مش قادره احس باى معنى للسعاده بجد؟ .. ليه حاسه بوحدتى رغم وجود ناس كتير جنبى بتحبنى؟ .. ليه وانا معاك كنت حاسه باستمرار انى صح ومش باغلط؟ لانك جنبى وبتلحقنى قبل ما اقع تسندنى .. ليه بعد ماسبتنى وقعاتى بقت كتير؟ .. ليه بقيت باتخبط فى الدنيا وانصدم فى الناس؟ .. ليه حاسه انى عقلى وقف بعدك؟ مااحنا كنا عقل واحد فى جسدين .. كنا بنكمل بعض .. كنا نشبهه بعض فى كل حاجه كنا بنفكر بصوت عالى مع بعض ..
ليه مش قادره اسامح اللى جرحوك فى يوم من الايام؟ .. ليه دموعك اللى شفتها بسببهم واقفه بينى وبينهم؟ .. ليه باكون طيبه مع كل الناس وغصب عنى باكون شرسه معاهم؟ .. ليه الكون ده كله بكل البرااااح ده ضيق عليا؟ .. ليه مش عارفه اعيش؟ ..
ليه وانا واقفه على قبرك كنت حاسه انهم بيدفنونى معاك خدوا روحى وسابوا لى جسد من غير روح
كنت دايما تقولى" انتى بنت ب 100 راجل"
حاولت اكون كده فعلا بعد فراقك بس بيجى عليا وقت واضعف واحتاجك
انت حاسس بي؟ .. طيب مش بتيجى لى فى المنام ليه؟ .. طيب عارف انك واحشنى؟ .. ..
طيب عايزاك تعرف لحد مااجيلك انى بحبك ومفتقداك ومش عارفه اعوضك باى حد

احيانا بيكون هو ده الحل المثالى