طبعا عرفتوها .. ماهو محدش فى بلوجر كله يقدر يطلب مثاثه غيرها
ايووووه هى كيكى كيارا الجميله
كل سنه وانتى طيبه ياطيبه

ودى هدايا من مغاره على بابا
هههههههههههههه
اتمنى تعجبك

ودى كلمات قليله قوى عليكى بس اتمنى تعجبك

أوعدينى

أوعدينى تعشقينى

قربينى واحضنينى

أوعى تانى تسلمينى

للاهات والشوق ف بُعدك

أوعدينى ماتفوتينى

عاهدى قلبى.. تعشقينى

دوبى فيا .. واسكنينى

عاوزه اعيش العمر جنبك

ننسى دايما الاهات

ننسى دايما اللى فات

كونى فى عز السكات

كلمه حيه عن حنينى

نمشى مشوار الحياه

نمحى دايما اى اه

لو طريقنا طال خطاه

مدى ايدك قربينى

واوعدينى...........!

فعلا انا محظوظه انك فى حياتى
انتى مش بس صديقتى
انتى اختى الغاليه اللى بحبها جدا
وانتى اكيد عارفه كده

غريبه الدنيا ديه

اديها متدنيش

وان يوم أمنتها

ولقتنى فى حضنها

ترجع تجرحنى تانى

وتبعنى ما تشتريش

لو صاحبه سبتها

ترجع لى بدمعها

وتقولى حرام كفايا

ارجوكى متنسينيش

وان خان حبيب وباعنى

او قلبه يكون خدعنى

يرجع ندمان يقولى

بعدك مش عارف اعيش

ماأنا كنت ما بين ايديكم

دمعى ليه هان عليكم

راجعين بعد القسيه

تقولوا ماتبيعيش

طبعى هو السماح

بانسى كل الجراح

وباعيش بقلب صافى

ولحبه ما بيداريش

لكن معاكوا أسفه

روحى مش قادره تصفى

لكن طبعى الحنين

بيقوللى ما تجرحيش

محتاره بين ظنونى

همى وفكرى وشجونى

ياترى هقدر اصالح

واسامح ناس باعونى؟؟؟؟؟

كل سنه وانتى جنبى
كل سنه وانتى جدعه اكتر ماانتى
كل سنه وانتى صاحبه بحق الله
كل سنه وانتى بتخافى عليا وتقفى جنبى
كل سنه وانتى روحى واغلى من نور عنيا
كل سنه وانا قلبى دفيان بحبك
كل سنه وانا وانتى قلب واحد نفرح لبعض ... ونحس ببعض
كل سنه وانتى حبيبتى واختى وصاحبتى
كل سنه وحنين القلب صاحبه القلب الدهب بخير
دى حفله صغنونه على قدى قوى

اتمنى تعجبك

بس قبل الحفله هنبعت برقيه تهنئه خاااااااااااصه جدا

لحبيبتى وحبيبك هنوده هى كمان عيد ميلادها فى نفس اليوم

كل سنه وانتم الاتنين بخير

وهنبدأ بالبالونات طبعا

وااااااادى التورتات

والحلويات الشرقيه مش نسياها

البتاع ده انتى بتحبيه جبتهولك اهو

والحاجه الساقعه كمان والعصير

والهدايا بتاعتك اهى ياقلبى

ربنا ما يحرمنى من صداقتك ابدااااااااااا

وده فيديو يارب يعجبك

كل سنه وانتم طيبين يااجمل اخوات فى الدنيا ..
الاغنيه دى بتفكرنى بذكريات جميله فى طفولتى ..
هى قديمه شويه بس والله ما حسيت بفرحه العيد غير لما شفتها ..
كل لحظه وانتم احبابى القريبين قوى من قلبى ..
والاغنيه دى اهداء مخصوص لكل مدونين مصر والوطن العربى ..
اسيبكم مع الاغنيه

السلام عليكم كل سنه وانتم طيبين
كل سنه وانتم احلى صحبه واحسن واطيب اهل
عيد سعيد عليكم وعلينا يارب
احنا قلنا ان فيه لقاء تدوينى سكندرى خيرى يوم 10/10 الساعه 10 حد فاكر؟
ايييييييوه شطار طيب واللى مش فاكر ؟ نفكره .. هيلاقى كل التفاصيل هنا فى البوست ده
وفى ملحوظه مهمه جداااااااااا
المكان اتغير وباذن الله هيكون نادى المحامين على البحر ودى دعوه من الاستاذ هانى اللى نط فى الكوز
علشان كل اللى بيحبوا البحر يبقوا قريبين منه
يعنى وش كده خبط لزق وهانروحه بعد الملجأ
وده مش اخر بوست عن الموضوع
ان شاء الله هانزل لكم تفاصيل اللقاء والبرنامج بتاع اليوم لما الميعاد يقرب شويه علشان مش حد ينسى
واللى هيحضرمجموعه من افضل مدونين المعموره شرقا وغربا وجنوبا وشمالا
وعلى راسهم ستيته حسب الله الحمش وفاتيما ام يوسف وخالد همس الاحباب واستاذ هانى اللى نط فى الكوز
وماما ام مالك واحمد سكر وميمى واحمد وعادل بتاع الحكومه ومحاسن صابر
و داليا قوس قزح والقدر وانا وناس كتيييير كتير اخاف انساهم
المهم بقى وده اهم ما فى اليوم اننا ناويين نروح ملجأ ايتام
وبناء على توجيهات اركان حرب الست فاتيما هانم ام يوسف وقائد الفرقه أ الاستاذ خالد ابو همس الغالى
توجهنا انا دودو عاشقه الرومانسيه وحنين القلب الغاليه الى الملجأ للسؤال عن الحاجات والمحتاجات وجميع الطلبات
والملجا بيقبل تبرعات نقديه وعينيه
وعدد الاطفال فيه مش كبير 13 طفل واعمارهم من 9 شهور الى 6 سنين
التبرعات النقديه هيكون القائمين عليها فى الاسكندريه حنين القلب وانا
واللى عايز يوصل لنا اى مبلغ ياجماعه
يبعت لنا على الايميل ده mero.200528@gmail.com دودو عاشقه الرومانسيه
او ايميل حنين ده shahd_hneen2008@yahoo.com حنين القلب
وهنتواصل معاه باذن الله معلش رقم الموبايل هيكون يوم اللقاء ياجماعه لسهوله التجمع
وفى القاهره خالد همس الاحباب وطبعا كلنا عارفين طريقه
اما التبرعات العينيه فدى الطلبات بتاعه الدار

اداوات نظافة
*********
*شامبو جونسون \ ديتول \شاور جونسون \صابون جونسون \زيت جونسون

لوشن جونسون \بودرة بيبى جونسون \ليف حمام \ليف عادى \بيرسول \صابون وجه \فنيك \ مناديل

مواد غذائية
********
* لبن نيدو \بسكويت \لحمه مفرومه \أرز \سمن حلوب \زيت \فراخ \بقسماط \زبادى \فاكهه \سكر \صلصه

أدوية
*****
* سرنجات 3سم \ اوجمنين شراب \ بارامول شراب \ ريكتوبلكسيل شراب \ ريكتو بلكسيل لبوس \ سيتافلون مطهر
\ساين أب \ ميجافين \ كيناكومب مرهم \ شاش \ قطن \ميكوفللين شراب \ سيتال مطهر \ فينادروبس نقط \
درمازين حروق \ أكوافيرا \ رينوستوب \ موتينورم شراب \ موتينورم لبوس

واللى هيجيب اى شئ من التبرعات العينيه ياجماعه
يقول هيجيب ايه علشان مش يكون فى حاجه مكرره او حاجه مش جت خالص
ربنا يجعله فى ميزان حسناتنا كلنا يارب
واى حد عنده اى اقتراح يتفضل يقوله

أخرك بعيد واسع

مالكش حدود

سبحانه من ابدعك

واحد اله معبود

قلبك كبير مليان

بكلام كتير ووعود

صابر وصبرك يحير

ويجيك كبير وصغير

يلقى الامان موجود

قالوا عليك غدار

والغدر من طبعك

وانا ليه معاك حسه..

بامان مالهش حدود؟؟؟؟؟؟؟؟؟

**الكلمات دى كتبتها وانا على شط البحر النهارده
واسفه لو خانى التعبير ومش عرفت اوصف حبى للبحر كويس زى ماانا حساه
بس عايزه اعرف البحر بيمثل ايه عند كل واحد فيكم؟؟؟؟؟
لانه عندى كل حاجه
واخيرا :- بحبك يابحر اسكندريه

بصوا بقى ياجماعه.. الموضوع اننا انا والبت حنين القلب

فى لحظه تجلى كده كنا ناويين نروح ملجأ للايتام

يعنى احنا مش لينا نفس نعمل خير زيكم ولا ايه؟

بس للامانه الموضوع ده من قبل رمضان وفكرنا انه يكون لقاء تدوينى

يعنى من ناحيه ناخد ثواب ومن ناحيه تانيه نشوف بعض

ولان وقت رمضان ضيق

ولان العيد بعد رمضان على طول (اضافه هايله الحقيقه) صح؟

ولان بعد العيد مدارس

وعلشان كللل الحاجات دى

اجلنا اليوم ... امتى بقى يادودو ؟

ده سؤال وجيه (مين وجيه ده)... اقولكم

الميعاد هيكون يوم السبت الموافق 10/10

حد من الجماهير يقولى ما تخليه فى العيد

ارد عليه واقوله الناس اللى هتيجى من سفر

والاعياد بتبقى بهدله واحنا جايبين الناس نضايفهم مش نبهدلهم

حد تانى من صفوف الجماهير الغفيره هيقولى واشمعنى اليوم ده يادودو؟

اقوله بالعقل كده ياابنى هتكون الناس ارتاحت من دوشه العيد والمدارس

ويجوا لنا بقى على رواقه ويكونوا رتبوا امورهم

طيب يطلع واحد تانى يسئلنى هنتقابل امتى ؟

هاقوله يوم 10/10 الساعه 10 صباحا

اليوم كله عشرات اهو علشان محدش ينسى

ولانى ديمقراطيه واحب الاسئله تكون كتير واحب اجاوبها هيجى حد يسئلنى

هنعمل ايه بقى فى اليوم بتاعنا ده؟ هارد واقول

هانتجمع ونروح كلنا على ملجأ ايتام نقعد معاهم شويه وناخد حسنات كتيييير

ونروح بعد كده على كافيتريا سيد درويش فى بحرى

على البحر مباشرتا ونقعد نتعرف ونتكلم مع بعض

ويجينى سؤال تااانى بيقول

مين الصُحبه يادودو؟ دى اهم حاجه

طبعااااااا معانا فاتيما روح قلب المدونين كلهم

ومعانا خالد همس الاحباب ابو همس الجدع قوى

وصاحبه الفكره الجميله من الاساس حنين القلب صديقتى الغاليه

ومعانا عادل بتاع الحكومه لو مش هيجى لاشرحنه

وكيارا عالم مولان ان شاء الله هتيجى برضه

والاستاذ هانى اللى نط فى الكوز باذن الله هيجى

ومعانا باذن الله ناس كتييييير هيكونوا مفاجئه اللقاء

ومش هاعلن عنهم الا لما يدونى الموافقه الاخيره

وطبعا فى انتظار كل الناس الحلوه دى

دودو عاشقه الرومانسيه

وحنين القلب

وقبل اللقاء بشويه هانروح الملجأ و نعرف لكم كلللل التفاصيل

ونعمل اعلان نهائى تاااااااااانى قرب الميعاد

وحشتووووونى ونفسى اشوفكم نفر نفررررررر

امراه مجروحه انا تحاول ان تعيش مع ما بقى منها من اوجاع

امراه انهارت كل احلامها على يديك بعد ان ظنت انك اصدق احلامها

امراه وهبت لك قلبها فطعنتها بخنجر مسموم

امراه اشترت حبك بدمها وبعت حبها بتراب الارض

امراه تحمل بين ضلوعها قلب من ماس وحب من دهب ولكنك لا تستحق سوى الحديد

امراه أأتمنتك على ورده عمرها فسحقت اوراقها بلا رحمه وخطيئتها الوحيده انها لم تجرحك يوما

امراه استطعت ان تجعل كل ايامها شتاء لا ينتهى واستطعت بمهاره واحتراف ان تزيل اى دفء فى حياتها بقسوتك

امراه قتلت حبها بلا رحمه وكان هذا الحب هو عارها ولم يكن لك يوما

امراه نسيت او تناسيت انك اصبحت كل ما لها وحطمت قلبها وذهبت فى طريق اللاعوده

امراه تحاول ان تمزق صورتك من قلبها ولكن هيهات لانها احبتك بصدق

امراه بحلقها منك مرار العلقم وليتها تستطيع ان تكرهك

امراه انا تحاول ان تثور لكرامتها ولكنها تحيا بين صراع قلبها وعقلها

امراه كانت اكبر احلامها حبك واصبح اكبر احلامها نسيانك

لانك بكل بساطه لا تستحق قلبها ولم تقدر حبها لك

واخيرا

سانساك وكأنك لم تكن

خروجا من مود الاكتئاب وعلشان ندى كل واحد حقه
فاحنا هنعمل النهارده حفله عيد ميلاد
لاختى وحبيبتى وحماتى الغاليه سالى صاحبه مدونه حاجات جوايا
كل سنه وانتى طيبه يااغلى الناس
ولو انها متاخره 24 ساعه بحالهم بس النت بقى وانتى عارفه حركاته

دى تورتات شيكولاته تحيز لانى بحبها

ودى كمااااااااااان حد عنده مانع؟

ودى هدايا بسيطه لان الوقت ضيق وانتى عارفه رمضان بقى

ولانى بحب الدباديب جدااااااااا فلازم اهديكى دبدوب

ولانى بحبك جدا لازم اقولك انى بحبك فى الله
ربنا يديم الحب ده على طول بينا ياقمر

ولانى قلت لازم ندى كل واحد حقه فعلا
فانا باهدى لكل احبابى اللى عيد ميلادهم الشهر ده الف تحيه وبقولهم كل سنه وانتم طيبين
وعلى راسهم
حنين القلب ودى لسه بدرى عليها ولازم يتعمل لها بوست مخصوص بعدين تفرج عليا الناس
بس اهو بالمره بقى
شيما مدونه الشعب لابد له من حكومه تشكومه مااحنا مشكومين خلقه هو احنا ناقصين؟
وضد التيار رغم انفها مهما تغير اسمها ال سويت فيوليت ال

وجائنا البيان التالى بعيد ميلاد تؤام ضد التيار شكلا وموضوعا الاموره كيارا
كل سنه وانتى طيبه ياقمر
علشان ابقى اول المهنئين
واللى عيد ميلاده الشهر ده وانا مش اعرف يعرفنى واعمل له تحديث
ياسلااااام
هو انا ليا غيركم
وكل سنه وكلنا بخير وسعاده يارب
التحديث
**************
الشهر ده مليان اعياد ميلاد كتييييييير ومنهم كمااااااان
عفروتو ابن الدكتوره ستيته وده بقى الحته اللى فى الشمال حبيييييييبى
واخوها وابن اخوها ربنا يبارك لك فى اعمارهم يادكتوره وكل سنه وكل احبابك بخير

والكتكوته الصغنتوته بسمه انور صاحبه مدونه حكاياتى
كل سنه وانتى طيبه ياقمر
وميمى صاحبه مدونه ميمايا واخوها التؤام كماااااااان الشهر ده ياجودعاااااااان
كل سنه وانتم بخير ياميمايا

عماااااااار يامصر وفى انتظار باقى الاحباب
(:
ده احنا هنقول عمار يامصر وعمار ياسعوديه
اصل توأم روحى ساره حبيبتى عيد ميلادها هى كمان الشهر ده
كل سنه وانتى طيبه ياساره
وتابعونا كل يوم معانا حد جديد نعلن اسمه
مش احسن من مسابقات كورومبو والنبى؟