بصوا بقى ياجماعه.. الموضوع اننا انا والبت حنين القلب
فى لحظه تجلى كده كنا ناويين نروح ملجأ للايتام
يعنى احنا مش لينا نفس نعمل خير زيكم ولا ايه؟
بس للامانه الموضوع ده من قبل رمضان وفكرنا انه يكون لقاء تدوينى
يعنى من ناحيه ناخد ثواب ومن ناحيه تانيه نشوف بعض
ولان وقت رمضان ضيق
ولان العيد بعد رمضان على طول (اضافه هايله الحقيقه) صح؟
ولان بعد العيد مدارس
وعلشان كللل الحاجات دى
اجلنا اليوم ... امتى بقى يادودو ؟
ده سؤال وجيه (مين وجيه ده)... اقولكم
الميعاد هيكون يوم السبت الموافق 10/10
حد من الجماهير يقولى ما تخليه فى العيد
ارد عليه واقوله الناس اللى هتيجى من سفر
والاعياد بتبقى بهدله واحنا جايبين الناس نضايفهم مش نبهدلهم
حد تانى من صفوف الجماهير الغفيره هيقولى واشمعنى اليوم ده يادودو؟
اقوله بالعقل كده ياابنى هتكون الناس ارتاحت من دوشه العيد والمدارس
ويجوا لنا بقى على رواقه ويكونوا رتبوا امورهم
طيب يطلع واحد تانى يسئلنى هنتقابل امتى ؟
هاقوله يوم 10/10 الساعه 10 صباحا
اليوم كله عشرات اهو علشان محدش ينسى
ولانى ديمقراطيه واحب الاسئله تكون كتير واحب اجاوبها هيجى حد يسئلنى
هنعمل ايه بقى فى اليوم بتاعنا ده؟ هارد واقول
هانتجمع ونروح كلنا على ملجأ ايتام نقعد معاهم شويه وناخد حسنات كتيييير
ونروح بعد كده على كافيتريا سيد درويش فى بحرى
على البحر مباشرتا ونقعد نتعرف ونتكلم مع بعض
ويجينى سؤال تااانى بيقول
مين الصُحبه يادودو؟ دى اهم حاجه
طبعااااااا معانا فاتيما روح قلب المدونين كلهم
ومعانا خالد همس الاحباب ابو همس الجدع قوى
وصاحبه الفكره الجميله من الاساس حنين القلب صديقتى الغاليه
ومعانا عادل بتاع الحكومه لو مش هيجى لاشرحنه
وكيارا عالم مولان ان شاء الله هتيجى برضه
والاستاذ هانى اللى نط فى الكوز باذن الله هيجى
ومعانا باذن الله ناس كتييييير هيكونوا مفاجئه اللقاء
ومش هاعلن عنهم الا لما يدونى الموافقه الاخيره
وطبعا فى انتظار كل الناس الحلوه دى
دودو عاشقه الرومانسيه
وحنين القلب
وقبل اللقاء بشويه هانروح الملجأ و نعرف لكم كلللل التفاصيل
ونعمل اعلان نهائى تاااااااااانى قرب الميعاد
وحشتووووونى ونفسى اشوفكم نفر نفررررررر
94 الرومانسيين اللى زى حالاتى:
يوم10/10 الساعة 10 طبعا سنة الفين وعشرة
وأنا من هذا المزنق انادي الزعيمة الخالدة ستية لتكون فرصة لتقلب البحر الابيض لاحمر
والاهلي حديد
مصري جدا
كده انت هتيجى متاخر سنه عن الميعاد يااستاذنا
وانا بضم صوتى لصوتك ومستعده اغير لون البحر بس ستوته تيجى
بيب بييييب اهلى
ههههههههههههههه
ماهي لازم تيجي
اذا ما كانتش الريسة هتيجي كرسي في الكلوب مألغوا الميعاد وخلوا الايتام يتيتموا كمان وكمان
مصري جدا
لالالالالالالالا
ازاى تقول كده
دى حتى حونينه جدا ومش هيهون عليها الايتام وانا اولهم
(:
بس ادعى رنا تكون فاضيه وتقدر تيجى
ياااااااارب
حلم عمرى اشوفها هى وفاتيما وعادل وكيارا فى مكان واحد
تفتكر هاعيش واشوف اليوم ده؟؟؟؟
وبعدين اذ لابد عن كل بد نسطح عالقطر الجديد بتاع بلاد برة
ولا نخلي الاعلانات ما تجيبش فايدة
واذا ستوتة قطعت لنا تذاكر ولا بد هي فاعلة
نقطع الكراسي بئا ونحفر جوا العربية
مصري جدا
انت فعلا ابن البلد دى ياهانى ياابنى
انا فخوره بيك
عايز تسطح على القطر وتقطع الكراسى؟
بس ستوته لو عزمتك على التذاكر وركبت معاها مش هتقدر تعمل كده
الا دى الغلط نفسه يخاف يجى قدامها
اسئلنى انا
(:
ملحوظة
انا يتيم الاب والام
يعني تلموا بضمير وهعد
وستيتة بالذات
ميات والا هتبقا فضيحة بجلاجل
مصري جدا
ههههههههههه
ماانا يتيمه اهو ومش عامله الفضايح دى كلها
(:
واشمعنى ستيته يعنى
هى هتتبناك ولا ايه
اة
متبنياني
وهتيجي وهتدفع
وهتقطع لنا تذاكر
والنبي يا اخوان يا بتوع اسكندرية الاجتماع يكون جنب اي غيط درة
الريسة هتأرأرش عضمي
بعد ما تيجي وتدفع وتقطع التذاكر وتغدينا عند قدورة
وكمان هتدينا فلوس لاننا ايتام
ستيتة احنا اخوات
ما تفرجيش عليا العيال دول
دودو هيا اللي سخنتني
انتي عارفة
انا طيب جدا
وبينضحك عليا
ايه ده بقى
لا مليش دعوة
اه مليش دعوة بس هه
كل شويه تعملو لقاءات لقاءات
وانامش بعرف اجى
بتغيظونى ولا ايه بقى
لالا بس انا ودودو اتفقنا هنعمل لقاء على البحر الكبير عندنا فى البلد وفسيخ وبصل وهيصه بقى ايه
هههههههههههههههههههههههه
وكل واحد مسؤول عن نفسه
يلا بس كفايه كده انا خلاص متغاظه ومتعصبة من الغيظ
مصري جدا
يالهوووووووى
والنعمه ماانا
ولا اعرفه ياخالتوووووو
ايووووه على البيعه الوحشه
بس خالتو عارفه انى طيبه
ولا ممكن ابدا اعمل كده ابداااااااا
يالهوووووووى لو صدقت
يبقى الله يرحمنى انا وانت ياهانى باشا
ادى اخره اللعب مع الكبار
بـــــسمة انـــــــــور
يالهوى على الفضايح
حتى انتى يابسمه؟؟؟؟؟؟؟؟؟
جايه تسيحى لى هنا قدام الناس
طيييب وفيها ايه
انا بحب الفسيخ واقولها لو اتسئل
وان شالله اموت قتيل
او اخش المعتقل
وايييييييييه
وحشنى شعبولا صديق الكفاح والله
هههههههههههه
اه اسيح واخد بتارى مش كفايه محرومة من لقائتكم
فليحيا شعبولا
بـــــسمة انـــــــــور
ماااشى ياستى
يابنتى انا مش قلت هاعوضها لك ونيجى نضرب فسيخ وبصل وشاى فى الغيط وسط الزرع والدره
وليكى عليا ياستى نستحمى فى الترعه كمان
عايزه حاجه تانيه؟
هههههههههههههه
انتى تأمرى
اوكيشن كده قشطات خالص
بس ابقى هاتى عوامة معاكى
عشان مش بعرف اعوم
بـــــسمة انـــــــــور
لا انا هاجيب الاقراص بتاعه محمد رضا
علشان البلهارسيا
تصدقى بالله
انا كمان مش بعرف اعوم
رغم انى اسكندرانيه
فضااااااايح
دودو ازيك ياقمر
ان شاء الله احاول اجى
ولو ان المعاد صعب جدا يوم اليبت يعنى الاحد في مدارس
وكمان بنوتاتى هاوديهم فين يوم السبت
بس عارفه انا ممكن اجيبهم وامركم لله
هما هادين ومش هايعملو حاجة بس انا اللى كنت عاوزه اجى من غير اطفال واعيش حياتى يوم براحتى
لا بجد يادودو انا فعلا عاوزه اشوفك اوى وباذن الله هاحاول جاهدة انى احضر اللقاء
ازيك يادودو وازيكو كلكو اخواتى وحبايبى بجد بجد نفسى احضره يادودى بس ماليش نصيب انزل ظروفى صعبه شويه ربنا يوفقكو كلوكو وتتقابلو على خير ونبسطو
انا شكلى مكتوب عليا افضل اسير
طب ايه رايك لو انا وبيرو جينا كمان
مع انه مش يوم جمعه بس هيبقا اعتقد فى ايام الاجازات بتاعة العيد باين لو كده احجزيلى مكان انا وبيرو واحتمال نرسم على بيات
شوفى بقا هتبيتونا فين
عاااااااااا انا عايزة اجى بس انتم كل شوية تغيظونا ليه طيب :((
يلا ان شاء الله انا هجى يوم 10 /10 سنة 20 20 لما اهلى يقتنعوا انى كبرت بقى ومش لسه صغيرة ههههه
ان شاء الله لقاء موفق باذن الله وهبقى معاكم قلبا وتليفونات بقى هعمل ايه حكم القوى
هههههههههه سكر يا دودو والله
ماشي ياعم الديمقراطى
والله ماشاء الله الفكرة جميلة وربنا يجازيكم كل خير بجد سواء اللى فكر ولا اللى نشر الموضوع وشجعه
تعرفى انا نفسي اجى بجد يا دودو
بس المشكلة انكم فى البلاد البعيدة فى اسكندرية
والمشكلة التانية ان الواحد بيحرج من التجمعات
انا بصراحة بكسف
:$
بس اتمنى لكم بجد يوم جميل وتجمع جميل
انا معاكو بقلبى يا ولاد
:)
تحياتى
صحيح كل سنة وانتى طيبة
ربنا يسهل ان شاء الله
واقدر اجى معاكم
تحياتى ليكم
اممممممممم
هو احنا مش ورانا غيركم ولا ايه
وبعدين ايه الموافقة الاجبارية دى
على اساس انى لاجىء تدوينى هحضر غصب عنى ولا ايه
وبعدين انا معترض ومحتج
بس طالما الحكومة اصرت على وجودى
يبقى لازمن اجى غصب عنى
من خاف سلم يا جدعان
ربنا يوفقكم ويجعله فى ميزان حسناتكم
reem
انا بموت فى الاطفال
هاتيهم وانا مش هاخليكى تحسى بوجودهم وتعيشى براحتك خااااااااااالص
انا كمان نفسى اشوفك جدا
اســ الغربه ـــير
ربنا يعينك على غربتك ياحماده
وان شاء الله لما تنزل ياباشا نعمل لك لقاء مخصوص
وانت معانا بقلبك والله
اســ الغربه ـــير
ازاى تكون اسير لغربتك وكل القلوب دى حواليك؟؟؟؟؟
مفيش غربه مع وجود اخواتك ياواد
فاهم ولا لأ؟
mahasen saber
ياااااه يامحاسن
بجد هتيجى؟
ده انا انيمك فى عيونى واغطيكى برموشى
مش تتخيلى فرحتى بكلامك ده
بجد مفاجئه رائعه
ان شاء الله تقدرى تيجى ياقمر
بحبك جدااااااااااا
آيوشة
معلش ياايوشه
انا كمان مش باخرج بره اسكندريه والله
وكفايا علينا نسمعوا صوتك ياقمر
احنا نطول؟
حدوتة
ربنا يبارك لنا فى قلبك ياقمر
وعموما فكرى تانى لسه قدامك شهر
وان شاء الله تقدرى
وهتستمتعى جداا
اسئلينى انا
blue-wave
والله وجودك يزيدنا شرف يادكتور
باين عليه هيبقى لقاء قمه بجد
فيه كل روائع التدوين
همس الاحباب
نعم نعمممممممم
وانت تقدر تعترض بقى؟
انت الراعى الرسمى للقاء فى الكاهره ياابو همس
ههههههههههههه
هو كده الجدعان الناس تطمع فيهم
واحنا عارفين انك جدع
(:
انا بعت لحضرتك
إيميل
رداً على ايميلك
بخصوص الخلاف حول اللقاء السكندرى
اللى مزمع عقده فى العيد
او اللقاء اللى حضرتك اقترحتيه انهارده
فى انتظار ردك
مممممممممممممماشي ممممممماشي وانتي فاهمه بئه
بدراوى
وصل وتم ارسال الرد لحضرتك
شكرا على اهتمامك
كيــــــــــــارا
ماشى ليه ياباشا؟
ماتقعد شويه؟
تيب نجيب شاى ولا انت صايم؟
هههههههههههههههههههه
فكره جميله
ربنا يوفقكوا ويقدركوا على فعل الخير
تحياتى
Pink Dreams
احنا وانتى يارب
كل سنة وانتى طيبة يا دودو
وربنا يقدرك على فعل الخير دايما يارب
فى توضيح ليكى على الايميل بخصوص اللقاء اللى منشور فى مدونتنا
ميمي وأحمد
وصل الايميل وباشكركم جدا لاهتمامكم
ورديت عليه
واتمنى من كل قلبى اشوفكم
ربنا يجعل اللي انتوا بتعملوه ده في ميزان حسناتكوا
بس انا من رأيي تخلوها قبل بداية الدراسة وكمان دلوقتي بقا في اسبوع فاصل بين العيد والدراسة بعد ما الدراسة اتأجلت اسبوع
Yusuf
هى الدراسه هتبدأ امتى بالضبط؟
ربنا يساعدكم على فعل الخير دايما يارب
ويقدركم عليه
امووووه يا قمر
حنين
هو اقتراح لذيذ و اسمي علي الهوا مباشرة كمان
وطبعا انا مع ماما في اي حتة ان شاء الله
بس في ميعادين كده
ميعادكم ده و ميعاد حروف بتاع العيد ظبطوا الاتنين عشان في ناس صعب تسافر مرتين
وانا منهم الحقيقة
وان شاء الله يكون يوم حلو و اشوف فيه الناس كلها :)
دلوقتي فيه لقائين
لقاء في العيد
ولقاء بعد العيد
وأنا إن شاء الله هحضر الأتنين
مش فيها بحر؟
هتلاقوني
هتلاقوني
انا بطلت اقاطع
اتربيت صراحة
ها نرتب نحن المعلم حلاوة العنتبلي مع الناس الحلوة بتوع القاهرة
ونطب جماعة بعون ربنا
ربنا يسهلها بقى
بحبك
7annen
ربنا يكرمك يارب
هاتى اختك وتعالى اهى بقت مدونه
يعنى مننا وعلينا
اتمنى اشوفكم
adel
ياعادل ياابنى ما انا قلت لك اللى فيها
عندك 2 ميعاد
واللى يناسب ظروفك تعالى عليه
وبالعكس ده كده ايسر لناس كتير
اللى معترض على ميعاد يروح التانى
وفى كل الاحوال لما انت بالذات تيجى
اسكندريه هتولع قصدى هتنور
((:
mimi
طيب وانا هاحتاج ايه اكتر من كده
ميمى بحالها هتنور اسكندريه مرتين
البحر يناديكى ياااااااااميمى
بس هاتى احمد معاكى
اوعى يضحك عليكى ومش يجى
ستيته حسب الله الحمش
ده منى عينى ياخالتو وانتى عارفه
تعالى بقى علشان تقطعى لهانى فى القطر ويلعب ويقطع فى الكراسى براحته
حققى له حلمه
واهى فسحه
(:
وكل شئ متاح
ولو قلبتى عليه
انا مااعرفوش ولا عمرى شفته
ايه ده انا مش علقت هنا
انا فاكرة انى علقت
على العموم انا هفكر ولسه ادامى وقت
ولا اقولك يا دودو انا مش جايه
هههههههههههههههههههههه
هو انا اقدر يا باشا
باذن الله يكون يوم كويس ويجلعه فى ميزان حسناتنا جميعا
الله عليكم
اهى دى اللى اسمها الغبطة
ان شاء الله يكون يوم جميل
و هاحاول اجى ان شاء الله
جزاكم الله كل خير
حنين القلب
لا يااااااااشيييخه؟
والله؟؟؟؟؟؟؟
لا ياستى مش تتعبى نفسك
ومش تيجى
بلاش دوشه وقلبه مخ
اذا كان انتى شريكه فى البوست وجيالى بعد التعليقات ما وصلت 50 تعليق
يوم اللقاء هتعملى فيه ايييييييييييه؟؟؟؟؟؟؟
يابنتى حرام عليكى انا ضغطى فى السما لوحده
ربنا يتقبل منى ومنك ياحنونه
(:
قوس قزح
والله ياداليا هتنورينا
ياسلام بقى لو تجيبى خوخه معاكى
ويبقى لقاء العمالقه بجد
لان فاتيما باذن الله هتحضر
وستيته وهانى وعادل وخالد وحنين
وناس تانيه كتييييييير كتير
ان شاء الله تنورونا كلكم
تحياتى ياوش الخير زى ما فاتيما بتقول
لالالالالالالا ماليش دعوة بقى عاااااااااا
انا هاجى غصب بقى عااااااااا
بجد انتوا اجمل صحبة تسلمى لنا يا دودو وبجد نفسى اجى عشان اشوف احلى ام فاتيما
دى هتشرفنا فى اسكندرية يعنى اوعى وشك
تحياتى يادودو
مى
هتنورينا ياقمر
ومش غصب ولا حاجه
هههههههههه
برضانا واحنا بنتحايل عليكى كمان
(:
مبسوطه بزياره مدونتك جدا يابنت بلدى
ربنا يكرمك يارب ويوفقكم للخير وبجد اقتراح جميل قوووى وان شاء الله ربنا يقدرنى وزى ما فهمتك
البوست شوقنى قوووووووووى يا اختشى عاااااااااااااا
ماليش دعوة بقا انا كمان عاوزة زيكم
ربنا بس يقدم الخير لينا كلنا ويسهلها علينا قادر ياكريم
مودتى
انوسه
كالعادة سعيدة جدا بالفكرة وقلبي معاكم
وياااارب اعرف أأجل سفري و الحق اللقاء ده لاني نفسي ينوبني من الخير جانب
و أكيد وحشتوني قوي من آخر لقاء ده غير ان حاتتاح لي الفرصة اني اتعرف على مدونين ماتشرفتش بمعرفتهم كمان
تسلم ايدك يا دودو انت و حنين القلب
وان شاء الله يبقى لي نصيب أشوفكم.. يااارب
دودو
فكرة جميلة وباذن ربنا اكون معاكم ان ما كنش قبلها علشان اعمل معاكم كل الترتيبات اللازمة
اعذرينى انشغلت شوية لكن حنتقابل قريب جدا باذن الله
حبى وتحياتى
وبما انى بحب المفجأت
مش هاقولكم اذا كنت هاجى ولا لأ
لو جيت أهى تبقى مفجأة ليكم
ولو ماجتش يبقى ده العادى بتاع خيخة
نيهاهاهاهاهاهاهاهاهاهاع
وسكر طبعا هيكون من مفاجات اللقاء
ودى هتكون تانى مره ف اسكندريه
لانى ان شاء الله
هحضر لقاء العيد
كل سنه وانتم طيبين
ودى فرصه جميله ااقدر انتهزها واتعرف على ناس
بسمع عنهم كل الخير
بس دعواتكم تكون عربيتى خرجت من الصيانه
لانها عندها وعكه
وقلت اضبطها ف اجازة العيد
واروح اول لقاء مواصلات
بس التانى ان شاء الله بالعربيه
كل سنه وانتم طيبين
وع الخير دا يما متجمعين
ولقائتنا دايما مدونيين
وفى فى رمضان وفى العيد متجمعين
وبد العيد كمان لاسكندريه جاايين
سكر
السلام عليكم
كل سنة وانتى طيبة يا دودو
وبجد اسف على التاخير لانى كنت فعلا فى ظروف منعانى انى اقعد على المدونة الفترة الطويلة اللى فاتت
بس من الواجب انك كنتى تسالى دة انتى بنت جيهتى حتى
ههههههههههههههههههههههة
كل سنة وانتى طيبة
واسف للتاخير للمرة التانية
وبالنسبة للقاء برافو عليكم
وسلميلى على حنين كتير كتير كتير
اسير الجراح
السلام عليكم
-*-*****-*-
10 / 10 الساعه 10
وهنروح كمان دار ايتام
ده انا لازم احضر مافيش كلام
.
.
:)
السلام عليكم دودو
تحياتى
يوم السبت صعب قوى يا دودو .. عشان انا عندى يوم الاحد فى القاهره ويوم الاثنين غالبا بتكون فى محافظه تانيه حتى يوم الخميس .
ياريت يكون يوم اثنين او ثلاثاء وعموما حاحاول التواجد يوم الاثنين وربنا يسهل الصعب عشان بينى وبين اسكندريه حوالى 180 كيلوا وصعب اسافر فى اسبوع واحد ثلاث او اربع مرات
انا متابع معاكم ودا مش كلام اخير ... وربنا يسهل
السلام عليكم
ازيك ياقمر وحشانى والله
معلش انا عرفه انى بعيد الفتره دى
بس بجد فكره جميله تستهلى عليها الف بوسه منى وربنا يجزيكى خير يارب
يارب نعرف نعمل كده فى القاهره كمان
لو نحدد يوم وساعه الكل يخرج لاقرب دار عنده اكيد الخير هيكون اكتر وكمان فى كل مكان .
ملحوظه
عرفه فكرتينى بى ثورت 19 فى اليوم19 سنه 19 هههههههههههههههه
تحياتى اختك سونه .
يارب متجمعين دايما في الخير
وان شاء الله لو قدرت هاجي ولو ماقدرتش يبقا غصب عني
ماهي اسكندريه مره واحده
انا بجد فرحت جدا بتليفونك يادودو
وسلامة ايدك الف سلامه
كل سنه وانتم طيبين
يوم 10-10 الساعه 10
ان شاء الله اكون موجود ويكون يوم جميل بس افتكر اني حاجي بعد الملجا
وحجيب مثاثات معايا
في انتظار اللقاء
عاشقة الأحزان
والله انا اكتر منك
اتمنى ان ربنا ييسر لك امرك
وتقدرى تيجى
قولى يارب
اموووووه
Hannoda
والله ياهنوده ده يبقى ربنا بيحبنا احنا لو شفناكى ويبقى من حسن حظنا كمان
انتى وحشانى قوى يابنوته
بجد
وربنا يدبر الامور وتقدرى تاجلى السفر ياقمر
القدر و انا
والله انا تمنى مجرد انى اشوفك
فمابالك بقى لما تبقى معانا يد بيد
والله ده فعلا هيكون كتير علينا
ربنا ما يحرمنا منك وكفايا علينا تشجيعك
بت خيخة وأي كلام
ايه ده بقىىىىىىىى
يعنى انا كده مش فهمت حاجه
هتيجى ولا لأ
طيب والله انا اتمنى انك تيجى
ومش عايزين خيخنه المره دى الله يكرمك
عايزين نشوفك
كتير علينا ولا ايه؟؟؟؟؟؟؟؟
(احمد سكر )
تنور
أسير الجراح
ازيك يااحمد
معلش ياسيدى عارفه والله انى مقصره معاك
بس اعرف برضه انك فى الجيش
ربنا يكرمك وتقدر تحضر لقاء 10/10
كل سنه وانت طيب
اقدم عاصمه فى الحب
ياسيدى تنورنا والله
هو احنا نطول
وجودك ده شرف لينا
(:
فشكووول
عمو صلاح
كان نفسى قوى ان حضرتك تكون موجود
وبالنسبه للميعاد فالسبت انسب ميعاد للكل وصعب جدا يكون فى نص الاسبوع
عموما برضه هانسيبها للظروف
ولو فى اى تغير هاجى لحد مدونتك وابلغك
تحياتى
”*°•.˜”*°•..سونه..•°*”˜.•°*”˜
طيب انا عايزه البوسات بتاعتى حاااااااالا
عدا ونقدا
الف بوسه
ولو غلطنا فى العد نعد من تااااااااانى
شمس النهار
شفتى اللى حصل لى ياشموسه؟
الدكتور اجل فك الجبس ليوم الخميس
عاااااااااااااااااا
بجد انا اللى متشكره جدا على اهتمامك الرااااائع ده بيا
ربنا ما يحرمنى منك ابدا
حرروف
تنورى فى اى وقت
وابقى اعملى حسابى فى مثاثايه
Sharm
اشكرك
تسلمي يا دودو.. انا حاعمل كل جهدي باذن الله لاني انا اللي حامووووت و أشوفكم كلكم
فيه كلام هنا يهمني رايك فيه
http://hannoda.blogspot.com/2009/09/blog-post_13.html
سلام عليكم كل سنه وانتي طيبه
ربنا يجعلها في ميزان حسناتكم
كان نفسي اكون معاكم
بس انا لم نزلت مصر قعدت شهرين مش كان في برنامج ان شاءالله اشوفكم في ساعات خير
دودو
ان شاء الله نتقابل
ايميلى هو
ndkhalil@yahoo.com
رجاء التواصل يا قمر
سلامتك يا دودو
مكنتش أعرف موضوع الجبس ده
ألف سلامة عليكي
يارب تقومي بألف سلامة يارب
بجد هيبقى يوم جامد جدا
ربنا معاكم ويباركلكم فى وقتكم يارب
وان شاء الله قمة تدوينية مثمرة
بس بلاش يكون فى شجب زى جامعة الدول
وكل عام وانتم بخير ويجعله عامر
ويجعل كلامنا خفيف على الجامعة
شاب فقرى :)
ربنا يجعله فى ميزان حسناتكم يا رب
Hannoda
عُلم يافندم
(:
عاشقة القمر
عرفينا انتى بس ياقمر هتنزلى مصر امتى واحنا نعمل لقاء على شرف استقبالك
بس كده؟ عيووووونى
القدر و انا
تمت الاضافه ياجميل
امتى هنتكلم بقى؟
mimi
ربنا يخليكى ياميمى
متشكره جدا على سؤالك
كلها يومين وافكه خلاص هانت
(:
ادعى لى
شاب فقرى
يوم جامد ان شاء الله
ومفيش شجب ولا حاجه
ربنا ما يجيب مشاكل
ريمان
اللهم امييييييين
الله بجد على الفكره
وعلى الناس الا مشجعه الفكره كمان وكمان
بجد عيشتوا ويارب كده تتجمعوا على خير
رغم انى ما اعرفشى اى حد فيكم لكن حبيتكم على حبكم لبعض
ويارب كده دايما
كلاكيت تانى مرة :$
هكون فى اسكندرية من يوم الوقفة لاخر ايام العيد
كنت اتمنى احضر
بالتوفيق ليكم يارب
اللي عيد ميلاده في شهر سبتمبر يقول :
أناااااااااااااااااا
أو يعرف حد مننا عيد ميلاده في سبتمبر
ويكتب يوم كام في شهر سبتمبر
هنا حفلة كبيرة جدااااااااااااااا
إرسال تعليق