ابنى كان شاب طيب ومحبوب من كل الناس عمرى ما شفت حد زعلان منه روحه حلوه مالى علينا البيت ضحك وحب .. حب لاخواته واحترام ليا ولابوه .. ابنى كان جدع قوى مع اصحابه .. ابنى كان شاب مكافح بيشتغل وعنده مكتب استيراد وتصدير عمله مع اصحابه وبيكسب رزقه بعرقه .. عمره ما ضايقنى انا ولا ابوه ولا حملنا فوق طاقتنا .. اعتمد على نفسه وبنى نفسه بنفسه .. ابنى كان قاعد فى حضنى امبارح بيضحك ويحلم ببنت الجيران اللى بيحبها ونفسه يخطبها وبيحكى لى على اولاده اللى هيديهم لى اربيهم زى ما ربيته هو واخواته .. ابنى كان بيتفرج معايا على التليفزيون وسهران معايا انا وابوه واخواته ونايم فى حجرى .. ابنى كان بيقولى انه مهما كبر بيحب قوى يحس انه لسه طفل بين ايديا وانه بينسى تعب الدنيا والجرى ورا لقمه العيش لما اخده فى حضنى .. ابنى كان بيسمع شكوة اخته امبارح وبيطبطب عليها وكان بيوعد اخوه الصغير بهديه حلوه لما ينجح .. ابنى ده كان نور عينى اللى ربنا كرمنى بيه وقلت ان الايام عوضت صبرى خير .. ابنى كانت اى ام بتتمنى اولادها يبقوا زيه فى اخلاقه وحب الناس له .. نزل خالد من البيت وسلم على ابوه وباس ايدى وطلب منى انى ادعى له نزل بعد يوم مرهق فى شغله يغير جو ويسهر مع اصحابه شويه ... دخل سيبر يفرج عن نفسه ماهو تعبان ياحبيبى طول اليوم ..وضحك وهزر مع اصحابه من قلبه .. ودخل عليهم البوليس يفتشهم .. والله ابنى كان محترم ومش بتاع مشاكل .. بس كان متربى على عزه النفس وان كرامته فوق كل شئ ومش بيقبل بالاهانه ابدا .. ابنى ماعملش حاجه والله ..هو بس سئل رجال الشرطه احنا بنتفتش ليه؟؟؟!!! وكان مصيره الضرب حتى الموت .. اه مات ابنى .. مات ابن عمرى .. مات حته من قلبى .. مكنتش اعرف ياابنى انى مش هاشوفك تانى ... ااااااااااه ياخالد لو كنت شفتهم ياابنى كنت نهشتهم باسنانى ولا انهم يمسوك بسوء ياحبيبى ... سامحنى ياابنى لانى ربيتك على الاخلاق .. سامحنى ياابنى لانى طلعتك محترم فى بلد مش بيعيش فيها الا البلطجيه ... حسبى الله ونعم الوكيل .. حسبى الله ونعم الوكيل ... تارك عند اللى خلقك يابنى مفيش فى ايدى شئ الا دموعى ياحبيبى .. سامحنى ياخالد .. سامحنى ياابنى

ياترى كام خالد فيكى يابلد؟؟؟؟؟؟؟؟؟؟؟؟؟؟؟

أحبك

كلمه من اربع حروف ولكن بين طياتها كلمات العالم بأكلمه

ماذا يحدث إذا سمعتها منك؟؟!!

ضعفى فى أذنى كأى إمرأه وغرورك يمنعك من أن تبوح بها كأى رجل شرقى

تباً لشرقيتك و تباً لغرورك أتظن إنك ملكتنى فلم يعد لكلامك لى أدنى أهميه ؟؟؟؟؟!!!

أنا لا أريد منك ان تصنع المستحيل أو تحطم الجبال لأجلى

فقط هى كلمه أشعر بها بأنى أنثى مازالت جميله فى نظرك

نعم أريد أن أسمعها منك أريد أن أراها فى عيونك

كما أراها فى عيونهم

انت ترى الحب ياسيدى أفعال ولكنه عندى غير ذلك

كم تمنيت ان أرتمى بين ضلوعك وأبكى كطفله صغيره

كم تمنيت ان تحتوينى ذراعاك بحب ... فقط .. من اجل الحب

انا لا اريدك زوج فقط ... لا اريدك بنك يلبى لى طلباتى

فللانثى احتاجات اخرى تعجز بغرورك وعنادك عن ادراكها

اريد ان اعيش معك فى فتره خطوبه متواصله ارد ان اسمع منك معسول الكلام وهذا حقى

اريدك ان تعشقنى فالحب وحده لا يروى ظمأ قلبى

اريدك صديق احكى له مايدور بعقلى دون خوف وهذا حقى

اريد اب وصديق وزوج بل عشيق فلا عيب ان يكون زوجى هو عشيقى

اريدك لي دنيا بكل ما فيها فهل ما اريده صعب الى هذا الحد؟

لا اريدك ان تصحو من غفلتك على كارثه فشرقيتك جعلتنى هشه سهله الكسر

فألهمنى قوة من حبك والا فلا تلومً الا نفسك

امضاء

قلب ينزف

امراه جميله اجمع كل من عرفها على حبها دون جدال

بداخل عينينها بريق يأسر القلوب وفى ابتسامتها مرح وشقاوة الاطفال

فهى تحيا بقلب برئ كبرائتهم فلا عجب ان تشبههم

مضى من عمرها مامضى .. مثيلاتيها من النساء يتمتعن بخبره فى تعاملاتهن

وهى أيضا لديها خبراتها ولكنها لا تحتاج اليها لانها تتعامل بقلبها واحساسها بمن حولها

ونادرا ما يخيب ظنها فى حبيب او انسان مُقرب

حياتها مليئه بقلوب تعشقها .. كثيرا من الرجال يعشقوا صفائها وحبها للغير وكثيرا من تقربوا طلباً لودها

ولكن هى لا ترى سواه فهو مختلف عنهم .. هكذا رأته بقلبها واحساسها

لانه يستحق ذلك الحب .. هى تعلم جيدا ان الوصول لقلبه حلم صعب المنال ولكنها تسعى لتحقق حلمها

تعلم ان حصون مدينته منيعه لا يستطيع ان يتجاوزها بشر

تعلم ان قلبه مغلق لحين اشعار اخر

ولكنها تُصر على اقتحام قلبه وفتحه لها وللعالم اللذى اعتزله طويلا

لانها تشعر بجواره انها فراشه صغيره بين كفيه

وكأن قدميها لا تستطيع ان تلامس الارض

تشعر وكأنها قطره ماء فى بحره لانه أستطاع ببساطه ودون ان يدرى ان يحتويها

تشعر وكأنه إبنها اللذى لم يحمله رحمها

وكأنه قلبها اللذى يدق فى صدرها

وكأنه دمها اللذى يتدفق فى شريانها

لماذا يلاحقها طيفه فى كل مكان ؟؟

حتى فى كتبها المفضله تجده بين السطور

فهل يصله كل ذلك؟

هل يبادلها نفس الشعور؟

هل يشعر بكل تلك السعاده التى تجتاح كيانها عندما تتحدث معه؟

هل يرى تلك النظره فى عينيها عندما تقابله؟

يالعذبى منك يارجلا احيا قلبى بعد موته سنين !!

على الهامش

متى ستعرف كم أهواك يا رجلا

أبيع من أجله الدنيـــا وما فيها

يا من تحديت في حبي له مدنـا

بحالهــا وسأمضي في تحديهـا

لو تطلب البحر في عينيك أسكبه

أو تطلب الشمس في كفيك أرميها

لم تنم تلك الليله فهى مستيقظه طوال الليل بجواره تتأمل ملامح وجهه

كم هو جميل حتى فى نومه

كم هى رائعه تلك الابتسامه على شفتاه .. تُرى بماذا يحلم؟ هل يحلم بها؟ كما تحلم به كل ليله؟

كم اشتاقت الى لون عينيه كم اشتاقت الى كلماته الرقيقه العذبه كم اشتاقت الى مرحهم سويا وضحكاتهم الصاخبه فى بهجه لا تزول

جلست بجواره تتأمل ملامحه وتمرر يدها على خصلات شعره الناعمه

وتلمس وجهه بكفها الرقيق وتتفحص تفاصيل وجهه وكأنها تريد ان تحفظها حتى لا تغيب ابدا عن خيالها

وبدأت تقترب من وجهه بأنفاسها حتى يشعر بها ويستيقظ فى هدوء وأخذت ورده حمراء بلون خديها وبدأت تتلاعب بها على وجنتيه وجبينه

أهو حقا بجوارها ؟ احقا تحقق لها حلم عمرها وأصبحت قريبه منه الى ذلك الحد؟

كم تمنت ان يتحقق حلمها ويكون شريك لحياتها فكان هو أكبر أحلامها

كم تمنت ان ترتمى بين أحضانه بلا خوف ويكون هو ملاذها الوحيد

تختبئ بين ضلوعه من الكون بأكمله .. تفكر معه بصوت عالى دون ان تخشى الا يفهم مرادها فهو يستطيع ببراعه ان ينفذ الى داخل روحها ويقرأ ما كُتب بين عينيها دون كلام

قطعت افكارها تلك القبله الحانيه على كفها فهو استيقظ من نومه فى تلك اللحظه على وجهها فابتسم لها ابتسامه ساحره بها كثير من اللهفه والشوق والحب ووضع قبله حانيه على شفتيها وجبينها

فتنفست بعمق وكأن تلك القبله هى اقصى أمانيها وأرتمت بين أحضانه وتركت نفسها تغوص بهما

عادت الى منزلها .. بدلت ملابسها .. نظرت فى مرآتها ..فردت شعرها خلفها ..أخذت تداعبه برقه .. فهى تشعر بهدوء غريب لم تألفه روحها من قبل .. نظرت الى ملامح وجهها وأقتربت من المرآه ... حدقت فى عينيها .. نعم إنها ترى هذه اللمعه وتلك النظره اللتى حدثها عنها منذ قليل..وذلك البريق اللذى يأسر قلبه ..إنه يستمع لحديث عينيها كثيرا بلا ملل .. فهى تعشق الصمت امامه .. ولكن عينيها تفضحها بما تحاول ستره ..

هى جميله اليوم بشكل عام .. وقد كان جمالها واضحا له ولنفسها .. وجهها اكثر نضاره .. بشرتها صافيه .. عينيها لامعتين.. ابدى اعجابه بها وبثوبها الرقيق بالوانه الناعمه الهادئه .. قلبها يخفق بشده عند سماع كلماته .. يقبل يدها .. يؤكد لها ان حبها مازال فى قلبه .. يعتذر .. يندم.. فتسامحه

أبتسمت لنفسها أبتسامه عريضه وضمت كتفيها بكفيها وكأنها تحتضن نفسها

أفاقت من شرودها على صوت أنغام وكأنها تتحدث بلسان حالها

على الهامش
مفتاح قلب المراه فى اذنها والرجل فى عينيه

هنا تجد راحتها اكثر من اى مكان اخر

هنا حيث لا يوجد بجوارها اى انسان ..هى والطبيعه وكفى

هنا فى عالمها وتحت تلك الشجره الكبيره تستلقى على ظهرها

خارج حدود الزمن خارج نطاق الوقت

وامامها جدول الماء ينساب بشكل جذاب

وهذا البحر كم كان لها الصديق الوفى بحق

كم سمع منها وكم كان امين على اسرارها

جلست هنا تنظر الى السماء الصافيه فهى تعشق لون السماء

وتلك الشمس الذهبيه بنورها الدافئ دون شعاع

هنا تستمتع باصوات الطيور وتغريد البلابل فوق اغصان شجرتها

ترى حولها جميع الوان الزهور فكم تعشق تلك الورود الحمراء

كم تمنت ان يهدى لها حبيبها ورده حمراء

لكنها قررت ان تهدى لنفسها تلك الورده

لانها قررت ان تحب نفسها اكثر

ان تعتنى بها اكثر.... لانها تستحق منها ذلك

همست لنفسها بافكار مجنونه ففى عالمها كل شئ مباح

تمنت ان تكون عصفور رقيق صغير يطير هنا وهناك

فارتفعت بجناحيها فوق السحاب واقتربت من اشعه الشمس

تعلو وتهبط فى فرح شديد

تمنت ان تكون عروسه البحر فغاصت فى اعماقه

وشعرت بحنانه عليها عندما ضمها البحر بامواجه

واختارت من الوان اللؤلؤ واحجامه ما طاب لها

واستمتعت كثيرا بتلك الاسماك باختلاف الوانها واشكالها

فعالمها حقا رااااائع الجمال زاهى الالوان لايوجد به مكان للون أسود

وعادت مره اخرى للشاطئ عند تلك الشجره واخذت تشدو باغنيتها المفضله

فتجمع حولها جميع الحيوانات ورقص موج البحر فرحة لفرحها

وتلألأت النجوم فى السماء وغردت الطيور معاها

فكم كان عذب صوتها بدرجه لا يتخيلها بشر

وكم شعرت هى بهدوء وسكينه بعيدا عن الناس

فهى وعالمها ولا احد سواها........

حنين بنوته جميله بس جمالها داخلى اكتر منه جمال ملامح ربنا وهبها جمال الروح .. هى عارفه قيمه نفسها كويس عارفه ان قلبها هو كنزها الوحيد بتحاول على قد ماتقدر انها تحافظ عليه من اى جرح عاشت تحلم بالحب وتتمنى انها تعيش قصه حب بكل تفاصيلها عارفه ان الحب حلم لذيذ وعارفه كمان انه بيوجع قوى لكن عايزه تجرب بنفسها .. جمعها قدرها بعاشق .. اه هو اسمه كده عاشق بدأت حكايتها معاه بمعرفه سطحيه واتطورت شويه واصبحت صداقه واتطورت اكتر واصبحت حب ولما صرح لها بمشاعره صدته كتير فى البدايه بس من جواها بتحلم بيه وهو اتمسك بيها اكتر وقرب منها اكتر واكتر .. ملك روحها وكيانها .. حبته قوى .. حكت له على كل اللى دار فى خيالها .. كلمته عن احلامها .. كانت بالنسبه له كتاب مفتوح .. فهمها قوى احتواها قوى لدرجه انه كان بيرد بالنيابه عنها فى اوقات كتير وقبل هى ما تفكر فى الرد .. كان اكبر احلامها انها تدفن راسها فى حضنه كان منتهى أمانيها انها تلمس ايده كانت بتملك الكون كله لو قال لها كلمه حب لكن كانت دايما تظهر له عكس ده بس هو عارف اللى جواها لانه فاهمها اكتر من نفسها واثق جدا من مشاعرها عارف انه قدر يملكها

بعدتهم الظروف .. افترقوا بس ارواحهم عمرها ما افترقت كان لهم اصدقاء مشتركين كانوا بيحسوا ببعض قوى وكانوا بيسئلوا عن بعض من بعيد لبعيد غابت حنين عن عاشق شهور ..كان ألمها كبير من فراقه وقلبها وجعها قوى لبُعده حاولت تعيش من غيره حاولت تتكيف مع وضعها الجديد ارتبطت بمُحب لكن الحقيقه اللى اكتشفتها ان قلبها مع عاشق .. هى رافضه مبدأ عيشه والسلام وعمرها ماحست مع مُحب باللى حسته مع عاشق رغم انها كانت بتحاول تقنع نفسها انه ده قدرها ولازم ترضى بيه مُحب مش عارف يفهمها مش قادر يحتويها مش عارف يحترم شخصيتها بدأت تقارن بينهم وبدأ صراعها مع نفسها وقلبها لاهى هتعرف تعيش مع مُحب ولا قادره ترجع لعاشق .. هى متاكده تماما ان مُحب بيحبها بجنون لكن مش قدر يحافظ على قلبها وضيعه بنفس الجنون ده وهى قلبها أغلى عندها من كل شئ فارقت مُحب بارادتها ........عاشق عرف وظهر تانى فى حياتها سلمت له من تانى وعبرت عن مشاعرها بشكل اقوى لانهم اكتشفوا ان بُعدهم عن بعض زود رصيد حبهم اكتر واكتر .. حنين عصبيه عاشق بيتحمل ..حنين عنيده عاشق متفاهم .. حنين بتحب عاشق متيم بيها دايما بيكمل شئ جوواها بيكون ناقصها هى مصدقاه عايزه تعيش معاه لحظه بلحظه بتحب كل تفاصيله ولزماته وكلماته بتحب كلمه باعشقك باتنفسك بحبك من شفايفه بتحب الحاله اللى بتهز كيانها لما يقولها لها .. حنين حست بضعفه قوى حبته اكتر حست باحتياجه ليها وكان نفسها تصرخ وتقوله انا كمان محتاجه لك لكن حيائها كالعاده منعها .. حنين اتوجعت كتير لكن لسه جواها حنين له .. حنين بتحاول ان قلبها يكون فى ايديها وتقدر تسيطر عليه

ياترى هتقدر؟ياترى هتكون لعاشق فى يوم من الايام؟ ولا هينتهى حلم زى ما ابتدى حلم؟

حنين سايبه نفسها لقدرها وبتتفرج على نفسها ودنيتها .. عاشق ظروفه صعبه مش قادر حتى يوعدها انه يكون لها

هتكون نهايتهم اجمل مع بعض ولا اجمل كذكرى؟

هل انكتب عليها يكون لها من اسمها نصيب؟

بنوته جميله كانت عايشه هنا ع البحر

كانت تحب الخير تكره كتير الشر

مش عايزه من دنيتها لا بيت كبير ولا قصر

تحلم تعيش جنه من غير خداع ولا غدر

جالها امير عاشق كلامه هو السحر

عطشانه لكلمه حب وغرامه هو النهر

رواها من احساسه وعشقه هو السر

كان حبها فى قلبها طارح جناين خُضر

كانت بتحلم بيه عاشق متيم حُر

كان منتهى حلمها تشاركه طول العمر