عندى معلومه رفيعه كده على الماشى
واشرحها بالبلدى كده علشان كلنا نفهمها بس يارب اعرف اوصل لكم
لكل اللى بيستخدموا ويندزxp
طبعا احنا بعد فتره من الاستخدام بنلاقى ان الجهاز تقل وبدا يهنج
ويفتح اى ملف بعد سنه
هانخلى الجهاز يبقى صاروخ فى 4 خطوات بس
وانا شخصيا مجرباها

الخطوه الاولى
هانروح على قايمه start
ونكتب في run الامر ده
recent ونضغط ok هتظهر لنا صفحه نظلل ونمسح كل اللى فيها

الخطوه التانيه
هانروح على قايمه start
ونكتب في run الامر ده كمان prefetch ونضغط ok هتظهر لنا صفحه نظلل ونمسح كل اللى فيها

الخطوه الثالثه
هانروح على قايمه start
ونكتب في run الامر cookies ونضغط ok هتظهر لنا صفحه نظلل ونمسح كل اللى فيها

الخطوه الرابعه
هانروح على قايمه start
ونكتب الامر ده فى run برضه %tmp% ونضغط ok هتظهر لنا صفحه نظلل ونمسح كل اللى فيها
يعنى نفس الخطوات فى كل مره مع اختلاف الامر اللى بنكتبه

أوامر run كتيره لكن دول ابسطهم واللى مرتبطين ببعض

وهبقى انزلهالكم بعد كده ان شاء الله

انا عارفه ان معظمنا عباقره وفاهمين كل حاجه
بس ده للى مايعرفش ياجماعه
واى استفسار أنا فى الخدمه

وبالله عليكم لو حد حس انه استفاد حاجه يدعيلى

انا محتاجه دعواتكم قوى

.

لمعلوماتك

1- كميه الكربون فى الجسم البشرى تكفى لصناعة 8000 قلم رصاص

(جبت معاك برايه؟)

2- كميه الفوسفور فى الجسم البشرى تكفى لصناعة 2000عود كبريت

( يعنى هتنور)

3- كميه الدهون والشحوم بالجسم تكفى لصناعة 6قطع صابون

(اوعى تتزحلق)

4- عدد كرات الدم الحمراء تزيد على 25 بليون كره

(مش مصدق عدهم)

5- دقات قلب الانسان تزيد على 2500مليون دقه خلال عمره المتوسط

(شوف بقى لما يحب )

6- خلال متوسط عمر الانسان تبلغ كميه الدم التى تدفع من القلب خلال الاورده والشرايين حوالى 150 مليون لتر

(والله القلب ده بيتعب قوى)

7- خلال 24 ساعه يستنشق الانسان مايزيد على 400 بوصه مكعبه من الهواء

(هواء مجانا.. اشكر ربك ع النعمه)



أسماء لا تدل على مسمياتها

1- قلم رصاص : لا يحتوى على اى ماده من الرصاص ولكن يصنع اساسا من ماده الجرافيت

(اهو كله كدب )

2- الحمام التركى : ليس تركيا ولكنه رومانى
(حتى الحمام بيغير جنسيته؟)


3- فرس النبى : ليس فرسا ولكنه حشره خضراء

(شوف المنظره)

4- داود باشا : ليس لقبا وانما هو من الاطباق العربيه الشهيه

(اكيد جوعتكم)

بما انى بحب المعلومات العامه جدا

فقلت اصدعكم معايا شويه

فيها حاجه دى؟؟؟؟

.