انسانه بسيطه تعيش بمشاعرها وترى جمال الدنيا فى بساطتها
رومانسيه الى درجه الجنون
مخلصه لاصدقائى الى ابعد حد ممكن
احب الشعر قرائه وكتابه
وبموت فى صلاح جاهين
انغام صوت جميل وبيفكرنا دايما بزمن الفن الاصيل ومن اكتر مطربات جيلها المميزات
فى اختيار اغانيها
المطربه انغام اهلا بيكى فى برنامجنا شويه فضفضه
هانسئلك شويه اسئله وعايزين منك اجابات صريحه
ازاى بتعيشى حياتك؟
"ببساطه كده"
عرفنا من مصادر موثوق فيها انك بتمرى بقصه حب ممكن تحكى لنا تفاصيلها؟
فى الحقيقه هو " بعتلى نظره " فقلت فى بالى"لو نصارح بعض" وبدأت اسئل " بتحب مين " وكنت بافكر فيه " ساعات كتير" فقررت انى ابدأ واصارحه بمشاعرى وده كان فى " اول جواب" واتقابلنا " فى الركن البعيد الهادى " وسئلته" حبيبى مالك" فقالى " بحبك قولها للعالم" فقلت له " نمرة تليفونك كام ادينى النمره قوام" و هو كان سعيد جدا وقالى " لاليلى لالى" ولما طلبنى للجواز قلت له" تقدر ع المشوار" فقال انه هيسافر يكون نفسه وجهز " شنطه سفر " وبعدها " عشت سنين " فى انتظاره و" طال السفر " ولانى " بغير " وهوكل الفتره دى "مجبش سيرتى"ولانى " مابتعلمش " " رجعنا فى كلامنا" واصبحت " وحدانيه " و " مهزومه" وبعت له اقوله اجرح اى حد " الا انا " وعموما " بكره تشوف" و " ده اللى عندى " رجع يترجانى ويقولى " خلينى معاك " يا " اعز واطيب قلب" ولو" تحب اتغير " انا تحت امرك فقلت له لأ لانك " غيرتنى" فقالى " ساعدنى واساعدك " لان " زيك مفيش " ارجوكى " لا تغيب " فقلت له لا نبعد "دلوقتى احسن "
بيان رقم 1 لسنه 2010 عن جمعيه المراه المتوحشه برئاسه الدكتوره ستيته حسب الله الحمش وبعد موافقه حضرة نائبه الجمعيه الست ام يوسف فاتيما هانم واخذ رأى كافة الاعضاء من كل محافظات مصر قد تم تحديديوم 29 يناير الساعه العاشره والنصف صباحا كلقاء تدوينى المكان نادى الزراعيين بالدقى امام البوابة 6 لنادى الصيد - شارع الثورة وذلك من اجل رفع الروح المعنويه لكافة الشعب البلوجارى المكتئب تصفيق حاد ستيته تا تعيش تا تعيش تا تعيش تعيش تعيش هدوووووووووء دعونا نعمل فى صمت لمزيد من التفاصيل زورونا تجدوا ما يسركم عند ستوته تفاصيل واسماء الحضور وارقام تليفونات للاستفسار وعندفاتيما تفاصيل التفاصيل وبالخريطه كمااااان وانا طبعا جايه ودى فى حد ذاتها معجزه ياجدعان هييييييييييييييييه مش عايزه هتافات ودوشه من فضلكم لالالالالا محدش يجيب لى ورد من فضلكم لالالالالا محدش يفرش الطريق الصحراوى ورد لالالالالالالا ياجماعه مش عايزه زحمه على المحطه انتم هتقطعوا بعض علشانى؟؟؟!!! مش معقول كده!! انا عارفه اد ايه انتم فرحانين ان القاهره الفولت فيها هيعلى والنور هيزيد فيها قوى (: والهجوم اللى هيكون من كل محافظات مصر على القاهره علشانى بجد ده كتير قوى ياجماعه وطبعا انا عملت المستحيل علشان اشوفكم يعنى مقدره مشاعركم النبيله حتى اسئلوا الست الريسه على كل حال هتوحشونى قوى وانا باعد الايام اهو حتى بالاماره باقى 11 يوم هتعدوا معايا ولا هاعد لوحدى؟؟ ((:
لما واحده زى دكتوره ستيته بكل مشاغلها وحياتها المزحومه قوى دى تهتم بيا وتحاول دايما انها تساعدنى احل مشاكلى وتجتهد فى انها تطلعنى من مود وحش ومن حاله نفسيه تحت خط الصفر يبقى ازاىمش احبها؟؟
لما اتصل بيها نص الليل وانا باعيط وفى حاله انهيار وتهدينى وتسمعنى وتحل لى مشكلتى يبقى ازاى مش احبها؟؟
لما اعرف بقرارها انها بتفكر تبعد عن التدوين واتصل بيها وانا بابكى وتكلمنى اكتر من نص ساعه وتحاول تهدينى يبقى ازاى مش احبها؟؟
لما اشوف تعليق لها فى احدى المدونات بتذكر فيه ان دموعى من احد الاسباب اللى خلتها تفضل وسطنا يبقى ازاى مش احبها؟؟
كل سنه وحضرتك طيبه يادكتوره وسنه سعيده عليكى يارب هابى بيرث داى تو يو
لما واحده زى فاتيما بكل ألمها ووجع قلبها على ابنها وحياتها اللى برضه مش سهله تخاف عليا وممكن تبعت لى فى اليوم الواحد اكتر من ايميليبقى ازاى مش احبها؟؟
لما تهتم بانها تسئل على اخبارى بشكل شبه يومى يبقى ازاى مش احبها؟؟
لما اكلمها فى تليفون تجمُع وتضطر انها تقفل معايا وترد على حد غيرى لان احبابها ماشاء الله كتير
وتانى يوم تتصل بيا من تليفون فى الشارع علشان تكلمنى وتعتذر عن شئ مش مفروض تعتذر عنه اصلا يبقى ازاى مش احبها؟؟
لما واحده زى حنين القلب اعرفها من التدوين وسبحان الله تصبح اقرب لى من اهلى ..طول الوقت معاها فى الشغل او فى بيتها او فى بيتى يبقى ازاى مش احبها؟
لما ربنا يكرمها بعد 8 سنين جواز بطفل واكون انا اول واحده تعرف علشان تفرحنى وتفرح معايا يبقى ازاى مش احبها؟؟
لما تهتم انها تنزل معايا فى اى مشوار يخصنى وهى تعبانه من الحمل واهتمام غير عادى بيا وكأنى اختها شقيقتها يبقى ازاى مش احبها؟؟
لما بنوته رقيقه زى كيارا تفكر فى عيد ميلادى وتهتم انها تبعت لى هديه من القاهره رغم ان والدتها فى اليوم ده كانت فى غرفه العمليات يبقى ازاى مش احبها؟؟
لما يحصل مشكله بينا وتسامحنى ومش يمر على زعلنا يومين وكانت هى المره وقلت بعدها توووووبه لايمكن ازعلها تانى ابدا يبقى ازاى مش احبها؟؟
لما انسانه طيبه زى سووووول تستحمل عصبيتى وصوتى العالى فى التليفون بدون ذنبالا انها عايزه تعمل خير وتصلح بينى انا وكيارا يبقى ازاى مش احبها؟؟
لما بنت خيخه بس مش اى كلام اتصل بيها فى التجمع وترد عليا وتقولى اهلا (....) واستغرب واسئلها مين معايا من شده الاندهاش وتضحك وتقول انها سجلت نمرتى عندها يبقى ازاى مش احبها؟؟ (حركه بسيطه بس خلت معنوياتى فى السما)
لما واحده طيوبه جدا زى ام مالك تبعت لى ايميلات وتطمئن عليا وتتابع اخبارى من خلال مدونتىوتدعى لى بظهر الغيب دايمايبقى ازاى مش احبها؟؟
لما واحده زىالقدر وانا تتصل بيا وتحدد معايا ميعاد وتقابلنى مع بنوتتها وتفضل تكلمنى اكترمن ساعتين لانها قلقانه عليا ولان وقتها كنت بامر باصعب فتره فى حياتى يبقى ازاى مش احبها؟؟
لما اعرف انسانه فى رقه وطيبه محاسن صابر صاحبه القلب الذهب وحبها اللى دايما محاوطنى من كل اتجاه (بجد انتى انسانه قوى يامحاسن) يبقى ازاى مش احبها؟؟
لما شمس النهار تتصل بيا من وقت للتانى وتسئل عنى حتى فى فتره انقطاعها عن التدوين يبقى ازاى مش احبها؟؟
لما اسهر بالساعات اضحك واهزرلدرجه ان دموعى تنزل مع صبرنى يارب ..ولما احتاج منها اى استفسار عن اى شئ وتجاوبنى من غير تردد يبقى ازاى مش احبها؟؟
لما حد زىسالى حاجات جوايا وايوشهيكونوا دايما سبقين بانهم يحتفلوا باى مناسبه تخصنى واهتمام من القلب بدون اى تصنع ولا مصلحه يبقى ازاى مش احبهم؟؟
لما ساره تنزل مصر وتيجى من القاهره للاسكندريه وتكون حريصه انها تشوفنى وفرحتها باجمل وقت ضحكنا فيه من قلبنا يبقى ازاى مش احبها؟؟
لما اعرف بنوته صغنونه زى مى مدونه رحيق الورد من اسكندريه ولما تشوفنى تقعد تنفخ فيا وتزود لى ثقتى بنفسى اللى ممكن توصل للغرور ربنا يستر(: يبقى ازاى مش احبها؟؟
لما اعرف حور الجنه صديقتى الجزائريه من الشات وعن طريق احدى صديقاتى وتسهر معايا طول الليل لحد الفجر بتعرفنى يعنى ايه مدونه وازاى اعملها وتكون هى سبب دخولى عالم التدوين يبقى ازاى مش احبها؟
لما اعرف عقليه جباره زى الشعب لابد له من شيما تشكمهيبقى اكيد انا الكسبانه بحبى لها وحاجات كتير بنتفق فيها وده كان سبب قربنا من بعض اكتر
لما افرح جدا بان ايمان وبنات افكارهاواسرتها الجميله زادوا واحد وافرح جدا علشانها ألف الف مبروك ياايمى
لما اعرف قلوب يدخلوا دنيتى ويعملوا فيها فرق جامد جدا زى ريم رسائل بلا بريدوعادل اخويا اللمض جدااااااااا واللى باستنى تعليقه بفارغ الصبر
ونوارهبوصفاتها الجميله ومعلوماتها القيمه جدا كل سنه وانتى طيبه يانواره وهابى بيرث داى تو يو ياقمر
لما استنى النسمه اللى بتهل عليا من قطر هنوده حبيبتى وربنا يكتب لى لقائها مرتين خلال السنه دى
لما اتعرف بناس طيبين زى ريمان واحمد اسير الجراح واحمد اسماء واحلام فى وجدانى ومفروسه وضد التيار رغم انفها ال سويت فيوليت ال وردشان وعلاء الشاعر الحزين ربنا يتم شفاه على خير يارب و ايناس عاشقه الاحزان سابقا وليدى وصيدلانيه طالعه نازله ومنوش وداليا قوس قزح وبرينسيس وطوبه فضه وطوبه دهب وفتافيت ربع قرن وبنك دريم وحنين ورانيا ليس فقيرا من يحب ومونى الشريف وسبهلله وحدوته ولماضه وميمى وحاسوباتيه ومحمد عتلم وكاميرته الساحره وحنان الشافعى بنت بلدى الجميله و لُجين ابو الدهب بنت منطقتى وخالد همس الاحباب الجدع قوى فوق اى وصف
والمتر هانى مصرى جدااااااااااا الوحيد اللى نديت له بكلمه بابا لانه بجد انسان جدع وزوق جدا واب بكل معنى الكلمه ومشمشيه الشقيه وشيمو القمر كرسى الاعتراف بتاعى ودكتور احوال الهوى ودكتور اسلام حنعيش يعنى حنعيش
والناس اللى غابت عن التدوين بقالهم فتره ووحشونى زى دموع القمر وسمكه واحده واحساس طفله محبه للرومانسيه واسير الغربه حماده اخويا الغالى مبروك الجواز ياواد ياشقى و عائلة الضاحكون وديالا دموع الورد وطهقانه وولد مصرى واميره شقاوة قلم ونبض اسكندريه وحبيبه سى السيد و دموع امراه دكتوره شيرين وساسو كافيه و ايسافو اناروز
انتم فعلا كنتم اجمل عيله قابلتها فى عمرى والسنه دى كانت جميله بيكم
واى حد نسيت اسمه يسامحنى لانى مش كنت مرتبه للبوست ده والله ولا مجهزه الاسماء يعنى باكتب من الذاكره وربنا يكفيكم شر الزهايمر(: اقعدوا بالعافيه بقى
.jpg)
