صرخه كبيره لكـن مكتومـه
وادى نهايه كانـت محتـومه
ضعت معاه وبقيت مظلومه
كـل دا ليـه؟ وعشـان ايــه؟
علشـان قلب ظلمـنى وباع؟
عشت مـعاه فى الام وخداع
حلمـت بجنه لقيتـها ضياع
بقى جوايا اهات .. اوجـاع
قــلــق وحيـره وانـة اه ...
قلب ضعيف مظلوم ف هواه
عاش بين حيره ونار جواه

على الهامش

مات الحب

البوست ده طويل انا بقول من البدايه اهو بس فى النهايه هناخد كلنا حسنات كتييييييير
لانه فيه مشاريع كتير جدا وكله تجاره مع ربنا
واللى مش هيقدر ينفذ الفكره ينشرها وهيكون له اجر اللى هينفذها بالضبط ان شاء الله

1- مشروع البلح بالسودانى والشيكولاته
الفكره عباره عن تفطير اكبر عدد من الصائمين باقل التكاليف

المقادير 2كجم تمر + 1/4 سودانى + 1/4 شيكولاته خام
قم بنزع النوى من البلح وضع بدل منه سودانى ثم قم بغمسه فى الشيكولاته السائله = بلح بالسودانى والشيكولاته
قم باستخدام 10 تمرات يوميا لافطار 10 صائمين
10 تمرات x30 يوم = 300 صائم هيفطر ولك اجرهم ان شاء الله
2- مشروع فطر صائم بجنيه
بجنيه واحد يمكنك شراء باكو عصير ساقع ولذيذ قم باعطائه الى اول شخص امامك لحظه اذان المغرب وانت نازل تصلى فى المسجد
ولو بنت مش ليكى حجه ادي العصير لاخوكى ينزله معاه
3- مشروع وجبه ساخنه يوميا
الفكره ان تقوم بشراء عدد 30 طبق المومنيوم بسعر 25 قرش للواحد + بكره الومنيوم
كل يوم اطلب من زوجتك او امك ان تقوم ساعه اذان المغرب بوضع شئ من فطاركم فى هذا الطبق "شويه مكرونه وكفته – ارز وقطعه فرخه – كشرى – ولو حتى عدس والله مش تستقل حاجه لان غيرك مش عنده الحاجه دى
يعنى اى شئ انت هتفطر بيه ثم غلف الطبق بورق الالومنيوم وضعه فى كيس وارسله وانت ذاهب لصلاه المغرب لاحد المساكين او احد اطفال الشوارع
4- جمعيه تفطير صائمين
الفكره ان تقوم بعمل جمعيه من 30 دور "30 شخص تنك 8 لتر يكفى لافطار 40 صائم يحتاج 1/2 خروب + 1/2 سكر بتكلفه 5 جنيه ممكن 6 جنيه كل واحد ياخد التنك يوم ويضع فيه الخروب يفطر بيه الناس فى المسجد ثم يوصله الى الشخص التالى فى الجمعيه وهكذا على مدار الشهر 30 يوم تحسب لك انك فطرت كل يوم 40 صائم
5- مشروع يوم بر ووفاء
الفكره ان تقوم بتخصيص يوم فى الاسبوع لتاخذ فطارك وعيالك ومراتك وتروح قبل المغرب تفطر مع كبار السن الموجودين فى العائله امك ابوك خالتك عمك او اى حد ممكن يكون مش قادر يجى هو ليك يبقى انت تروح لحد عنده ومعاك فطارك متكلفهوش حاجه خالص
تدخل السرور على قلب مسلم وتصل رحمك وتوسع رزقك وتفطر وتاخد ثواب كل ده بس انت انوى كل ده
6- مشروع الاحسان الى الجار
اشترى بجنيه اكياس بلاستيك صغيره وكل يوم قوم بوضع 2كوب عصير عناب خروب جوافه اى عصير انت هتفطر عليه ابعت الكيس لاحد جيرانك وقل لهم النبى وصى على سابع جار تبقى فطرت صائم واحسنت لجارك ودخلت السرور على قلب مسلم
7- مشروع ادخال السرور
علبه بونبونى 50 قطعه بسعر 2جنيه ونص كل يوم خد شويه معاك لصلاه التراويح واعطى ولاد المسلمين فى المسجد بونبون وابتسم فى وجههم وطبطب عليهم لان حبيب قلبك المصطفى (ص) كان بيعمل كده
8- مشروع حفظ الاربعين نوويه
الفكره ان تقوم بحفظ حديث واحد يوميا من احاديث الرسول (ص) فتكون بذلك فى اعلى درجات السعاده
9- مشروع الافطار مع الايتام
الفكره انك تروح اى ملجأ قريب منك يوم واحد فى الاسبوع تقضى اليوم ده من صلاه العصر حتى العشاء مع الايتام وتفطر معاهم
قال رسول الله (ص) انا وكافل اليتيم فى الجنه كهاتين واشار باصبعيه السبابه والوسطى
10- مشروع شنطه رمضان
الفكره انك هتاخد من كل شئ فى البيت حاجه واحده وتعمل شنطه للفقراء وتكون من مواد تموينيه مثلا زجاجه زيت علبه سمنه كيلو ارز مكرونه وهكذا
ربنا يجعل الافكار دى فى ميزان حسناتنا جميعا ويجازى اصحابها عننا خير يارب

احبائى اعزائى فلذات اكبادى

اجتماااااع هااااااااام

تشرف الحاج بلوجر ابن جوجل عظم الله لينكه

بزياده عدد المدونين واضاف الى قوائمه العامره مدونه النور لاختى الغاليه سمسمه

وده اللينك بتاعها

هنا

عايزه هجووووووووووووووم وتشجيع فظيع مريع

ملحوظه رفيعه على جنب

البوست اللى فات لسه شغااااااااااااال يونيفرسال

وهارد على تعليقاتكم عليه ان شاء الله

زى ما شفتوا كده فى لقاء ياجماعه ومهم انكم كووووولكم تحضروه

لانه هيفرق معاكم كتيييييير جدا وهترجعوا منه مبسوطين قوى

واسئل مجرب انا عن نفسى جربت وانبسطت جدااااااااااا

ارقام التليفونات هاكتبها تانى علشان تكون واضحه

تليفون الاستاذ هانى 0101748781

تليفون الاستاذ مصطفى 0103076271

اتمنى لكم يوم جميييييييييل

بس عايزين حد ابن حلال يكتب لنا التفاصيل

علشان الناس الغلابه اللى مش هتقدر تحضر زى حالاتى

وياريت حد يطلع ورقه وقلم ويكتب اسماء كل اللى حضروا

علشان تكمل فرستى قصدى فرحتى

هاموت واشوفكم يامدونين مصر

وهتحضر اللقاء ان شاء الله رئيسه جمعيه المرأه المتوحشه

والراعى الرسمى للقاء الدكتوره ستيته

ومجموعه من اروع مدونين مصر

اللى مش هيحضر هيخسر كتيييييييييير وانا اول الخسرانين

عاااااااااااااااااااااااااااااااا

اسفه ياجماعه انى مش باتابع مدوناتكم واعتبر بشكل او باخر منقطعه عن التدوين

بس ادعولى وان شاء الله هاكون معاكم قريب جدااااااااااا