أخرك بعيد واسع
مالكش حدود
سبحانه من ابدعك
واحد اله معبود
قلبك كبير مليان
بكلام كتير ووعود
صابر وصبرك يحير
ويجيك كبير وصغير
يلقى الامان موجود
قالوا عليك غدار
والغدر من طبعك
وانا ليه معاك حسه..
بامان مالهش حدود؟؟؟؟؟؟؟؟؟
**الكلمات دى كتبتها وانا على شط البحر النهارده
واسفه لو خانى التعبير ومش عرفت اوصف حبى للبحر كويس زى ماانا حساه
بس عايزه اعرف البحر بيمثل ايه عند كل واحد فيكم؟؟؟؟؟
لانه عندى كل حاجه
واخيرا :- بحبك يابحر اسكندريه
.jpg)
74 الرومانسيين اللى زى حالاتى:
وااااااااو
اول تعليق يا دودو
ازيك يا قمر
انا كمان بحب البحر
بس من يوم ما شوفت فيلم تيتانيك وانا بخاف منه
نفسى اركب باخرة فعلا واسافر لمكان بعيد
بس اخاف لو بصيت حواليا ملقتش شط حتى لو من بعيد..واخاف لو الليل جه عليا وانا فى البحر والموج علي والبحر هاج
بس اكيد بحب اتمشى عليه واقعد قدامه واسرح مع القمر والنجوم
البحر جميل جدا بس غدار زيه زى اى حاجة فى الدنيا
وحشتينى يا دودو
واحجززززززززززززز
تانى تعليق قبل ما حد يدخل تانى
ازيك يا دودو
متشكرة قووى ليكى على سؤالك عنى وانا غايبه
بجد كنت تعبانه والحمد لله رجعت تانى ليكو اهو الحمد لله
كل سنه وانتى طيبه وبخير
بمناسبة قدوم عيد الفطر المبارك اعاده الله علينا وعلى الامه الاسلاميه بالخير واليمن والبركات
اروح اقرء وارجع
فاصل ثم نواصل
بحب البحر قوى وبحب اقعد اقدامه بالساعات انظر اليه واسرح معاه
بحس لو قضيت عمرى كله قاعده قدامه عمرى ما هزهق
بجد تسلم ايديكى كلمات بسيطه بس هايله بجد ربنا يكرمك يارب وعبرتى عنه بطريقه بسيطه جدآ
احيك على رقة كلماتك
مودتى
ايناس
البحر دا اكبر حاجه ممكن ترمى فيها هموم وتروح من غيرها اكتر حاجه ممكن تبكى قدمها بالساعات من غير ما تحس انك عايز تبطل بكى بحبه وبخاف من غدره احب اتفرج عليه واترعب من السفر فيه هو دا البحر سر من اسرار المولى بحس ان حكمه ربنا من خلقه انه يورينا قدرته الللى ما لهاش حدود سبحان الله وحشاااااااااااااااانى موووووووووووووووووووووت ما تتخيليش اد ايه
حاجات جوايا
البحر جميل جدا بس غدار زيه زى اى حاجة فى الدنيا
*****************
ده ايه التفاؤل ده كللللللللله؟
(:
البحر مش غدار ياسالى
انا كنت حساه النهارده حاضنى
بجد والله ونفسيتى ارتاحت جداااااااا بعدها
البحر حلو اه حلو قوى قوى
(:
عاشقة الأحزان
احنا اخوات وواجبى انى اسئل عليكى ياقلبى
وكل سنه وانتى طيبه
البحر ده حكااااااااايه
ومين عاقل يزهق منه؟
حلو البحر الواحد يدخل يشكي لة و يحكي لة
بيغسل الهموم و واسع بيتحمل القسية و الناس ببترمي فيه احزانها و المها
انا من المنصورة و بروح اسكندرية مكيتر عشان برحها ساحر و بيخلي الواحد هادي
كلامك حلو
طوبة ذهب وطوبة فضة
انتى وحشانى اكتر
بس انا زعلانه منك
):
ليه تقفلى المدونه؟
كده برضه تهون عليكى ؟
ارجعى لها تانى بقى خلى بلوجر ينور
انا اللى فرحانه جدا بتعليقك
نورتينى ياقمرى
3mr wa2el
اسكندريه بتنور والله
ميرسى لكلامك الجميل
عارفه يادودو
انا بعشق البحر اوووووووووووى
المكان الوحيد اللى تقدرى تقول فيه سرك من غير ماحد يسمعك او حد ينقل سرك
ممكن يكون البحر غدار اه وموجه بيخدع بس مش دايما خاين ولا كداب بلعكس ده فى منتهى الوضوح وقواعده واضحه جدا
بحب البحر اوى (( مش الترعه )) هههههههههههههههه
ايه الجمال دا يا دودو
حلو اوى يا جميل تسلم ايدك
يارب دايما سعيده ومبسوطه
حنين
مين مابيحبش البحر
انا بحبه
بس بخاف منه بالليل
بس بحب النيل اكتر
القصيده عميقه اوي:)
كل سنه وانت طيبه
ايه الجمال دا
دا كفايه ان البحر هو كان ملهمك فى البوست دا
دمتى مبدعه يا قمر
تحياتى
بعد اذنك يادودو
عايزه اسلم علي حاجات جوايا
انت فين
ومابتكتبيش حاجه ليه
يارب تكوني بخير
كل سنه وانت طيبه
لو فعلا خاني التعبير
يبقي
يارب يخونك علي طوووووول
علي فكرة رغم قصرها بس بجد حلوة قوي قوي
وانتي عارفة انا مش برحم :):)
انا بحب البحر قوي قوي برضه علي فكرة :$:$
نفسي ااقعد قصده بجد
بـــــسمة انـــــــــور
ممكن يكون البحر غدار اه وموجه بيخدع بس مش دايما خاين ولا كداب
*********************************
عجبتنى جملتك دى قوى
بس هو فعلا مش خاين ولا كداب ابدا
كفايا راحتك اللى بتلاقيها معاه
وانك تحكى له سرك وواثقه ان محدش هيعرف بيه
دى مش كفايا؟
7annen
انا رحت للبحر وانا موجوعه
ومشيت من عنده وانا مرتاحه قوى
لانه قدر يلم جرحى ويطبطب على روحى
شمس النهار
انا اتفق معاكى انى مش بحبه بالليل بحس انه زعلان ومدينى ظهره
مش مسئله خوف
مسئله انه شكله اجمل بالنهار وبيكون واضح اكتر ومش فيه غموض
مسئله حبك للنيل دى بقى وجهات نظر
بس لو اتولدتى وعشتى عمرك كله جنب البحر هتحسى اد ايه هو جمييييييييل
Pink Dreams
والله وانا واقفه قدامه حبيت اقوله حاجه اشكره بيها قبل ما امشى
فكتبت الكلمتين دول
واعتذرت له انهم مش كفايا علشان اوفيه حقه
وهو عارف بقى اللى فى قلبى
(:
شمس النهار
ياجميل دى مدونتك
يعنى تعملى اى حاجه
فى اى وقت
مع اى حد
بمزاااااجك
adel
ايه ده؟؟؟؟؟
عادل دخل عندى ومش اتريق ولا هزر
اشهد يازمان
سجل ياتاريخ
عادل انت سخن؟
ولا كويس؟
طمنى عليك ياابنى
(:
انا بحب البحر قوي قوي برضه علي فكرة
****************
وهو بيشكر فيك قوى
نفسي ااقعد قصده بجد
*********************
يوم اللقاء ان شاء الله اقعدك قدامه ياسيدى
ويمكن نسيبوك ونروحوا
ههههههههههههههههه
الله بجد كلماتك جميلة جدااا جدااااا
عارفة طبعا مفيش عندنا بحر فى الصعيد بس عندنا النيل ممكن افضل ساعات وانا ناسية نفسى قدامه ومش عايزة اتحرك
بس طبعا انا واثقة ان البحر اجمل بكتير
بسيطة, تلقائية, موحية ومعبرة جدا كلماتك يا دودو, جمال الكلمات جعلها تنفذ الى روحى سريعا
تحياتى
البحر بيمثل جوايا
بالصلا عالنبي كدة
ولا حاجة
او كل حاجة
الصبح في النهار
الامل
والرحابة
بالليل
الموت
الضهر الاحمر بئا
الدهب
واحيانا الغضب
واحيانا الهدوء والخنوع
واحيانا المرح والضحك والسعادة
واحيانا الكابة
يا سلام بئا
لوكام بكيني كدة
اصلك مش واخدة بالك
حسب حالتي المزاجية بشوفة
اول زيارة لمدونتك الجميلة
البحر بالنسبة لي هو صديقي اللي ممكن أقوله كل أسراري وانا متطمن انه عمره ما هيفكر يقولها لأي حد
استمري
تحياتي
ايه الجمال دا يادودو
البحر الواحد كان نفسه يعييش فى بلد فيها بحر
بستنى الاجازة بفارغ الصبر علشان اروح واحكيله
بحب اقعد قدامه واسرح معاه
يلا قلبتى عليا الموااجع ههههههههه
تحياتى لكى
البحر غدااار
بس على الرغم من كدا
الواحد بيحبه اوى
البحر ؟!!
يعنى يوسف
و الغربة
و الشجن
و الدفا
و الحنان بدون مقابل
و إنت يا دودو
و حنين و هنودة
و داليا ماى كورنر
و كل حد حلو من حداكم ....
انا كمان بوجه الشكر للسيد البحر
حلوة قوى التجليات دى
بحب اقرالك قوى أشعارك البسيطة السلسة دى ..
بحس إن إنتى بس على شكل حروف و كلمات
بوسة و حضونااااااات يا عروسة البحور
البحر حلو اوى بس ساعات بتوهه قدامه وساعات بحس انى مش شيفاه
ازييييييييييييك يادودو وحشااااااااااني اوي اوي اوي يابنتي
انتي عامله ايه اولا يارب تكوني بخير
ثانيا بقى لقاء المدونين هو انا ماليش نفس ولا ايه عاااااااا
10-10 هتكون الدراسه ابتدت خساره :(
يارب يأجلوها كمان مره
ثالثا بقى انا بموووووت ف البحر وكلامك صدقيني جميل اوي زيك كده
ياحظه بحبك البحر والله
مووووووووواه
ما شاء الله يا داددو
حلوة كلماتك ولايقة علي اللقاء بتاع يوم 10/ 10
بحب البحر أو جدااااااااا
ازيك يادودو
كل سنه وانتي طيبه :)
البحر عندي هو الدنيا هو الحاجه اللي بحس انها بتمتص مني اي حاجه اقولها او اعملها وانا قاعده قدامه بكون في ملكوت تاني باحساس انه بيحتويني وبيسمعني
فعلا سبحان من صوره
وانا كلامي عن بحر اسكندريه لاني مش عشقت غيره بصراحه :)
تحياتي :)
يا ربناااااااااااااااا
البحر
ده كللللللللللل حاجه ليه
ده الحضن الحنين اللى بترمى فيه وبرمى فيه كل اسرارى وعارفه انه هيحفظها
ده المكان الوحيد اللى بحس فيه بقمه الامان والصفاء
ده دنيتى كلها
رغم ان وانا صغيرة كنت هغرق اكتر من تلات مرات فيه بس عمرى ما خوفت منه
بابا الله يرحمه علمنى ازاى احبه ومش اخافه لانه مش غدار ولا قاسى بالعكس ده قمه الحنان والامان
بحبك اوى يا بحر
وبحبك انتى كمان يا دودو
حلوة اوى الكلمات يادودو
انا من عشاق البحر نهارا وليلا
بحب اشوفه في كل حالته
اعشق شكله وصوته ورائحته
ومازالت دودو هى عنوان الرومانسيه
شكرا يا بحر
علشان طلعت الكلام الجميل ده كله
من جوا دودو
اتيتك حتى ارانى فيك ليس لك اخر في العطاء وليس لك غدر الابمن استهزابك انت يابحر صورتى في الاركان الامل القوه وايضا الحنان انت يابحر بكل ماحويت ململم طائعه باركانك الامواج تهب لكل الشواطئ من الاعماق تظهر لتعبر عن محتواك اما من غدر محتواك او من تقرب الى ثناياك انت يابحر بكل المعانى اكبر القلوب لااريد ان اسبحك في عكس اتجاهاتك وانما انا اريد ان اسبح معك لننطلق ياصديقي الى كل المرافءونقول لكل القوارب اننا اكبر من ظلمات الاعماق واصفي من النهار في الاحداق
انا رغم شوفت الموت بعينى فى البحر ده 10 ايام لكن اكتر حاجه بحبها حتى لمابروح مع اصحابى عليه انزل جوه واسبهم بحب انام جوه لوحدى وافكر فى افراحى واحزانى بس بجد يادودى كلامك حلو اوى اوى زى الشعر شاعره ياولاد يارب بقى تكونى بلطيه على كدا ولا مش بتعرفى تعومى خالص تحياتى اخوكى الاسير
البحر حاجة حلوة اوي
انا بعشق البحر وبحب ديما عد على البحر لوحدي وشكيلو همي وافرحو معيا
مدونتك عجباني جدا مستنياكي ويارب المدونة تعجبك يا رب
'دا اول تعليق ليا فى مدومنتك
وان شاء الله مش هيكون اخر تعليق
لان بجد كلامت جميله جدا با احساسك اكيد
ويااااااااه على احساس البحر وانتى معاه
بتونى فى دنيا تانيه فى وسط عيون محبوبه ليكى
ويارب ده فى تميز دايما
وكل سنه وانتى طيبه يا دودو
قالوا عليك غدار
والغدر من طبعك
وانا ليه معاك حسه..
بامان مالهش حدود؟؟؟؟؟؟؟؟؟
الكلمات دى وصفتنى بالظبط
كلمات جميلة
البحر من بعيد بيمثلى روحى وقلبى
بالظبط زى البحر
تحياتى ليكى :)
شاب فقرى
الامان معاك حساه موجود
ما هو بين البشر بقى مفقود
يا بحر يا اللى ملكش حدود
زى حبى ملهوش حدود
انت بس يا ما كنت بشكيلك
ومن همومى بفضفض واحكيلك
لا بتكل منى ولا بتزهق وانا بفضفض وارويلك
فاكر يا بحر لما كنت هنا السنه اللى فاتت
لما ساعة الفجر كنت انا وانت
ساعتها رميت جواك اسرار كتيره
وحكيت ليك عن اشوق كبيره
فاكر يا بحر لما شكيتلك من غدرها
فاكرا لما قلتلك انا بردو بحبها
فاكر دموعى وانا بشكيلك مـــر بعدها
فعلا يا بحر شطك واسع وبعيد
فعلا يا بحر اسرارك ملهاش حدود
ومين مننا ماقعدش بالسعات يشكى للبحر
مين مش بيعشق البحر
ميرسى على البوست الجميل
تقبلى مرورى
احمد
دودو أيهلا بس الحلوه دي لا بجد حلوووووووووو
تحياتي مبتسمة دائماااااااا
حلوة الكلام .. والاحساس اجمل..
يا بختك باحساسك بالبحر وانك بتلاقي الوقت اللي تقضيه معاه..
انا حاولت ادخل على المدونة التانية (قالوا وكلامهم عجبني) ولقيتها مقفولة على الاعضاء.. وانا باموووت في الاماكن المغلقة (ضحكة صفراء)
يا ريت تسيبيلي كارت (واسطة) ادخل بيه هناك (';')
ازيك يادودو
وحشانى خالص لكن مامتك جت لاخر يومين
واصبحت مطحونة اصل المسافرين
ربنا يهديهم كلهم هلوا فى النصف التانى
يعلم ربنا يادودو ان وسط انشغالى
انتى وكم حبيبة من المدونات كان لكم
نصيب الاسد من الدعوات وايضا كم مدون من اولادى وربنا يتقبل ويجعلها سنة كلها سرور وسعادة باذن الله على الجميع
بالنسبة للقاء يادودو طبعا بنسبة كبيرة حاحضر انا حاموت واشوفكم وانتى
بالذات نفسى اخدك فى حضنى وتشوفى شوقى
ليكى
بس ادعى ان زوج بنتى مايحضرش فى الوقت ده لان هى عندى وهو حيعيد فى السعودية
وجاى بعد العيد بس امتى الله اعلم
بدعى انه ميكونش فى التوقيت ده
وطبعا عارفة حتقولى مفيش مشكلة
لو جه مهو عنده مراته
اقولك المشكلة ان احنا لازم نروحها مصر
لان بيتها هناك ونقعد ننتظره معها
حكاية ملخبطة كده ماتشغليش بالك بيها
ده كفاية ان اعرف المجموعة اللى ذكرتيهاوستيتة وفاتيما واستاذ هانى
والواد عادل ابنى يخلينى اضحى بكل حاجة
واجى بس ادعى لى وربنا يسهل
تحياتى
شوفتى يادودو الكلام خدنى
ونسيت اقولك على البحر
البحر بالنسبة لى هو حياتى
مثل الهواء
احط الكرسى على الشط وافصل عن اللى حوالياوبدون كلاممنى يعرف يطلع اللى جوايا ييييييييييييياه
ده انتى لو سالتيه عنى حيقولك عارفها
وحافظها من كتر اللى بينا
وياخاينة تروحى وهو فاضى وجميل
اليومين دول كده وتسيبينى
يالا تعليقين بشبعة يعوضوا غيابى عنك
أحلام حقيقية
فعلا ياايوشتى البحر ده سحر
عالم تانى خالص
النيل بتشوفى اخره والبر التانى
لكن البحر مالوش حدود
حازم سويلم
اشكرك على زوق حضرتك
منورنى دايما يااستاذ حازم
مصري جدا
وده سر جماله وسحره
انك بتلاقى فيه متناقضات كتير فى وقت واحد
وكل واحد بيشوفه على هواه
Yusuf
الحقيقه هى مش اول مره
انا اتشرفت بزيارتك قبل كده
اما بالنسبه للبحر فهو ونعم الصديق المؤتمن فعلا
نورتنى
دموع القمر
انا بقى عندى بحر
وباشوفه باستمرار
(وش بيطلع لسانه)
البحر مش غدار ده قمه الامان والاحتواء
انا بحسه كده
فاتيما
من يوم ما عرفتك وارتبطت ذكرياتى مع البحر بيكى
اصبح البحر بالنسبه لى فاتيما ويوسف
انتى كمان بحر
بحر فى حنانك وحبك للناس
بحر فى عطائك واهتمامك بكل احبابك
قلبك كمان زى البحر وااااااااااسع
وده اللى مدوبنى فيه
Appy
البحر حلو اوى بس ساعات بتوهه قدامه
**************************
عادى ده احساسنا كلنا
لاننا بنلف الدنيا بزهن صافى قدامه وممكن ننسى اسامينا كمان
وساعات بحس انى مش شيفاه
************************
ليه؟؟؟!!!!!!!!!!
MǿиY El-Shreef
انا اللى محظوظه انى اتولدت وعشت جنب البحر ونفسى اموت جنبه
(:
اما عن اللقاء فده يوم ياستى حاولى تحضرى
وان شاء الله تستمتعى
mimi
ماشى ياستى
اعتبريها دعايه واعلان للقاء
ههههههههههههههه
Eno
كل سنه وانتى طيبه ياحبيبتى
وانا متفقه معاكى
هو ده نفس رايى عن البحر
وطبعا الكلام لازم يكون على بحر اسكندريه
هو فيه بحر يتعشق زيه؟
مستحيييييييييل
حنين القلب
نصيبى انك مش تغرقى فيه
علشان اقابلك تكونى صاحبتى
شفتى يابنتى؟
حتى البحر مش طايق ياخدك جواه
وانا مصحباكى
ربنا يكون فى عونى
(:
انا كمان بموت فيكى ياحنونه يااجمل واجدع صاحبه قابلتها فى حياتى
reem
مين فينا يقدر قول غير كده ياريم
البحر ده حيااااااه
وحكايه عشق مالهاش نهايه فى كل احواله ساحر
هائج ولا هادى
نهار ولا ليل
شتاء ولا صيف
هو هو البحر بسحره وجماله
blue-wave
اشكرك يادكتور
ده بس من زوق حضرتك
ستيته حسب الله الحمش
والله انا اللى المفروض اشكر البحر لانه خلانى كتبت كلام بسببه قدرت اشوف توقيعك عندى
وحشتينى قوى ياخالتو
لا تـــشـــتــــاق
اكبر من ظلمات الاعماق واصفي من النهار في الاحداق
************************
صح جدا
هو ده البحر
تسلم ايديك
اســ الغربه ـــير
كلام فى سرك ياحماده يااخويا
بس اوعى تقول لحد
انا مش بعرف اعوم
كلام من قلبي
احساس طبيعى لجدا لاقرب الاصدقاء
ومفيش اقرب لنا من البحر
بنت قلبى
اهلا بيكى فى اول زياره
انا زرت مدونتك وعجبتنى جدا
كل سنه وانتى طيبه ياقمر
نورتينى
شاب فقرى
جميل ان كلماتى قدرت تعبر عنك
تحياتى
احمد سكر
شكرا على كلماتك الجميله يااحمد
نورتنى
ranim
دى حلاوتك ياقمر
نورتينى
Timo..
انا مش بحب غير الضحكه البيضا الصافيه
والمدونه التانيه مقفوله خالص ليا انا وبس
ولو بتحب الاماكن المقفوله ادخلك اوضه الفيران
أم مالك
ربنا يدبر لك امرك وتقدرى تحضر
الصحبه الجميله دى مش هتكمل الا بوجود حضرتك
والبحر انا رحت له بعد ما فاااااااض بيا من الدنيا كلها
قلت اروح اغرق همى وارجع
الحمد لله
شط اسكندرية يا شط الهوا
البحر لغز جميل
وفزورة حلوة مش محتاج احلها
ومين مايحبش البحر
كفاية إنك ممكن تكلميه وترمي همك فيه
كلامك حلو وصادق
أمنياتي بعيد سعيد
إرسال تعليق