غريبه الدنيا ديه
اديها متدنيش
وان يوم أمنتها
ولقتنى فى حضنها
ترجع تجرحنى تانى
وتبعنى ما تشتريش
لو صاحبه سبتها
ترجع لى بدمعها
وتقولى حرام كفايا
ارجوكى متنسينيش
وان خان حبيب وباعنى
او قلبه يكون خدعنى
يرجع ندمان يقولى
بعدك مش عارف اعيش
ماأنا كنت ما بين ايديكم
دمعى ليه هان عليكم
راجعين بعد القسيه
تقولوا ماتبيعيش
طبعى هو السماح
بانسى كل الجراح
وباعيش بقلب صافى
ولحبه ما بيداريش
لكن معاكوا أسفه
روحى مش قادره تصفى
لكن طبعى الحنين
بيقوللى ما تجرحيش
محتاره بين ظنونى
همى وفكرى وشجونى
ياترى هقدر اصالح
واسامح ناس باعونى؟؟؟؟؟
.jpg)
48 الرومانسيين اللى زى حالاتى:
اول تحليق
فوووووووووووووووووووووووووو
اوعي النسر
سيبك انتي
الحتة الانجليش دي عاملة شغل
وااااااااااااااااااي
وااااااااااااااااااي ؟؟
مش عارف ليه افتكرت العيال كبرت
اذاكر و انجح :)
بجد في الجون و من الاخر ...الكلام عاجبني قوي قوي
------
لكن معاكوا أسفه روحى مش قادره تصفى لكن طبعى الحنين بيقوللى ما تجرحيش
-------
الحتة دي في الجون
ملعوبة ولا ابو تريكة في زمانه :):)
و السؤال الاخير
رده بسيط قوي
سامحي بس مترجعيش
في رفق كبير قوي
يعني زيهم زي اي حد و تشوفيهم سلمي و ابتسمي مع غير اي غضاضة (حلوة غضاضة دي) بس مش معني كده ان اللي فات ينفع يرجع لنفس وضعه :)
adel
صدق ياواد يادوله؟
هتصدق ان شاء الله
كلامك صح جداااااااا
وهو ده اللى بيحصل فعلا
باسامح بس مش بارجع
لا يلدغ المؤمن من جحر مرتين
(:
انا تانى تعليق بعد عااااااااااادل
اروح اقرى واجى
وووووووووووووووووو
لا انا التانى ماشى
داياما حنونه وقلبك طيب اوى يادودى علشان كدا دايما ننجرح وعلشان طيبة قلبك لازم تسامحي
بس بجد كلام جميل اوى ومنسق اهنيكى بيبى تحياتى اخوكى الاسير
وان خان حبيب وباعنى
او قلبه يكون خدعنى
يرجع ندمان يقولى
بعدك مش عارف اعيش
ماأنا كنت ما بين ايديكم
دمعى ليه هان عليكم
راجعين بعد القسيه
تقولوا ماتبيعيش
الله يا دودو حلو اوى تسلم ايدك بجد جميله خالص
حنين
انا كدة اعتبر ثالث تعليق
كلماتك جميلة خالص يا بنوتة
وقلبك شبه قلبى وشبه قلب ناس مش كتير موجودين دلوقتى بقوا يتعدوا
سامحى متخليش فى قلبك كره لحد وانا عارفة انك اصلا مش هتعرفى تكرهى
انتى صعبان عليكى اللى باعك وجرحك
انما مترجعيش تانى
خلاص
صدقينى لو رجعتى هيكونوا اتعودوا انك تسامحى وهيغلطوا تانى
انا لسة حصل معايا موقف من يومين
واحدة صاحبتى زعلت لاسباب ربنا اعلم بيها بس الاكيد ان دماغها ناشفة ورجعت صالحتها واتحايلت عليها لانى باقية عليها
انما خلاص هى اتعودت على كدة انها تزعل وعارفانى هاروح اصالحها
فى اهم يوم بالنسبة لى مكانتش جنبى
رغم انها الغلطانة انما الغلطان مش بيشوف نفسه غلطان
انتى سامحى ولو عايزة ترجعى تكلميهم ماشى انما بشروطك انتى المرة دى واهم شرط انك متتجرحيش
يارب يكون رغيى الكتير فى كلام كويس
ماأنا كنت ما بين ايديكم
دمعى ليه هان عليكم
راجعين بعد القسيه
تقولوا ماتبيعيش
الواحد مش بيحس بقيمه الحاجه الا لما بتضيع من ايديه
هو دا طبع الانسان
تحياتى ليكى يا احلى دودو
7annen
ربنا يخليكى ياحنونه
ده بس من زوقك وعينك الجميله اللى بتشوف كل حاجه حلوه ياقمر
اســ الغربه ـــير
مشكلتى انى مش عارفه اكون قاسيه ياحماده
لانى بحب بضمير قوووى
dramaqueen
والله انتى بتتكلمى بلسانى
ده دايما اللى بيحصل معاها
تخاصمنى
اصالحها
تكررها
لما بعدت عنها وقررت انى مش هاصالح تانى وقررت الغيها من حياتى رجعت لى هى تانى
:-??
وانا مش ناويه ارجع تانى لحد يوجعنى
هاسامحفى حقى
لكن مش هارجع زى الاول اكيد
لان فى شئ جوايا اتكسر بسببهم
Pink Dreams
الواحد مش بيحس بقيمه الحاجه الا لما بتضيع من ايديه
**********************
للاسف كلامك صح
):
بس ليه بنسيب اى شئ جميل يضيع من ايدينا ونرجع نبكى
وبيكون بعد فوات الاوان
صعب قوى روحك تصفى لحد خان او باع
بس ممكن تسامحى من معنى انك مترجعيش التعامل معاهم زى الاول انك متسمحهمش خليكى انتى افضل منهم ودا اكيد طبعا :)
كلماتك جميلة اوى يا عاشقة
عارفة مع بدايتى فى التدوين كنت بقرالك حاجات قوية زى كدا والفترة اللى فاتت رغم الاخبار السعيدة اللى كنتى بتكتبيها وبتابعها الا ان برضو كان فى حزن فى كلامك
بس البوست دا حسسنى انى جيت عند عاشقة الرومانسية اللى عرفتها من 7 , 8 شهور كدا :)
يارب تكونى بخير
تقبلى مرورى
ازيك يا دودو اخبارك ايه
مش غريبة والله بس
احنا اللى بنقابل ناس غريبة
ناس قاسية متعرفش يعنى ايه رحمه
ولا تقدر اخلاص ولا صدق
ناس مريضة وفعلا مؤذية
بس لازم نقابلهم
لانهم معانا فى نفس الزمان
بس اكيد فيه ناس قلوبها صافية
اكيد هنلاقيهم فيوم
اكيد
اكيد يا جميلة هتقدري تسامحي
لانك من جوى مسامحاهم
قبل حتى ما تفكري في السؤال ده
ولانك طيبة هتلاقي نفسك مسامحاهم
بس السؤال اللي يطرح هنا
هل هم يستحقوا كل ده؟؟
تحياتي اولا و السلام عليكم
محتاره بين ظنونى
همى وفكرى وشجونى
ياترى هقدر اصالح
واسامح ناس باعونى؟؟؟؟؟
احلى حاجة عجبتي اسامح ناس بعوني يا ترى اسامح ولا لا ؟؟؟ ممكن ينفع عنوان بوست جامد جدا ملوش اى حل
بس دايما لما بحس بحاجة ساعات بكتفى بقول عجز الكلام عن وصف الاحساس و مش قادر اقول غير انة جميل جدا
هو انا كل مروح مدونة الاقى عادل اول تعليييييق؟؟؟؟؟؟؟؟؟؟؟؟؟؟
ايه الحكاية
ههههههههههه
جميلة اوى الكلمات
احساس عالى اوى
احييكى عليها
وان خان حبيب وباعنى
او قلبه يكون خدعنى
يرجع ندمان يقولى
بعدك مش عارف اعيش
حلوة اوى
سلاموز
الله جميلة جدا يادودو بس عارفة انا متاكدة ان قلبك ابيض وهتصفى وهتسامحى علشان انتى مش بتقدرى على القسوة مع غيرك ابدا
تسلم ايدك بجد
كلماااااااااااااات جميله اوى وفعلا
واقعيه والله
شيئ بنعيشو كل يوم تكاد الاحداث تمر من اممنا
مرسى على كلماتك الجميله
دودو الجميلة
صباح الخير عليكى يا قمر
أخبارك ايه؟؟؟
بصى يا دودو ..
الحل زى ما قال عادل فعلا فى الاول
الحل انك تسامحى بس ماترجعيش
السماح بيخلي قلبك فعلا صافى و مش شايلة من حد
بس مش معنى كدا انك تتجرحى من حد ماقدركيش
لا ... خلاص مش زعلانة منكم
بس صباح الخير يا جارى أنت فى حالك و أنا فى حالى :)
يارب دايما سعيدة و فرحانة يا دودو
دمتى بكل الخير :)
السلام عليكم
يسعدنى ان نتشرف بزيارتك لنا فى جمهورية شومبونجو العربية المتواضعة
ونأمل ان نكون من الدول الصديقة
اما بلنسبة للموضوع فرأى copy من عادل و dramaqueen
..............
تحياتى
رئيس الجمهورية
من احلي ما قرات لك
الفكرة موزونه و طريق الوصول اليها لم يخرج عن المرسوم له
انتقاء الكلمات خدم المعني
روحك الصافيه و براءتك واضحة جليه
حلمك بدنيا افضل لا يخلو من رومانسيتك الطاغيه
شكرا فلقد تمتعت بوجبة حسية كاملةعلي الرغم حزن و شجن الموضوع
تحياتي
كلماتك حلوه اووووووووووي
بس ليه الحزن اللي فيها ده ؟؟
عموما بجد تسلم ايدك:)
ازيك يا عاشقة حبيبتى
وحشانى جدا جدا جدا
كلامك صعب قوى
بس هى الدنيا كده
مش بنحس بأهمية الشئ بالنسبة لنا الا لما تبعد عننا
حسوا بقيمتك لما افتقدوكى
ارجعى بس بحذر ولو حاسة ده قوى
لكن لو مش حساه ما ترجعيش
تحياتى لك
شيمو القمر
الأول كل سنه وانتى طيبة
بس ليه الحزن دا بجد قلبتى مواجع انا كنت لسه عند مولان وبقول الكل مبسوط
بس بجد عبرتى عن مواقف كتير فى حياة كتير مننا ويمكن انا اكتر واحدة عبرتى عنها
...................
رضوى
التسامح ده يا دودو احساس عالي قوي قوي
وصعب قوي قوي
بس لو ملكتيه بيكون نعمة مش عادية بتحمي قلبك من حاجات كتير
لو قلبك قادر على التسامح و تقدريه تدفعي نفسك عليه يبقى ما تقاوميش لا تضيع منك القدرة على التسامح و ساعتها حاتحسي ان فيه جزء من نفسك انفصل منك
الفصل بين التسامح و الموقف الفعلي كبير
يعني ممكن أسامح فلان و اشيل من قلبي اي ذرة غضب منه بس دا مايمنعش اني آخد منه موقف أحمي بيه نفسي من جرحه لحد ما يبان العكس منه بشكل فعلي و مش كلام
كل ده كوم و اسلوبك في البوست كوم
فيه تمكن قوي
السلام عليكم
البوست رقيق قوى يا دودو
ايوة تسامحى وتسيبى الايام تثبت
مقوله
من باعنا فقد خسرنا بنفس القدر الذى خسرناه وربما اثبتت له الايام عما قريب ان خسارته فينا كانت اكبر واعظم
سامحي اه
بس مترجعيش لهم
ببساطه
ميستاهلوكيش
:)
انتي كمان وحشاني مدونتك قوي
احساس طفله
تصدقى بالله
انا كمان وحشانى قوى عاشقه الرومانسيه
اللى عرفتوها فى بدايه تدوينها
smilyrose
اكيييييييد
الحياه فيها النقيضين الابيض والاسود
وده سر جمالها
المهم اننا نركز على الابيض اكتر
لان الاسود بيجيب اكتئاااااااب
(:
'' حطام (ك) بقايا ''
حتى لو هما مش يستاهلوا
انا استاهل
استاهل انى اخلى قلبى دايما صافى
ومش فيه اى ذره زعل من حد
ولا ايه؟
(:
التسامح نعمه من ربنا باحمده عليها
3mr wa2el
ميرسى لكلامك الرقيق
ادينى اديتك العنوان
اكتب انت بقى البوست
وابقى وريهولى
(:
مسدس صغير
اه اصل عادل عامل اشتراك فى كل المدونات
معاه كرنيه
يدخل اى مدونه فى الاول قبل اى حد
واى بوست لازم هو اللى يقص الشريط ويفتتحه
ههههههههههههه
شكرا ليك
آيوشة
انا كمان عارفه ومتاكده
ودى نعمه باحمد ربنا عليها دايما
ادم المصرى
ميرسى ياأدم
الحمد لله انى قدرت اعبر عن حاله واقعيه بنعشها وكلامى عجبك
Soul.o0o.Whisper
ياااااصباح الامثال الشعبيه المهلبيه
هههههههههههههه
ماشى ياستى
حاضر
والله وبقى بيتاخد برأيك ياواد يادوله
ههههههههههههه
جمهورية شومبونجو العربية
وانا ردى عليك كوبى من ردى على عادل ودراما كوين
هههههههههههههههههههه
نورت دولتنا التواضعه
يوووووه
قصدى مدونتنا
أحــوال الهـوي
والله التعليق ده اجمل بكتير من البوست نفسه
(:
بس ده كتير عليا قوووووووووى
Eno
(:
معلش اصلى فقريه
غاويه نكد
هههههههههههههه
شكرا ليكى ياقمر
شيمو القمر
صح كده
هاسيب الموضوع لقلبى واحساسى
هو يحكم
sendrlla
مفيش حد خالى من الجراح والاوجاع
انا نزلت بوست لكيارا اهو علشان البهجه تبقى فى بلوجر كله
(:
Hannoda
اكيد هاسامح
واكيد هاكون حذره
يعنى مش هارجع زى الاول
قلبى غالى عليا ياهنوده
وانا تعبته قوى معايا بصراحه
ميرسى ياقمر ده بس من زوقك
ليس فقيرا من يحب
من باعنا فقد خسرنا بنفس القدر الذى خسرناه وربما اثبتت له الايام عما قريب ان خسارته فينا كانت اكبر واعظم
********************
الايام اثبتت ده فعليا
واسرع مما تخيلت
والا مش كانوا هيرجوا لى تانى
حنان الشافعي
شكرا ليكى ياحنونه
انتى وحشانى اكتر ياقلبى
إرسال تعليق