لما تكتشف سذاجتك مع الناس و اللى انت بتوهم نفسك بانها طيبه تعمل ايه؟
لما يخون ثقتك أعز اصحابك تعمل ايه؟
لما وجعك يفوق كل تصوراتك ويكون اكبر من ان عقلك يستوعبه تعمل ايه؟
لما يفارقك انسان كنت بتعتبره كل الدنيا وكل الناس تعمل ايه؟
لما يقرب منك شخص قوى ويعرف نقطة ضعفك ويضغط عليها بكل قوته تعمل ايه؟
لما تنصدم فى ناس كنت ناحت لهم تماثيل من ذهب فى قلبك تعمل ايه؟
لما تعيش على ذكرياتك رافض تعيش الحاضر وخايف من المستقبل تعمل ايه؟
لما كل اصحابك ينسوك ويفتكروك بس وقت الحاجه لانهم واثقين انك هتقف جنبهم تعمل ايه؟
لما اقرب الناس لقلبك يخدعك ويكذب عليك تعمل ايه؟
لما يكون عندك مثل اعلى وينهار قدام عنيك تعمل ايه؟
لما يبيعك حبيبك بارخص تمن تعمل ايه؟
لما تعيش فى دنيا العمله الوحيده المتداوله فيها الكذب وصراحتك فيها عباره عن بضاع راكده مالهاش سوق تعمل ايه؟
لما تكون صديق بحق فى زمن الباطل تعمل ايه؟
لما تعيش عمرك كله فى كدبه كبيره وفجأه تعرف الحقيقه تعمل ايه؟
لما تكون انت الوحيد اللى عارف قيمه قلبك تعمل ايه؟
لما وقت الشده تكون لوحدك تعمل ايه؟
لما تتعامل بحساسيه شديده مع ناس ضاع منها الاحساس تعمل ايه؟
لما تحلم بدنيا جميله مليانه خير وحب وتفوق على كابوس الواقع المؤلم تعمل ايه؟
لما تبقى الحياه بالنسبه لك هى مجرد الهوا اللى بيدخل صدرك وبس تعمل ايه؟
لما ينزف قلبك لان عيونك رافضه الدموع علشان تبان اقوى من جرحك تعمل ايه؟
لما يخون ثقتك أعز اصحابك تعمل ايه؟
لما وجعك يفوق كل تصوراتك ويكون اكبر من ان عقلك يستوعبه تعمل ايه؟
لما يفارقك انسان كنت بتعتبره كل الدنيا وكل الناس تعمل ايه؟
لما يقرب منك شخص قوى ويعرف نقطة ضعفك ويضغط عليها بكل قوته تعمل ايه؟
لما تنصدم فى ناس كنت ناحت لهم تماثيل من ذهب فى قلبك تعمل ايه؟
لما تعيش على ذكرياتك رافض تعيش الحاضر وخايف من المستقبل تعمل ايه؟
لما كل اصحابك ينسوك ويفتكروك بس وقت الحاجه لانهم واثقين انك هتقف جنبهم تعمل ايه؟
لما اقرب الناس لقلبك يخدعك ويكذب عليك تعمل ايه؟
لما يكون عندك مثل اعلى وينهار قدام عنيك تعمل ايه؟
لما يبيعك حبيبك بارخص تمن تعمل ايه؟
لما تعيش فى دنيا العمله الوحيده المتداوله فيها الكذب وصراحتك فيها عباره عن بضاع راكده مالهاش سوق تعمل ايه؟
لما تكون صديق بحق فى زمن الباطل تعمل ايه؟
لما تعيش عمرك كله فى كدبه كبيره وفجأه تعرف الحقيقه تعمل ايه؟
لما تكون انت الوحيد اللى عارف قيمه قلبك تعمل ايه؟
لما وقت الشده تكون لوحدك تعمل ايه؟
لما تتعامل بحساسيه شديده مع ناس ضاع منها الاحساس تعمل ايه؟
لما تحلم بدنيا جميله مليانه خير وحب وتفوق على كابوس الواقع المؤلم تعمل ايه؟
لما تبقى الحياه بالنسبه لك هى مجرد الهوا اللى بيدخل صدرك وبس تعمل ايه؟
لما ينزف قلبك لان عيونك رافضه الدموع علشان تبان اقوى من جرحك تعمل ايه؟
.
.jpg)
101 الرومانسيين اللى زى حالاتى:
أوووووووووووووووووول
تعلييييييييييييييق
حجززززززززززززززززز
نياهاهاهاهاها
أول تعليق
احمدك يارب
اروح اقرأ بئا
ههههههههههههههههههه
:(
:((
ليه الكآبة دى بس يا دودو ؟؟؟؟؟
بصى يا قمرى
الدنيا اللى بئينا عايشينها دى دنيا صعبة اوى
و زى ما قلت قبل كدا ان اصعب شئ فعلا انك تحتفظ بنفسك وسط الناس دول
الفطرة الجميلة و القلب الطيب
فعلا اصبحوا عملة نادرة فى الزمن دا
لكن صدقينى فى ناس زيك كدا يا دودو
و أكيد بيدوروا على اللى زيهم
فماتفقديش الامل يا جميل ان شاء الله هتلاقى اللى يقدرك
و يقدر صداقتك و حبك
و كل شئ جميل فيكى
لكن يا دودو
أنا اتعلمت شئ بردوا
اننا لازم نحط كل ثقتنا فى ربنا
و نعمل الخير و نرميه فى البحر و مانبصش الناس هتعاملنا بايه
لان لو استنينا
يبئا هنتعب اوى
كمان لو اتصدمنا فى شخص بنتعب اوى
فاحنا نكون حاطين ثقتنا فى ربنا
و راميين حمولنا عليه
لانه الوحيد اللى معانا فى كل وقت
الوحيد اللى مش ممكن ابدا يخيب ثقتنا فيه
الوحيد اللى مش ممكن يتخلى عنا وقت شدتنا
خليكى مع ربنا اوى يا دودو
صدقينى هتلاى حياتك بئت اجمل كتير
ماعدتيش مستنية من حد حاجة
و كمان فضلتى محتفظة بالقلب الجميل الصافى
ومالوثتكيش الدنيا
تحياتى ليكى يا قمرة
قريت البوست مرتين
وبجد مش عارفة اقولك ايه
هى دى الدنيا فعلا
قدرنا نعيشها ونقبلها بخيرها وشرها .. بحلوها ومرها .. بطيبتها وشرها
وجعنى اوووووووووووووى اخر سطر
لما ينزف قلبك لان عيونك رافضه الدموع علشان تبان اقوى من جرحك تعمل ايه؟ .
الحاجة الوحيدة اللى لازم نعملها اننا نلجا إلى الله .. ندعيله ونشتكيله .. بيده الامر كله وهو على كل شئ قدير
حبيبتى
قولى حسبى الله ونعم الوكيل
اللهم اجرنى فى مصيبتى واخلف لى خيرا منها
فرج الله همك وازاح غمك وشر صدرك وابدلك سعادة و سرورا
خالص ودى
سالى
الصمت ثم الصمت ثم الصمت
لم يعد هناك قوة بي لأفعل شيئا ,,,
بل ولو حتي للتفوه بكلمه ,,,
دعي المستغلين والانانيين يعيشوا في
عالمهم ...
وليدعوني ايضا احيا في عالمي الخاص
عالمي الساذج الطفولي ... ولا يحاولوا
تسلق اسواري ,, وليهتموا بأنفسهم
ويتركوني ... فلم يعد بي طاقه
لمزيد من العطاء
تحياتي ليكي ياقمر,,,
ارحلى
سيبيهم
مش يستحقوا
ابحثى عن حياة افضل
صعب صح
طيب عيشى فى عالمك
ابعديهم عنة
وابعدى عن عالمهم
شوفى شخصيات افضل منهم
اللى يخون ميكونش صديق
والحياة مش مجرد نفس
تعبيرك عن الاحساس دا قاسى
جبتية من كل مكان
سواء اشخاص او حياة او احساس
اخر حاجة اقدر اقولهالك مهما كانوا هم
انتى خليكى اقرب لربنا وخليكى زى ما انتى مهما عملوا
ربنا يصلح الحال
تقبلى مرورى
Soul.o0o.Whisper
مبروك اول تعليق ياقمر
Soul.o0o.Whisper
انتى جايه تأكدى الحجز ولا ايه؟؟؟؟؟؟؟؟؟؟؟
Soul.o0o.Whisper
ونعم بالله ياسول
وانا ماليش غيره ياحبيبتى والله
لما باتعب قوى باروحله احكي له واسجد له وابكي له
حاجات جوايا
وجعنى اوووووووووووووى اخر سطر
**********************
الف سلامه عليكى من الوجع ياحبيبتى
ربنا يتقبل منك دعواتك الطيبه دى
قلب ارهقته الاحلام
سكت كتير لكن الصمت مش حل
كتر الضغط بيولد الانفجار
وكلامى مش من فراغ
احساس طفلة محبة للرومانسية
ارحلى
سيبيهم
مش يستحقوا
ابحثى عن حياة افضل
صعب صح
***********************
ده صعب جداااااااا
طيب عيشى فى عالمك
ابعديهم عنة
وابعدى عن عالمهم
**********************
ياااااااااريت
حاولت وفشلت للاسف
شوفى شخصيات افضل منهم
اللى يخون ميكونش صديق
**************************
ياااااااااااااه
لسه هاجرب واعرف ناس تااااانى؟
انا خلااااص قربت افقد الثقه فى كل الناس
بصى يا دودو القلب ضعيف جدا قدام كل الجراح دى
وصدمة واحدة من بين كل اللى قلتى عليه كافيه انها تشل التفكير وتهز ثقة الواحد فى نفسة وتهز ايمانة بمبادىء كتير.
بس ابسط حاجة ان الواحد يقوم من كل تجربة وهو متعلم الدرس كويس.. ويحاول يلملم حزنة ويقف تانى وهو على يقين تام ان ربنا باذن الله هيعوض صبره بكل خير
طب الهى يا رب كل واحد جرحك...
يعوضك بأحسن منه ان شاء الله
ان كان صديق وللا حبيب
السلام عليكم
كلها أشياء صعبة
لكن الحياة بها الأصعب
عارفة انا هعمل ايه
هقعد مع نفسي يومين وورقة وقلم واعيد حساباتي بشكل واقعي اشوف ايه الاخطاء اللى وقعت فيها واظبطها واحاول اكون انسان جديد مع الحياة واتكيف مع الناس دا اللى ممكن اعملة
تحياتي والى الامام
اعمل ايه ..... اعمل ايه .... اعمل ايه؟؟؟
اعمل مش واخد بالى
هاقول انهم بشر يا دودو
زي ما انا كنت بشر
ووثقت فيهم بزيادة
مش هاقولك عيدي حساباتك
واختاري اصحابك كويس
لاننا بنقع في نفس الفخ تاني وتالت
ولو اصبحنا قاسيين
وبنشوف الدنيا سودة
يبأه بقينا زيهم
عيشي بأمل انك تلاقي حد كويس
يقدر الصداقة
والحب
والقيم والمبادئ
وهاتلاقيهم
وهاتلاقيهم بردوا
مصدومين زيك
لانهم وقعوا في اصحاب وناس مش تمام
واول ما تقابليهم
عرفيني عليهم بأه
وحاولي تتخطي الحالة دي
لانها
زي ما قولتي
سذاجة
مع ناس
لا تستحق
حسن النية
دمتي بخير يا جميلة
فية قواعد اساسية يا دودو علشان نتخطى كل دة وما نتعبش الخصهم فى النقط دى
* احذر عدوك مرة .. وصديقك الف مرة
* خاطبوا الناس على قدر عقولهم
*اللى ينساك انساه ودور على اللى اتعلمتة من وراه
*لا تكن لينا فتعصر .. ولا صلبا فتكسر
الحاجات دى يمكن كلها قواعد اساسية لازم تكون موجودة فى حياتنا...ودى تجنب اى حد لحظة الندم والالم
مع خالص تقديرى واحترامي
حبيت اقولك
حتة من اغنية للمبدعين
بلاك تيما
أعرف واحد قال لواحد
اهمل صاحبح واقسى عليه
واحد قال للواحد نفسه
انت مزعل نفسك ليه
(واحد حاول يعرف واحد طلع الواحد صفر كبيييييييييييييييييير )
فعلا
صفر كبير
غيري
جربي ارقام قصدي
جربي ناس تانية
شوفي يادودي الاجابة سهلة جدا والغريب انها ممكن تجاوب على كل أسئلتك .. تغيري من طريقتك في تقدير الامور والبعد عن النسبية المطلقة في وزن الامور.... مفيش حاجة في الدنيا يا اختي كاملة وكل حاجة في الدنيا لازم توزنيها بقانون الميزان... يعني الصداقة والحياة وحتى الحب عايزين ميزان.. حطي في كفة مزايا صديقتك ولازم تحطي اي حاجة في الناحية التانية .. حتى الحب توقعي ايضا الغير متوقع في يوم من الايام... لما الواحد بيحب مش بيشوف خالص اللي في الكفة التانية ولكن اينعم الميزان مش بيشوف ولكنه بيوزن عشان كدة بتظهر الصدمات الغير متوقعة... اتمني اني اكون قد جاوبت على اسألتك في اول زيارة ليى ليكي... وربنا يوفقك واتمني طبعاان كل ده خواطر مش مشاكلك ... ياه ده لو كدة يبقى عايزالك مية ميزان
السلام عليكم ورحمة الله وبركاته
دودو حبيتى
يارب يسعدك
أحيكى على الموضوع الجميل الهايل ده اللى بجد وقفت امامه وبكت عينى على ما قرأت
ليه ليه ليه ليه ليه؟
مليون سؤال بداخلى متلك أختى الفاضله
ليه جزئنا الأهانه ممن نحب
ليه الخداع
والظلم والقهر واللف والدوارن
بجد مش لاقيه إجابه
لأن قلوب الناس مش زى قلوبنا صدقينا أحنا هنصبر وإن شاء الله هيكون خير صدقينى دايمآ بحاول أوهم نفسى بكده
تعرفى أنا عملت حاجه جميله قووى صديق عزيز قووى عليا قالى عليها وعملتها ونجحت وجربى والتجربه خير دليل
كنت بحب إنسان ونفس كلامك ده حصل معايا بالظبط كأن الزمن بيعيد نفسه
ونفسى أنساه قووى للدرجة إنى كنت هموت من التفكير صدقينى
قالى هاتى ورقه واكتبى فيها اسم حبيبك
وبعدين تكرمشيها وأرميه فى الزباله مره وأتنين وتلات وكررى وصدقنى وصفه جميله والله المستعان
معلهش ياااااااااااااه أنا رغايه قوووى
بس بجد حسه بيكى يا دودو مافيش حد يستاهل ولو حتى عملتى ايه
طولت عليكى
تقبلى تحياتى
إيناس
اد ايه حلوة الخيانة
للى بيحبوا الخيانة
ازيك يا دودو
انا الحمد لله واخيرا جاتلك علشان اغلس
عليك تانى واعوض الايام اللى فاتت
دودووووووو توأم الروح
كل اللي قلتيه مريت فيه .. وعارفه انه احساس صعب خصوصا لما ما تلاقي لكل هذي الاسئله اجابات ...
تعرفي انا ايش تعلمت .. تعلمت اني ما اطنش اللي يصير معاي .. لا .. اخذت موقف وتغير طريقتي مع اللي اخذت منهم موقف
انا مافي اطيب من قلبي واقل شئ يجرحني بس قاعده احاول اقوي قلبي شوي واضغط على نفسي عشان استمر فى المواقف اللي اخذتها
مره جيب للبيت من المدرسه ابكي عشان صاحبتي عملت معاي مقلب مش كويس .. كنت في متوسط .. ولما ابوي شافني وحكيت له الحكايه .. قال لي حاجه الحين لها معني اكبر عندي .. قال لي تعلمي تصادقي نفسك اول .. ولما تكوني صديقه معاها فكري تصادقي غيرها ... لما كنت صغيره حسيت ابوي قاسي ومش فاهم مأساتي .. بس لما كبرت واشتغلت وقابلت مصائب من الناس .. عرفت معنى كلامه
وبعدين من اللي قال انك الوحيده اللي عارف قيمة قلبك؟؟
احنا كلنا اللي نحبك فى الله عارفين قيمه قلبك
وعمرك ما راح تكوني فى وقت الشده لوحدك عشان احنا كلنا حولك
اعمل ايه ؟؟
اقول حـسـبي الله و نعم الوكيل
تعمل ايه؟
أعمل زى ما عملت
أبعد عن كل الأصحاب لفترة
وبعدين ارجع اتعامل مع الناس اللى يستاهلوا بس
ده لو قدرت ارجع طبيعيه
وعموما اللى بيجرحنى ومفرقش معاه ميستهلش منى لحظه افكرفيها فيه
ولا يستاهل انى حتى أكرهه
بجد بوست رااااااااائع
مع أنه قلب المواجع و بكانى
وفكرنى بحاجات كتييييييير مكنتش عايزه أفتكرها
شوفي يا دودو
علشان ترتاحي
اي علاقة بينك وبين اي شخص خلي فيها طرف ثالث
ربنا سبحانة وتعالى
هو اللي يقدر يجازي وبالعدل
أما انتظار العدل من الناس أو حتى رد المعاملة بمثلها فأعتقد ان دة مستحيل
دي دنيا من الدناوة
نرفع مستواها بالعلي علشان الامور تبقى على الاقل مقبولة
ترجع ل ربنا
تصلى ركعتين
وتدعيه
بس كدا
السلام عليكم
انا مش عارف صراحة أقول ايه بس ليه الكأبة دى كلها ممكن تشوفى الموضوع بنظرة تانية
تحس بايه لما تلاقى صاحبك جمبك طول الطريق بيساعدك ؟
تحس بايه لما تلاقى ابتسامة على شفتى طفل صغير ؟
تحس بايه لما تبقى عارف ان فى ناس عارفة قيمتك ؟
تحس بايه و انت بتتعرف على ناس جديدة و تتعرف على عالم جديد ؟
تحس بايه لما تشوف نجاح لناس قريبة منك و من قلبك ؟
تحس بايه ..................
الحياة تختلف باختلاف وجهة النظر و بتهيألى ممكن تبقى حلوة من وجهة النظر التانية
و تقبلى تحياتى
بصي ياحببتي
لو كل الطرق اتسدت في طريق دايما مفتوح
الجأي لربنا وصدقيني مش هيخذلك ابدا
ربنا معاكي يادودو
لما ابقي في الحاجات الحلوه دي كلها يبقي لازم احافظ عليها ومتهزش بسوله
والضربه الي متموتنيش بتقويني
تقبلي مروري
مجنووون
السلام عليكم
بصى احنا نعمل شئ واحد بس نقول يارب وحسبى الله ونعم الوكيل فى اى حد وصلك الاحساس المتشائم دة
بس الحل الجامد بقى نموت نفسنا ونرتاح يالله بقى انتى مخلتيش شئ فية تشائم الا وقولتية هيفضل اية بقى نبقى علية
اريد ابتسامة تفائل
رومانسيتي الجميله عامله ايه يا حبيبتي
بصي يا رومانسيتي لازم نحاول مناخدش كل حاجه على قلبنا لاننا هنتعب اوي وقلبنا هيتعب اكتر يعني لو حد غلط فينا مره هنتوجع لكن لو غلط فينا بعد كده الف مره هيعتبر ده شئ بقى عادي وتقليدي بالنسبه لينا لاننا اتعودنا عليه بالشكل ده والاسلوب ده
والطريقه دي وعارفينه مش هيتغير
احنا لازم اللي نتغير مش هما
لان على اد ما في ناس كتير وحشه على اد ما في ناس كتير حلوة اوي وقلبها طيب وجميله
دوري عليهم هتلاقيهم حواليكي في كل مكان وفي كل اتجاه
اوعي تدوري عل حد الوحش لان الوحش اساسه بيكون بايظ وهيجله يوم ويقع زي العمارات اللي اساسها وحش وبتقع
صلي لربنا وادعي يخلصك من كل همومك ويكبر قلبك وتصفي من كل الاتجاهات
خلي بالك
"احنا اللي لازم نتغير"
هاعمل ايه
هاااااااااا بص لفووووووووق وابتسم
واقوووووووووووووول يا كريم
محتاااااااااااااااج ليك جانبى
فى غمضة عين هلالالالالالالالالالالالالالالالاقى
رحمااااااااااااااااات من السما نازلة
وقلبى من جوه مليان بسمة
هاااااااااعمل ايه
يااااااااااااارب
عبدك
خبط على بابك
محروم فى دنيا عبادك
مظلوم فى الدنيا تايه
حزين من الالم وقلبى بينازع
يااااااااااااااارب
هاقرب منك واصلى
طمعان فى قربك منى
انت العزيز
والذليل على بابك
انت القوى
والضعيف على بابك
انت الغفور
والعاصى على بابك
انت الرحيم
والقاسى على بابك
ياااااااااارب
بااااااااااااابك دايما مفتوح
وخيرك دايما ممنوح
ياااااااااااارب
حيران اهدينى
ياااااااااااارب
ليك انا عابد
وهافضل علشانك صامد
بطاعتك يارب اقوووووووووووينى
يااااااااااارب
...
يارب
عاشقة
و الله مش عارف اقول ليك ايه و لا ايه
اكيد حتلاقي كل اللي معلقين هنا
لا كل الناس او على الاقل اغلبهم بيعيش في نفس الدوامة بس حنعمل ايه الغلط مش في الدنيا لا
الغلط فينا احنا
ليه مايسودش الحب بينا ليه متكونش المودة و الحوار و السلام من المقومات الاساسية في حياتنا
ليه متكونش الصداقة الحقيقية اختيارنا في حياتنا
لكن حنعمل ايه في عالم غابت فيه كل القيم الجميلة
حنعمل ايه؟؟؟؟؟؟؟؟؟
مودتي
بجد عندك حق يا بنتى والله فى كل كلمه بتقوليها
وربنا معاكى يا قمر
السلام عليكم.......ازيك يا دودو...........
علشان اختك بس كئيبة شوية بتحب الجو دا والكلامات معبره اوى .........الدنيا باه اكن دا وضع
طبيعى فيها ان الكذب يبقى موجود وبيسموه كذبه بيضة وفهلوه وحجات من الحلوة دى الى احنا بنطلع عليها مسميات الشيطان بيدخلنا منها........بقيت صعب فعلا تثق فى حد بس صدقينى متيئسيش الدنيا لو كلها وحشة ومكنا زمانا لسه عيشين لحد دلوقتى اكيد فى ناس كويسين وكويسين جدا كمان.......ربنا يوفقك وتلاقى حد يفهمك ويقدر قيمة قلبك زى ما انتى مقدراه........دومتى بخير يا قمر ........فى رعاية الله.
تقول يارب قويني وعرفيني طريقي
أقولك نعمل ايه:
نتحدى الواقع ونتجاوز اسواره ونصعد الى ابنية الخيال
ولن نستسلم لدنيا مثل هذه ابدا
فلا تزال الدنيا بخير طالما هناك قلوب عامرة بالحب
ومهما حاولوا أغتيال مشاعرنا سيبقى شعاع الامل نابضا فينا
احسنتي غاليتى
ابهرتينى برقة تعابيرك
ودمتى للابداع رمزا وعنوانا
الرد علي البوست اللي فات :
انا مش عاوز اعرف اسماء بس ارواح ايه و افلام رعب ايه بس اللي بقابلها دي
هههههههههههههه
اما بوست النهاردة انا هاعمل كده :
هافضل طيب و اهبل
هادور علي حد تاني اصحابه
هاصلي
هاصلي برضه
هاقول ربنا يسامحه
هاقول انا ممكن اكون وحش كش هما بس
مش بعمل انا فعلا عايش علي الذكريات
هاساعدهم
ايه الجديد كلهم بيعملوا كده و بسامح
هادور علي مثل تاني الكامل ربنا
هادور علي حبيب تاني يبعيني
الا الكدب :(:(:(
هشتري كلب اربيه لانه صاحب صاحبه
هاوجه الحقيقة محبش اهرب
هاحب نفسي
ربنا موجود انا مش لوحدي
الحساسية ملهاش علاج و اساليني انا
ده فيلم فاشل بس بحلم بيه
احمد ربنا اني لسه قادر علي النفس
بروح اي حتة اعرف اعيط فيها و اصرخ
---------
انا جاوبت كله اهوووووو
هقولك هعمل ايه
ـــــــــــــــــــــــــــــــــ
هبطل سذاجتى او عبطى مع الناس اللى بتعامل معاهم
ـــــــــــــــــــــــــــــــــ
ولما يخون ثقتى اعز اصحابى هدور على صاحب تانى يثق فيا ويقدرنى
ــــــــــــــــــــــــــــــــ
واما وجعى يفوق كل تصوراتى هدور ع اللى يداوى جرحى باى شكل
ـــــــــــــــــــــــــــــ
واما يفارقنى انسان غالى عليا هدعى ربنا انه يعوضنى باحسن منه
ــــــــــــــــــــــــــــــ
واما شخص يضغط على نقطه ضعفى بعد ما عرفها هديله بالجزمه
ـــــــــــــــــــــــــــــ
واما اتصدم فى ناس هسيبهم طبعا ولا القى لهم اى اهتمام
ــــــــــــــــــــــــــ
لما اصحابى ينسونى ومش يفتكرونى االا اما يحتااجوا حاجه هساعدهم مش مشكله
ـــــــــــــــــــــــــــ
لما اقرب الناس لقلبى يخدعنى ويكدب عليا يا اما هبعد عنه او اتعامل معاه بحذر ده طبعا بعد
ما اشيله من قلبى نهائى
ــــــــــــــــــــــــــــــ
ده اللى قدرت اجاوب عليه
بحبك اوى يا قمر والله ومتزعليش نفسك
دودو أنا هقولك أعمل ايه
هلجأ فورا للى خلقنى وخلق كل الناس اللى حولى
هلجأ لربى ورب الناس ورب الكون
هقول يارب
وربنا عالم بيا وبحالى وأكيد هينصفنى
ياريت تقولى يارب
قولى يارب وبس
سيبيها على الله وصدقينا هو بس اللى هيحميك
تحياتى
هعمل نفسي عبيط وأطنش عشان أعرف أعيش حياتي
يا خبر إيه كل دة
إنتى غمقتيها قوى قوى
السؤال : هتعمل إيه
الإجابة : هأنتحر طبعاً .....
لكن لازم نعيش رغم كل الصعوبات ونواجه نفسنا ونتحدى كل الناس عشان نكون أقوى
تحياتى
عاشقة الورد
يااااااااااااااااااااه
اعمل ايه ؟؟
هعمل ايه يعنى
هفوض امرى لله
كلامك وجعنى اوى
سلام يا سكرة
كالعادة جاية متاخرة و احبابك يتزاحمون ..اللهم لا حسد يا حبيبتى
و بخصوص السؤال ...
متعمليش حاجة خاااالص
وقفى كل حاجة و خدى نفس عميييييق
و خدى نفسك
و إعملى زى ما شيرين بتقول
لملمى حرجك و إحضنى نفسك و امشى بعيد
لحد ما يبقالك نفس ترجعى تانى تواجهى كل هذه الحماقات المفروضة عليكى و اللى هيا و يؤسفنى أقولهالك
الحماقات دى جزء أساسى لا يتجزأ من الحياة و مينفعشى نمسحه بضغطة زر و يبقى ديليت ...
الدنيا كل دا
للأسف
بس جنب دا ... فيه حاجات حلوة برضو
ربنا يكتبهالك كلها إن شاء الله
روقى كدا يا حبيبتى
دنا بقول جدعة و متماسكة و مفيش حاجة تهزها ...
هتطلعينى مبعرفش فى القلوب و لا إيه !!
بوسة و حضوناااااااااات كتير
مش هعمل حاجة هعيط بس وهفضل عيط علشان هتكون الدموع هى اللى باقية لى:((
انا حصلى وبيحصلى وهيحصلى حاجات كتير من الاقولتيها دى
علشان احنا عايشين فى دنيا ومع بشر
مش عايشن فى الجنه ومعانا ملايكة
يعنى بتقبل الحاجات دى طبعا بحزن وبضايق وبعمل كل حاجة بس فى الأخير بقول ربنا يسمحهم بقى هعمل ايه
واضح ان في صفتين مشتركين بينك وبين ابني الاولى انه طول النهار يطبق ايده على بعض ويقول لي اعمل ايه انا اعمل ايه ؟
والثانية ان اسمك دودو زي ابني بالضبط وزي ما بقول له حقولك : متعملش حاجة .
وبعيد عن الهزار كلام جميل كلنا بنقف في المواقف دي وما بيدنا حيله بياخدنا الموقف لنقابله بالدهشة ولو عرفتي تعملي ايه ابقي قولي لي
عاشقة حبيبتى
تصدقينى لو قلتلك إنى عايشة فى نفس الحالة ده من فترة وبقالى يومين مش قادرة اكلم مع حد حتى مش بدخل المدونة.
لحد ما فكرت اعمل بوست بنفس المعنى
دخلت النهاردة لقيتك عملاه
اظاهر ان اللى زينا يا عاشقة خلصوا من زمان وهنفضل نعانى كده لحد ما نلاقى حد يفهمنا وصدقينى الناس ده غيرنا مايعرفوش يعيشوا بس ده تمن الطيبة والمشكلة انهم مش قادرين يفهموا ان احنا طيبين ايوة لكن مش هبل وبنفهمهم كويس قوى ، وان احنا لما هنوصل للدرجة الخيرة منهم هنكون ناس لم يتوقعوهم يوما ما اتقى شر الحليم اذا غضب .
انا بكلم عنك وعنى ومعلش انى طولت بس بصراحة متضايقة وانت طلعتى اللى جوايا.
وحشانى قوى
تحياتى
شيمو القمر
MaNoOoSh
انا حاسه انى شبهه البنت اللى على البروفيل بتاعك ده يامنوشه
hasona
ربنا يجنبنا الاصعب
ويعينا على ده بس
Medus
احاول
محمد عتلم
تفتكر ان ده الحل يامحمد؟
طيب ما انا حاولت اعمل كده وماعرفتش
سوبيا
انا باعمل كده فعلا
لانى لو كنت بافكر باسلوبهم كانت حاجات كتير اتغيرت جوايا
بس الحمد لله على نعمه التسامح
دى نعمه من عند ربنا
حازم النبراوي
الحاجات دى كلها انا عارفاها ياحازم والله
بس مش قادره اعمل بيها للاسف
سوبيا
كل ما افتكرهم ارقام كبيره بيطلعوا اصفار على الشمال وحساباتى كلها بتتغير وتتلخبط
Tarkieb
قد ايه صعب اننا نعمل لاحاسيسنا ميزان
حتى المشاعر هنقيسها بالمسطره؟
ياه ده لو كدة يبقى عايزالك مية ميزان
***********************
شفت اديك انت قلتها اهو
عاشقة الأحزان
وقدرتى تنسى ياايناس؟
اسماء واحلام فى وجدانى
الحمد لله اننا مش منهم يااحمد
اسماء واحلام فى وجدانى
عودا احمدا
يااحمد
تشرفنى
ساره
هو ده عشمى فيكى ياتوأم الروح
ربنا ما يحرمنى من قلبك الطيب
عبد من عباد الله
وكفى بالله
ايمان
بس انتى قلتيها
ده لو قدرت ارجع طبيعيه
اسفه انى قلبت عليكى المواجع ياقمر
مصري جدا
ونعم بالله ياهانى
دعواتك
blue-wave
حاضر يادكتور
ضحكات الحياة
بس انا مش قادره اشوفها الا من وجه النظر دى
يمكن الوضع يتغير فيما بعد
MǿиY El-Shreef
والله يامونى ماليش غيره فعلا
ده اسمه العدل
مـجـنـووون
والضربه الي متموتنيش بتقويني
********************
ياما قلت الكلمه دى لاصحابى وانا بانصحهم
لكنها غابت عن زهنى ونسيت اقولها لنفسى
شيرين
انا موافقه على الحل الاول
لسهخ ما وصلتش للمرحله اللى الجأ فيها للحل التانى
وادى الابتسامه ياقمر
(:
marmar
باحاول اكون شرانيه شويه علشان اعرف اعيش بس مش عارفه
ABOALI
طمعان فى قربك منى
انت العزيز
والذليل على بابك
انت القوى
والضعيف على بابك
انت الغفور
والعاصى على بابك
انت الرحيم
والقاسى على بابك
ياااااااااارب
************************
يااااااااه ياابو على
قد ايه تعليقك اثر فيا وحسيته قوى
تسلم ايدك يارب
assafo anaroze
والله كل اللى انت قلته ده واكتر يا ايسافو
هو ده حلمى
وواضح انه هيفضل حلم ومش مكتوب له انه يتحقق
Bant El7ag Dracula
اهلا ببنت الحاج دراكولا عندنا
شفتى بقى انى مش ناقصه افلام رعب
shemo
ياااارب ياشيمو
ادعيلى انتى بس
كيــــــــــــارا
يارب ياكيكى
هو اعلم بحالى وباللى جوايا
king_somya
تسلميلى ياغاليه
انا عشت فى قصور خيال
عاليه قوى
كتييير
بس الواقع مسبنيش
اتهنى بيها
adel
واضح اننا هنفضل كده بنفس الهبل ده ياعادل
تعرف انت الوحيد اللى جاوبت على كله
ليه دايما الرومانسية مرتبطة بالحزن؟؟؟
هوا كده الحب بيوجع أوي ،، ودايما هتلاقي أحلي أغاني الرومانسية كلها حزن ودموع
حبيبتي دودو أقبلي صداقة واحدة رومانسية أوي زيك
الحمد لله ان لنا قلوب تعرف الرومانسية
ريمان
واما شخص يضغط على نقطه ضعفى بعد ما عرفها هديله بالجزمه
**********************
يخرب عقلك ياريمان والله ضحكتينى
الشاعر الحزين
يـــــــــــاااااااارب
يوسفيات..محمد يوسف
طيب ابقى علمنى ازاى اعمل عبيطه
صدى الصمت
يعنى ده رايك ياقمر
(:
جواب نهائى ؟
حنين القلب
ونعم بالله يحنونه
الف سلامه عليكى من الوجع
فاتيما
دنا بقول جدعة و متماسكة و مفيش حاجة تهزها ...
هتطلعينى مبعرفش فى القلوب و لا إيه !!
*********************
لو انتى ما تعرفيش مين هيعرف؟
ياطمطم
بس هى لحظه ضعف وراحت لحالها
انا دايما باعرف اتغلب على وجعى يافاتيما
كانت حاله وعدت خلاص
ايوشة
بير الدموع جف
مش قلت لك
لما ينزف قلبك لان عيونك رافضه الدموع علشان تبان اقوى من جرحك
أمبارح كان عمرى عشرين
واضح انها بقت حاله عامه
احلام جوليا
ولو عرفتي تعملي ايه ابقي قولي لي
********************
جبتك ياعبد المعين تعنى لقيتك ياعبد المعين حيران اكتر منى
شيماء جمال
حقيقه ياشيمو وقليل اللى بيفهمها
ولا يهمك ياحبيبتى فضفضى براحتك
mimi
تشرفنى صداقتك ياقمرى طبعا
اهلا بيكى دايما
نورتينى
الحمد لله يا دودو
بس تفتكرى هما مش حوالينا وعايشين
معانا وكمان مفروضين علينا
سنة الحياة علمتينى ان مفيش حد اتخلق
مالهوش لازمة لازم نتعامل مع كله
علشان نقدر نعيش
المشكلة بقى
احنا امتى هنتعلم
شكلنا هنقضيها كده
كل يوم بمبة طازة ناخدها من ااقرب
الناس لينا
تساؤلات كتيرة ..
كلها مؤلمة بجد ..
والسؤال عنها عمر ما يكون بالكلام ..
ولكن كلها كفيلة انها تخرج انسان محطم قلبه مليان آسى كل امنيته ان يخرج من الدنيا ..
بجد الاسئلة حسيت فيها بالاسى اوى والله ياعاشقة ..
لكن لازم نفضل متمسكين برحمة ربنا ..
وحشتينى بجد يابنت بلدى ..
انا جاوبت علي كله لكذا سبب :
الهبل ده عندي منه كتير
هههههههههه
و بعدين انا مش اي حد ....عشان كده دايما تعليقي مميز
ههههههههههههههه
السلام عليكم
هو كل دا اكيد موجود
بس الحمدلله انه مبيجيش كله مع بعضه
ساعتها الواحد بيلجا لربنا
اسماء واحلام فى وجدانى
بس انا عمرى ما عاملت حد بمعاملته يااحمد
الحمد لله
دى نعمه من ربنا
لجين أبو الدهب
غايبه فين كل ده يابنت المنطقه
وحشتينى
adel
الهبل مشترك ياعادل
اجمل ما فيك التواضع ياعادل
Abo 7anf
اكيد طبعا والا كان زمانى مت بالسكته القلبيه من زمااااااان
بسم الله ..
اول زياه واول تعليق ليا فى المدونه الجميله
نتمنى ان تتقبلوا زيارتنا المتواضعه .
----------
لو قرأت بوست زى ده وعجبك اوى .. هتعمل ايه ..؟؟
بجد البوست جميل جداااا
وبصراحه الواحد مش عارف هيعمل ايه .
يعنى ممكن اقول انى هعمل كذااا
لكن لو بقيت فى الموقف نفسه ممكن الكلام يتغير خاااالص ..
عموما ربنا يستر ..
دمتم فى امان وحفظ الرحمن ..؛؛
اخيكم ..؛؛
الامير
نورتنى بزيارتك طبعا
دايما الانسان مش بيعرف يتصرف لما يكون فى قلب الاحداث
اللى من بره بيكون نظرته اعم واشمل
اولا اهنيكى على مدونتك بجد جميلة جدا وجديده وشكلها حلو وياريت انا اعرف اعمل الشغل المعمول دا بس للأسف انا لست خبيرا فى هذه الأمور ثانيا اذا كان هذا ماكتبتيه فانا اتنبأ لكى باننا قد اكتسبنا شاعرة اغانى جديده بجد كلمات جميله واتمنى منك زيارة مدونتى فانا ايضا اهوى الشعر واكتبه واتمنى ان تكتبى لى تعليق عن ماكتبته من قصائد واتمنى التواصل فانت صاحبة فكر ومشاعر جميله
إرسال تعليق