حياتى زى قلبى خاليه من غير اوجاع
مرتاحه من همومى ناسيه كل اللى باع
مش هارجع اعيش حكايه واقول الحلم ضاع
مش هاجرح قلبى تانى واعيشه فى خداع
ونعيش الحب تانى واخرته الوداع
خلينى اعيش فى حالى بعيد عن الضياع
ابعد بلاش تقرب حبى مليان صراع
ده قرار وقلبى اخده ومفيش فيه ارتجاع
.jfif)
.jpg)
56 الرومانسيين اللى زى حالاتى:
حلو اوى يا دودو ان الانسان تكون حياته خاليه من الاوجاع
بس تفتكرى الحياة تحلى الا بعد ما نحس مرارتها
ازاى نحس بالحنية من غير ما نجرب القسوة
ازاى نحس بالامان من غير ما نعيش الخوف
دى سنة الحياة
عشان نبقى عايشين ونحس بطعم الحياة
لازم نفرح ونزعل
نضحك ونبكى
نحن ونقسى
نجرح ونداوى
ربنا يكتبلككل الفرح وكل الهنا وكل السعادة فى حياتك يا دودو
والف حمدا لله على سلامتك يا قمر
:)
ماانا حسيت بكل ده ياسالى
ومش ناويه احب تانى يابنتى
بلاش وجع قلب
السلام عليكم ورحمه الله وبركاته
شئ جميل البوست جميل جدا واسمه اجمل
وبعد أذنك عجبنى جدا عبارته
حياتى زى قلبى خاليه من غير اوجاع
مرتاحه من همومى ناسيه كل اللى باع
بجد أحساسك عالى جدا وشعورك جميل
بس رغم قسوة الحب لازم نحب
ولازم نجرب قسوة
لأن أجمل مافيه حنيته بعد قسوة
تقبلى مرورى
تقديرى وأحترامى,,
والله بجد كلام حلو
وانا وخده نفس الموقف
من كتر اللي بشوفه حوليا..بخاف اتجرح او اجرح
بجد حسه بكلامك اوي
مهو اللي مكتوب من القلب
بيوصل للقلب علطوووووووووول
تقبلي مروري وتحياتي
وصلتي كل حاجة وبانجاز
بجد ..جامدة
كما يقول الشاعر : حاجة حلوة خالص
(إمرؤ القييء
أحلى حاجة تكبير الدمااغ .. وإنك تحتوي الحب ..مش هو اللي يحتويكي
يابنتي من هنا لبكرة
الحب مش بايدك عشان تقولي هاحب او لا
انتي هتحبي
بس قرار تكملس او لا ساعتها جه بتاعك
بس محدش بيقول انا مش هاحب فمش هيحب
لو انتي كده علميني ... لاني في اقصي حالة تخليني محبش حد :)
محمد التركى
اهلا بيك يامحمد نورتنى
انا مش معترضه على كلامك بس انا جربت وحرمت
وعلشان كده قفلته بمزاجى
تحياتى السكندريه
sony2000
حلو اول حد يوافق ويحس ويقف فى صفى
مين معانا تانى ياجدعاااان؟؟؟
(:
بس انا عندى ملاحظه على كلامك
اللى بيسمع غير اللى يجرب
جربى وادى قلبك فرصته وبعدين تعالى اقعدى جنبى نعيط سوى
اتفقنا؟
وادينى بشرتك بالنهايه قبل ما تبدأى
هههههههه
شوريره انا مش كده؟
الله حلوة جدا يادودو
بجد والله تحفة احنا بقى هنعملك اللوز كل يوم علشان تكتبى كلام حلو كده
فكرتنى بوست قلب يعشق الهرب كنت عامله من فترة
هو احنا ليه صحيح بنهرب من الحب وكل ما يقرب منه نبعد
خايف من التجربة صح
المتبهـدلـون فـي الأرض
امرؤ القيئ؟؟
يعععع
وهو اللى قال حاجه حلوه خالص؟؟
ياماشاء الله
قالها امتى دى؟
انت مين بيعلمك عربى ياابنى
والله الست الوالده لها الجنه ومن حقها كل اللى بتعمله فيك
هههههههههههههه
نورتنى
(:
adel
ياابنى من هنا للسنه الجايه
انا مش هاحب تااانى
قولى ليه؟
اقولك ياسيدى
1- مبقاش فى حد بيعرف يحب ياعادل كله كلام فى الهوا
2- الحب نفسه اختلف عن زمان زى كل حاجه فى حياتنا
3- سمعت زمااااان ان الحب تضحيه بكل شئ فى سبيل اسعاد حبيبك دلوقتى الكل بيقول الجمله الشهيره نفسى ثم نفسى وطظ فى الاخرين
4- علشان احب لازم الاقى راجل يملا عيونى وقلبى والنوعيه دى انقرضت من زمان
والاسباب غير كده كتير جدا بس كفايا كده الليله دى
هى ليله طويله لوحدها مش ناقصه
احاسيس آيوشه
لا والنببببببببببى ياايوشه
كل يوم هاكتب لكم بوست رومانسى بس من غير لوز والنبى انا ما صدقت بدأت اخف
الحب مفيش عاقل يهرب منه ياايوشتى
احنا بنهرب من وجعه وعلشان كده بنرفض نبدأ الحكايه لاننا عارفين نهايتها
حمد الله على سلامتك ونورتى البلوجر والبلوجرات المجاوره
(:
بعد الشر عليكى ياقمر من اى عمليات تانى ربنا يبعدك عنها خالص يارب
بس الحب شئ جميل ومقدر ومكتوب ويوم ما يجى النصيب واللى مكتوب تكملى معاه الحياة هتعرفى اد ايه الحب شئ حلو جدا
ربنا يكرمك يارب ويسعد كل ايامك ياااااارب
حبك مليان صراع؟
هوا حب سياستك تبع المصارعة الحرة ولا اية؟
اتاري الشباب في اسكندرية بئوا عاهات
والسبب غير مجهول
بيئول لك هيفتحوا في كل مستشفى عنبر جديد اسمة عنبر دودو
صحيح الاوشاعة دي؟
ياريت يا دودو الحب كان اختيار
الحب ملناش يد فيه ومنقدرش كمان نستغنى عنه
ممكن بس نحاول نحسن الاختيار
نفكر شوية قبل ماناخد قرار
انما نعيش من غيره ..دي تبقى حاجة مرار
تحياتي على البوست الجميل
ازيك يا دودو
جميله الكلمات اوى
واكيد الجاى احسن من اللى راح
وان شاء الله تعيشى احلى تجربه وانتى فى بيتك مع شريك حياتك وتحبيه ويحبك بجد
تحياتى
ازيك يادودو ياقمر
حلوة اوى كلماتك
وبجد عرفتى توصلى اللى جواكى صح اوى
بس انا شايفه ان قلب الواحد مش بايده
يعنى لو انتى واخده قرار مش هاتحبي وقلبك قرر يحب هايحب
يارب تلاقي الرجل اللى فعلا يستاهل وتحبيه بعقلك وقلبك
وحشاااانى يا توتة جدا
برضه مش دي الاجابة ؟!!!!
هو الحب بالمزاج ؟؟؟
لو بالمزاجح و كل حد بيختار قوليلي طيب بتعمليها ازاي ؟؟؟
سيبك منك انت
انا اللي بقولك علمني ازاي احب بمزاجي ؟؟
يعني اشوف واحدة ااقول هاحبها و تحبني
بصي محدش بيختار هيحجب مين و هيحب امتي
ده شئ بتاع ربنا و بس
انت بس بتحددي هتكملي معاه او لا
وانا اهو و انت اهو .... و الوقت بيعدي هوووووووووا و هنشوف
جميلة ومكتوبة حلو قوي يا بنتي
افهم من كده انك مادة رجلك في المالح ومسترخية وبتأزأزي أم الخلول بالشطة والليمون ومكبرة ؟ :)
الورد دائما يصاحبه الشوك ....وكل شىء جميل فى حياتنا نجد انه قد يصاحبه بعض من المراره وكانها ضريبه لها ....ولكن الحياه تقوم على موازنه عندما تتغلب ايجابيات هذا الشىء على سلبياته فعلينا المحافظه عليه بكل ما نمتلك .
وكذلك الحب لا يخلو من الجانب الذى قد نرى من خلاله الاشواك ولكنه سيظل دائما وابدا حياه القلب وبسمته ...وهذا هو الحب الحقيقى الذى نشعران الدنيا تحلو به بكل ما فيه .والقلب لن ياخذ قراره ابدا بعدم الحب لانه بهذا قد اخذ قرار بموته وانتهاااااائه ....القرار السليم انه لن يكون ملك الا لمن يستحقه .....
جممميله كلماتك ومعبره
ووفقك الله الى كل خير ورزقك بما تستحقين وجعلكى من السعداء فى الدارين.
تفتكري انها دلوقت من غير اوجاع ؟؟
طب قولي الكلام دا مع حد تاني حد م حاسس دودو
لان الحياة من غير دقة القلب
حياة بارده مش فيها اي روح
ومش بايدك يادودو القرار
دا نصيب مكتوب ياحبيبتي منقدرش نغيره
والله اعلم بالمكتوب اية
الله يا دودو
بغض النظر عن اى حاجة
يعجبنى انا روح القوة اللى مالية مدونات نون النسوة الأيام دى
يا ريت يبعد لو البعد راحة ليكى
و يا ريت ميبعدش لو هيقدر حبك
و يحافظ عليكى
الوجع فى الحالتين موجود
بس انهى فيهم اللى نستحمله ؟؟
بوسات و حضوناااااااااااات قد كدا
و الغنوة تحت امرك يا قطتى
انغام لمن يعشقها
مقدرش اتكلم انا معاكى انتى بالذات
بصي يا دودو..
هو انا في الاول عاجبني قوي الشعار ده : احبك حتى ينتهى من الوجود وجودى.
وبعدين لما قريت البوست حبيت اعلق على الكلمة دي: مش هاجرح قلبى تانى واعيشه فى خداع..
محدش بيجرح قلبه بارادته يا دودو ولا بايده انه مش بنجرح تاني وتالت ورابع..هو ده الحب..وهي دي اوجاعه..!!
صحيح الحب مش بايدينا امتى هنحب ولامين هنــحب ولافين هنحب ولو دا حصل مكنش حد غلوب بجد بجد بجداستحاله انتى يادودو بتحاولى تقنعى نفسك انك جامده مع العلم بنت بعشره رجاله ... تقبلى تحياتى
بصى يا دودو صلى على النبى
الحياه مش مستاهله توجعى قلبك عليها
فعلا القسوه والظلم والخيانه والفراق والوداع كلها حاجه صعبه
بس لو جالك الحب الحقيقى اللى يستاهلك نصيحه مضيعهوش من ايدك
وربنا يوفقك يارب ويكرمك خير
حلوة اوي
بس القلب مش بيعرف ينسى بسهولة
كلماتك حلوة جدا
تسلم ايدك..
احاسيس آيوشه
والله اتمنى ان كل الكلام الجميل ده يتحقق
بس الظاهر انه هيفضل حلم
نكتب عنه ونتمناه لكن صعب يقرب مننا
مصري جدا
اه صحيحه
تحب احجز لك غرفه بسريرين؟
هههههههههههههههههه
Baskouta
ونحسن الاختيار ازاى بقى يابسكوته
انتى بتدى كل مشاعرك وماتعرفيش النهايه ايه
وبتطلع نهايه مايعلم بيها غير ربنا
يعنى بختك ياابو بخيت
الظاهر ان الجرح عارف طريق اصحابه يابسكوته
حنين
الظاهر انك قلتى الحل
ان الحب بيجى بعد الجواز
بس انيس منصور قال
من زواج بلا حب ينتج حب بلا زواج
اصدق مين فيييييييكم؟؟؟؟؟
reem
قلبى فى قبضه يدى
هههههههههه
اصلى مشيت وراه كتير
يسمع هو كلامى مره بقى
adel
دولا
انت يابابا تسكت خااااااالص
عقدتنى فى عيشتى يابتاع الحب انت
كفايا المناقشه الطويله العريضه على جواز سعادتك اللى خرجت منها زى ما دخلتها
خلبوص انت ومراااااوغ
تنفع فى شغل السوياسه ياواد
(:
اخبار البرد ايه؟
ستيته حسب الله الحمش
جميلة ومكتوبة حلو قوي يا بنتي
***********
اللـــــــه على جمال الكلمه
اول مره تقولى يابنتى
افهم من كده انك مادة رجلك في المالح ومسترخية وبتأزأزي أم الخلول بالشطة والليمون ومكبرة ؟ :)
*****************
اه اعتبرينى كده
(وش بيستعبط)
ABOALI
حلو كلامك وانا مقتنعه بيه والله
لكن انا اتوجعت من الحب كتير
ويمكن ده دليل ان قلبى لسه حى
انه بيتوجع وبيحس بالالم
تحياتى واحترامى لحضرتك
كيـــــارا
ده انتى اكتر حد عارف دودو وحاسس بيها ياكيكى
بزمتك مش ليا حق فى كل القرارات دى؟
حتى لو مش قدرت انفذها
يكفينى انى احاول
فعلا الله اعلم بالمكتوب ياكيارا
فاتيما نص قلبى الجميل
يعجبنى انا روح القوة اللى مالية مدونات نون النسوة الأيام دى
************************
طبعا انتى عرفتى الحقيقه وانصدمتى فيا
هههههههههههههه
يا ريت يبعد لو البعد راحة ليكى
و يا ريت ميبعدش لو هيقدر حبك
و يحافظ عليكى
********************
لو ركزى على كلمه (لو)
الوجع فى الحالتين موجود
بس انهى فيهم اللى نستحمله ؟؟
************************
واللى مش بقى عنده نفس ولا قادر يتحمل اى وجع يعمل ايه؟؟!!!!
بوسات و حضوناااااات قد كدا
*****************
دول بقى اهم من الدنيا عندى
يااجمل اخت فى الكون
Timo
محدش بيجرح قلبه بارادته يا دودو ولا بايده انه مش بنجرح تاني وتالت ورابع..هو ده الحب..وهي دي اوجاعه..!!
***************************
يبقى نستخدم سياسه الاستغناء
تعرفها؟؟؟؟؟
انا باحاول اطبقها
مرتضى المصرى
ازاى باحاول اقنع نفسى انى جامده وازاى انت عارف انى بنت بعشرة رجاله!!!
انا فعلا اقوى
اقوى بنفسى وبعقلى
ولو قلبى هيتعبنى هاعيش من غير قلب
صدقنى قادره اعملها
7annen
لو جالك الحب الحقيقى اللى يستاهلك نصيحه مضيعهوش من ايدك
******************
حاضر ياحنين
بس لمااااااا يجى
مجرد فتاة
حلوة اوي
بس القلب مش بيعرف ينسى بسهولة
********************
هاعلمه
اللى ما يعرفش يتعلم
ياريت تقدرى على قرارك دا لان بجد انك تحب شىء صعب اوى وانك تكمل شىء اصعب
نعيش كده من غير حب بلا حب بلاوجع قلب
وحشانى
يا سلام يا سلام يا دودو
ايه الجمال والكلام الرائع ده
بس ياريتها سهله اوى كده مش بالسهوله دى ابدا لو انتى بعدتى عن الاوجاع او الاحزان هى هتقرب لان الحياه ماتبقاش ليها طعم من غيرها
اعتذر عن تقصيرى فى حقك وعدم زيارتى الدائمه لكى
دمتى بكل الخير
كلمات بسيطة لكن معبرة جداً ولمست قلبى
أحييكِ عليها
sookra
مش فاهمه حاجه
يعنى انتى معايا ولا مع الناس التانيين؟؟؟؟؟؟؟
miroooo
لا الحياه طعمها احلى من غير ألم واوجاع
ولا يهمك ياقمر انا شخصيا مقصره فى حق الكل فمش هقدر الوم حد
(:
المدونه مدونتك وتنورينى فى اى وقت
صدى الصمت
اشكرك على رقتك وزوقك
(:
تحياتي علي تلك الكلمات
ويبقى التواصل
بصي ياستي
حلو القوة الي في كلماتك دي
بس ياترا قد فعلا تحقيقها
لأن الكلام شئ والفعل شئ تاني
تحياتي ليكي
حلو بجد بجد وشكلها طالعة من معاميق قلبك
ربنا يريحه كمان وكمان
ازيك
يارب تكوني بخير
عارفة مقصرة
بس كان في ظروف غريبة جدا
عكس بعض
هبقا احكي لك
سلامي
سلام عليكم
سعيد جداا بزيارتي لمدونتك الرقيقة جدااا
حلو انك تعيشي من غير اوجاع بس مش اي تجربة تخلينا نفشل ونقول وداع
بما ان في حب اكيد في تجارب تخلينا نتأمل الافضل
اتمنى نكون على تواصل ودمتي بخير
معتز شاهين
اهلا بحضرتك
نورتنى
Just waiting
حلو القوة الي في كلماتك دي
بس ياترا قد فعلا تحقيقها
لأن الكلام شئ والفعل شئ تاني
***************
ان شاء الله اقدر
الانسان ايه غير شويه محاولات
(:
أم .. بوبه
هى فعلا طالعه من اعمق معمايق قلبى
((:
نورتينى ياسكره
شمس النهار
ربنا يدبر لك امرك ويجعلك الخير دايما يارب
لانك تستحقى كل خير
Prince-Palestine
اهلا بيك فى اول زياره لمدونتى وان شاء الله مش هتكون الاخيره
(:
لما التجربه تكون قاسيه لازم نقول وداع او على اقل تقدير نحااااول نقولها
إرسال تعليق