7 مارس 2010

عيد ميلاد اخواتى







النهارده عيد ميلاد اخواتى حبايبى دولا وبسكوته
كل سنه وانتم طيبين زى ماانتم واشد طيابه كمان
قلوب دهب ..احساس عالى.. اخلاق وادب .. خفة دم فوق الوصف
عرفتى تربى يافاتيما(:
عادل انا باعتبرك اخويا فعلا يادولا وبحبك قوى وباتمنى لك السعاده دائما وابدا
يارب اشوفك نجم من نجوم السينما الكبار بس اوعى تتعوج علينا اكطعك
بسكوته انتى اسم على مسمى .. ايه يابنتى الرقه دى ؟؟!!
اللى زيك انقرضوا من زمااااااااان ولا انتى من الحفريات زى انا وشيما (سن واحد يعنى).
ربنا يحقق لك كل احلامك واشوفك عروسه جميله ومعاكى اولادك يارب
عادل البلد دى فيها حكومه

بسكوته هانم


تعالوا بقى نبدأ الحفله
تورتات كتير اعزموا كل اصحابكم وكل المدونين براحتكم خااااااااالص
ودى شيكولاته لعشاق الشيكولاته
ودى لعشاق الكريمه مش حرماكوا من حاجه اهو
ودى من ماما فاتيما .. شيك زيها (:

ودى من خالتو ستيته واخد بالك ياوديع؟؟ (;

ودى عربيه اتفسحوا بيها وبعدين كلوها

ودى الهدايا كلها مفاجئات

كل سنه وانتم اخواتى حبايبى

37 الرومانسيين اللى زى حالاتى:

Kiara يقول...

كووووووووووووووووووول سنة وهما طيبين

انا عاوزة العربية بقي دي منظرها مغري اووووووووووووووووووووووووويي

عيني فيها بئا هه بث

Kiara يقول...

هييييييييييييييييييييييييييه وانا اول تعليق كمان

Kiara يقول...

كوووووووووووووووووول سنة ونت طيب يادولا

عقبال اما اشوفك مخرج اد الدنيا

يامدمن السينما انت

Kiara يقول...

كووووووووووووووووول سنة وانتي طيبة يابسسكوتة وعقبال مليو سنة ويارب احلامك كلها تتحقق

Cute Kitty **sookra يقول...

دايما تسبقى كدا

طيب

كل سنه وهما طيبين

انا ياستى هنيت وباركت فى التليفون

عقبال يارب مااشوفهم بيصرخوا من العيال
تسلمى ياجميله

حنين يقول...

كل سنه وانتى واحبابك طيبين وبخير
حلوة اوى التورتات دى فتحتى نفسى
يادودو اروح اعيد عليهم بقى
سلام

حنين يقول...

انتى لغيتى الاشراف على التعليقات طيب انا كتبت وحذفت التعليق ابقى اكتب لك مره ثانيه تكونى رجعتى الاشراف

adel يقول...

دودو ياقمرايا
ميرسي قوي قوي ليكي :$:$
احرجتيني :)
ووصل التهنئة من التليفون و دلوقتي
ربنا يخليكي ياعروسة البحووور :)

ويارب بس ابقي ولما اتنطط ابقي ادبحيني ياستي :):)

بس هو لسه يوم7 :):)
بس يلا مش مشكلة

اللي هيقرب للعربية دي هاولع فيه :@:@:@
دي شوكولاتة ياجرعاااااااااااااان

Kiara يقول...

انت قاصد مين بئااااااااااااااا


عاوزة الشيكولاااااااااااااته هزحل منك

غير معرف يقول...

كل سنه وهما طيبين

ستيتة يقول...

كل سنة وانت طيب يا زعيم
والله يابني انا شايفة ان الكل بيحبك جدا وده ان دل على شيء يدل على حاجة من اتنين
يا إما انك فعلا انسان دهب في عصر الصفيح
وده هو السبب الحقيقي
يا اما علشان انت الحكومة وحب الحكومة واجب على كل مواطن صالح :)
وده السبب البلوجري



كل سنة وانتي طيبة يا احلى بسكوتة
صوتك يا بساكيتو لوحده يفرح
فيكي براءة بتطلع مع كل كلمة من بؤك النونو الجميل
يارب السنة الجاية تكوني حققتي اللي بتتمنيه واللي انا شخصيا بتمناه لك
يا اجمل فيري


دودو
اجمل شيء على البلوج هو اعياد الميلاد المبهرة الجميلة اللي بتعمليها
والعربية انا شريكة فيها يا دولا
اي خيانة انت عارف
المطوة لسه في نفس مكانها :)

حياة يقول...

كل سنة وهم طيبين
وربنا يسعدهم
انا مدونتي لسة جديدة
واتمنى تشرفيني فيها

adel يقول...

دكتورتنا و كبيرتنا
الشوكولاتة بالنص
و صدقيني محدش دهب في الايام دي :)
انا ممكن اكون دهب صيني او قشرة :)

ويمكن السبب التاني اهم :):)

وبلاش مطاتوي ياكبيرة خدي العربية كلها :):)

====================
كيارا واجب المثاثة اللي اتعمل غير فكرتي وليكي ثوكولاتة يلا
ظأطأطي :):)

ليس فقيرا من يحب يقول...

كل سنه وانت طيب يا عادل

كل سنه وانتى طيبه يابسكوته

ربنا يسعد ايامكم يارب

ومحدش يمد ايده على اى حاجه فيها شوكلاته

انا هاكلها كلها

اللى هيمد ايده عليها هاشرحه

انا نبهتكم اهه ههههههههههه

Kiara يقول...

هيييييييييييييييييييييه ليا ثكولاته ياجودعاااااااااااااااااان

sweet angel يقول...

كل سنة وانتي ومن تحبين بألف خير
وأهلا أهلا بمواليد برج الحوت
أنا كمان عيد ميلادي يوم ٧/٣

Baskouta يقول...

دودو حبيبتي
ازيك يا حبيبتي
ميرسي على كل الحاجات الجميلة دي
ميرسي على اتصالك وعلى الحفلة الجميلة دي
ميرسي على مشاركتك لينا عيد الميلاد
بجد الدنيا احلى بيكوا ...بكل الناس اللى قلوبها دهب
الدنيا احلى بحب كل اللى شارك وهنى واتصل ...بحب كل اللى علق
انا حقيقي عاوزة اقول ان عيد ميلادي وسط المدونين هو احلى عيد ميلاد اتعملي بلا اي مبالغة

ميرسي بجد لماما فاتيما
لعادل
لدكتور ستيتة
لبوبو وكينج توت
لمحمد صاحب عمود النور...بجد ميرسي على كل حاجة يا محمد على العزف وعلى الورد
لسكرة المسكرة
لريم رقيقة الرقيقات
لاصحاب عادل
لكل اللى كتب كومنت عندك
وليكي يا اجمل دودو
على الحفلة الجميلة دي
ربنا يديم عليكي القلب الجميل والاحساس الرقيق

كل عيد ميلاد واحنا كلنا بخير
تحياتي البسكوتية

من بسكوتاية عندها 27 سنة يعني خلاص بسكوتة منتهية الصلاحية ولا ايه هههههههههه

Baskouta يقول...

شوفتوا بقا
مش بقولكوا بسكتة منتهية الصلاحية
كنت هنسى اقول ميرسي
لعلا صيدلانية
ولحنان الشافعي
كلموني وفرحوا قلبي
بجد يا جماعة كل اللى اتصلوا بيا كنت حساهم معايا وبيحتفلوا بيا
خصوصا ريما رقيقة الرقيقات اللى ماسابيتناش خالص وكانت بتحتفل معانا خطوة بخطوة

وتاني هقولها
حبكوا ليا هو اجمل هدية في احلى عيد ميلاد...

عاشقة القمر يقول...

كل سنه هم بخير عقبال مليون شمعه ربنا يدوم المحبه بينكم

فاتيما يقول...

كل سنة و احنا حبايب يا عياااااال


عيد الميلاد كان تحفة الصراحة

امارس صلاحيتى كماما بقى ؟؟
طويب

مين دا يا واد يا عدولة
اللى دهب قشرة و لا صينى ؟؟؟

انتا دهب أبيض يا غالى على ماماتك
دنتا حتة من قلبى يا واد
متقعدش تخلينى اعاكسك بقى
والبلوجر كله يحكد
انا بخاف عليكو من العين


و بسكوتى يا حبيبتى
مين دى اللى بسكوتة
منتهية الصلاحية يا بنت ؟؟

دنتى ست البنوتات
و بسكوتة البسكوتات
و كل الحاجات الحلوات الصابحات
اللى مفيش زيها يا عيون ماما

انتى زى ما ستوتة قالت
فيكى كم براءة رهيبة
لا يتناسب مع المرحلة العمرية
بتاعتك و لا اسلوب حياتك
اللى كله مسئولية و شغل و دراسة
و افلام كتير كدا حاصلة
و واحدة تانية لو شالت نصها
كان زمان قاسم السماوى ملكة جمال جنب ملامح وشها

يا عيالى يا حبايبى
انتوا البراءة و الطيب مجسدة

براءة بسكوتة
و طيبة عادل
ربنا يخليكم ليا يا رب
و اشوفكم احسن الناس و اعلاهم
و انا ابقى متفشخرة كدا بيكواعلطول


عيد الميلاد الجاى
تكون امنياتى و دعواتى ليكم
اتحققت و بقيتوا احسن من كدا
كمان الف مرة
انتو تستاهلوا الخير كله


ميرسى يا كل من دخل هنا
على تعليقاتكم الجميلة


و ميرسى يا كل من اتصل امبارح عشان يهنى و يقول كلمة حلوة


و ميرسى لكل اللى حضروا و خلوا القعدة حلوة قوووووى بيهم


و ميرسى يا دودو على عيد الميلاد
التحفة بكل ملحقاته و شكولاتاته
اللى هتطلع المطاوى من جحورها
و هتخلينا نقطشع فى بعضيشنا
من الحب طبشعااااااا


على فكرة بقى
اجمل جملة سمعتهاامبارح كانت منك
يا دودو


لما قولتيلى
كل سنة و عيالك طيبيبن


بساكيتو كانت جنبى ف التاكسى
و احنا رايحين نشترى التورتة
و لما سمعتنى بقولك


عقبالك عيالك يا ختى

فهمت
وضحكت قوى



انا صوعب عليا
سواق التكسى الصراحة



متهيألى جاله كوساح فكرى


اصله لقى بسكوتة بتنادينى يا ماما
و بنتكلم عن اشخاص افتراضيين كدا
بأسامى غريبة
نظام عمود نور عاوز نشتريله كارت موبيل ... بوست مين معرفش ايه
التعليق الفلانى كان عامل ازاى
هندى بالونة لبيكا ابن بوبو
و مصطلحات تدوينية
من هذوها القبيل لحد ما الراجل قالك فى سره دول مجانين دول و لا إيه ؟؟
لما اقعد ساكت لحد ما ينزلوا
بحسنا بنتكلم بالسيم و اللوغاريتمات
اللى هيا اجمل حاجة فى حياتى بجد


كان يوم حلو قوى بجد
وعقبال السنة الجاية

هختم بنفس ما بدأت

كل سنة و إحنا حبايب يا عيااااااال

فاتيما يقول...

آه

حلوة التورت كلها

خصوصا العربية اللى عاملة ازمة دى

و بتاعتى طبعا عثان سكولاتة

و حلوة الغنوة قووووووووووووى

تسلم كل اختياراتك و بوستاتك و اعياد ميلادتك و كل حاجة منك يا عروسة بحورى انا

بحبك قوى يا بت انتى

adel يقول...

sweet angel
اهلا بيكي في اسطورة الرقم 7
انتي معاملة خاصة و ليمكي تورتة مدام طلعت 7-3 :):)

ليس فقيرا و عاشقة القمر
ميرسي قوي ليكم
وبرد بدل دودو رخامة بقي :):):)

baskouta
ميرسي دي ليكي انت و كبيرة من هنا لبعد بكرة وهاسيحلك بس استني :)

فاتيما : اجمل و احلي و اطيب ام في العالم
بحبك (اهون قدام الناس)
بس الباقي هاقولهولك بيني و بينك :)

فاتيما يقول...

adel
-----

يا غالى على ماما
قولنا هنتحسد يا واد مفيش فايدة برضو ؟!!

ربنا يخليك ليا يا رب انتا و بساكيتو حبيبتى و يوسف يا رب

دودو بتقولك البوست بوستك و المدونة مدونتك و رد ع المعازيم لحسن زورها واجعها قوى و خلصانة ع الآخر
قولتها و ماله عادولة يقوم بالليلة
كل سنة و انتوا طيبيبن يا عيااااااال

NeVeN يقول...

هييييييييه فى عيد ميلاد
يعنى بيبسى وتورتة وحاجات حلوة
طفسة انا:)
يارب تكون سنة سعيدة عليهم وتتحقق فيها كل الامنيات اللى متحققتش قبل كدة

كل سنة وانت طيب يا دولا
وكل سنة وانتى طيبة يا بسكوتة

sony2000 يقول...

الحمد لله شويه انبساااااااااااااااااط اهو فالبلوجات ياجمااااااعه
الحمد لله علي الاخبار الحلوه
كل سنه وانتو طيبين وعقبال العيد ميلاد المليوووووووووووووووون
وانا بقي نفسي فالتوته ام شيكولاته دي ليااااااااااااااا
ههههههه
ماشي؟؟؟؟؟؟؟؟

غير معرف يقول...

كل سنة وانت طيب يا دولا وعقبال سنين كتيرة
بس فين رمزى ههههههههههههه

بسكوووووووووووتة كل سنة وانتى طييييييييييييييييبة وبخير ومبسوطة ومتهنية داااااااااااايما يارب

هناء محمود يقول...

كل سنة وهما طيبين

شاطرين اوى فى عمايل الحفلات وماحدش بياخد حاجة معاه وهو ماشى

صيدلانيه طالعه نازله يقول...

كوووووووول سنه و هما طيبين
و بالصراحه التورتات مغريه جدا و مفيش واحده اقل من التانيه

صيدلانيه طالعه نازله يقول...

عادل يا جوز بنتى
كل سنه و انت جميل و لذيذ و كلك شقاوه و روشنه
انا ببقى مبسوطه قوى و انت معانا لان كلامك حلو و شيق و الولاد عندى بيموتوا فيك و بيحبوك جدا
ربنا يوفقك يا عادل و يحققلك كل امانيك يارب
متنساااش المثاثات و الحاجات اللى قلتلى عليها فى التليفون

كل سنه و انت معانا و حبيبنا

صيدلانيه طالعه نازله يقول...

بسكوته يا جميله

انا بقى رأيى انك بيتيفوره مش مبسكوته خالص
لانك ناعمه و رقيقه و كلك طيبه
اليوم االلى قضيناه مع بعض كان من احلى الايام و مش حانساه ابدا
ربنا يحققلك كل امنياتك يا توته و اشوفك عروسه قمرايه و كلنا حواليكى بنغنى و نسقف و ماسكين الشمع كمان

كل سنه و انت قمرايه منورانا

صيدلانيه طالعه نازله يقول...

تيما يا قمر

كل سنه و وولادك حلوين و ناجحين و دايما فخوره بيهم و فرحانه معاهم بنجاحهم فى حياتهم

بحبك يا تيما

فاتيما يقول...

و انتى طيبة يا لولاً

ايوه شغل الحموات هيبتدى و نتمحلس لبعضيشنا عشان العيال تتجوز
و نخلص منهم و نفضى مكان فى الشقة

يعجبنى انا الستات العاقلة دى
اهو كدا عروسة ابنى هتبقى طالعة لامها
عاقلة و كاملة

انا كمان بحبك يا لولا
و كل سنة و عيالى و عيالك طيبين يا حبيبتى

كيكى عوووووو يقول...

ياوحشة متمنطنيش لمة رجعنى عمتا حمد الله على السلامة
والف بعد الشر عليكى
وكل سنة وبسكوتة طيبة
والواد حلبسة عادل
وسمعنى سلااااااااام
الف سلامه الف سلامه للغاليين

ساره يقول...

كل سنه و عادل وبسكوته طيبين
الله يخليهم لكي يا فاتيما :)

دودو انت اجمل قلب عرفته يارب يسعدك :)

Baskouta يقول...

ميرسي يا جماعة لكل اللي دخل وقالنا كل سنة واحنا طيبين
وانتو طيبين وبخير يارب

ميرسي يا علا على كلامك السكر
والله انتى اللى رقيقة وناعمة وزي السكر
ميرسي يا حبيبتي على الامنيات الجميلة

بوسات وحضونات على راي مامتي
وتحية بسكوتية من قلبي

طوبه فضه وطوبه دهب يقول...

كل سنه وهم بالف خير وصحه وسعاده ياقمر وانتى يارب فى اتم حال

عاشقه الرومانسيه يقول...

معلش ياجماعه باعتذر عن عدم الرد على التعليقات لانى كنت تعبانه قوى
واسئلوا فاتيما
والله كنت باكتب البوست ده وانا فى قمة الالم وبابكى من الوجع
لكن صعب عليا ان مناسبه زى دى تعدى من غير ما اشارك عادل وبسكوته فرحتهم
لانى فعلا بحبهم قوى

شكرا يادولا انك رديت على بعض التعليقات ولو انىكان نفسى تتم جميلك للاخر ياابنى
(:

بسكوته ياقمره كل سنه وانتى طيبه ورقيقه زى ماانتى

كل الناس الجميله اللى علقت
الف شكر ليكم

كيكى عوووو
شكر على اهتمامك ياقمر ومن النهارده اعتبرينى رجعت فعلا
لانى بقيت احسن والحمد لله
باشكرك من كل قلبى


خالص تحياتى للجميع

Template by:

Free Blog Templates