هنا الاسكندريه

5 سبتمبر 2010

هنا الاسكندريه

مكتوبه باحساس عاشقه الرومانسيه في 10:24 م

هنا اسكندريه
هنا اسكندرية عجيبة الفنار
ومن بين عيونك قابلت النهار
و حبك فى قلبى مكنش اختيار
وليكى ف قلوب البشر صولجان
هنا اسكندريه
هنا اسكندرية المطر والدفا
هنا اسكندرية بحور الوفا
هواكى ولقاكى لقلبى شفا
دا قلبى اللى سحرك ملاه بالحنان
هنا اسكندريه
هنا الفرح ويا الدموع والأنين
بتشبك ما بينهم خطاوى السنين
وتروى فى شوارعك قلوب مشتاقين
يقابلوكى بكره فى نفس المكان
هنا اسكندريه
هنا اسكندرية المندره والعامود
هنا اسكندرية النضال الصمود
هنا شط بحرى وقهوة قاعود
هنا الصهبجيه و سهرة زمان
هنا اسكندريه
هنا اسكندرية الإمام البوصيرى
وخيرها عليا أنا ويا غيرى
يا بلدى اللى عايشه فى قلبى وضميرى
وفرحة شبابى وعمرى اللى كان
هنا اسكندريه
هنا اسكندريه … هنا باكوس
بساطه وألاطه وعزة نفوس
قلوب بالكرامه بتقدر تدوس
على من يحاول يهز الكيان
هنا اسكندرية
هنا المكس والهجس والدردشه
هنا الضحك واللعب والفرفشه
هنا العشق والأنس والدروشه
وجرس الكنيسه وصوت الأذان
هنا اسكندريه
هنا اسكندرية .. هنا الجدعنه
وناسها اللى عاشق خيالهم أنا
حضاره ومهاره وفن وغنا
وسيد وبيرم وغيرهم كمان
هنا اسكندريه
هنا اسكندريه بحور صيادين
وخضره وميه وعرق فلاحين
وناس ماشيه تبكى وناس مبسوطين
ودايبين فى حبك … وحبك جنان
هنا اسكندريه
هنا المنتزه ويا رشدى وجليم
هنا التلمذه جنب غنوة حليم
هنا القلعه حاضنه الفنار العظيم
مع المينا شرق اللى شاهد عيان
هنا اسكندريه
هنا اسكندرية حلاوة وداد
وشوق الصبيه ولهفة معاد
وشارع صفيه بيحضن فؤاد
ويحكيله كل التاريخ اللى كان

ازيكم يااجمل اصحاب واهل فى الكون كله وحشتونى موت كل سنه وانتم طيبين وعيد سعيد عليكم يارب
انا حبيت ابدأ كلامى بقصيده لفنان رائع بجد اكتشاف ليا اسمه محمد يوسف وده لينك القصيده الاصليه عنده لانى اختصرت فيها شويه
وده كان اولا
ثانيا والمهم انى النهارده جايه اعلن عن لقاء سكندرى جديد ويوم رائع من ايامنا الحلوه مع بعض
الميعاد 2 اكتوبر 2010 اه لسه شهر كامل بس علشان كل واحد يجهز نفسه من دلوقتى ويعمل حسابه
ان شاء الله اليوم مش هيقل روعه عن اللقاء اللى فات واللى حضروا هيفهموا قصدى اكيد وده وعد منى باذن الله
وعلشان التشويق هاقول اننا هنركبوا مراجيح زى المره اللى فاتت بس هنروح بدرى شويه علشان تلحقوا تعيشوا طفولتكم
وكمان هنروح متحف المجوهرات الملكيه واللى كتير مش يعرفوه وده بناء على طلب ام يوسف واحلام حضرتك اوامر يافندم
وهنتغدى فى بحرى ونحلى عند الشيخ وفيق يعنى عايزاكم تيجوا صايمين قبلها بشهر بمعنى ان رمضان مواصل معاكم لحد ما اشوفكم
ده غير ان عندنا مناسبه حلوه هنعلن عنها فى اللقاء ودى هتكون مفاجئه اليوم
طبعا بنات اسكندريه معايا فى التجهيزات وهاتصل بيهم نفرايه نفرايه مش محتاجين عزومه
وقبل الميعاد بشويه هنزل بوست بكل التفاصيل والمكان اللى هنتجمع فيه ورقم التليفون وكل حاجه
هتوحشونى لحد ما اشوفكم قووووووى

25 الرومانسيين اللى زى حالاتى:

لــــ زهــــــراء ــــولا يقول...: دودوووووووووووو

كل ثانيه واتى بخير بمناسبة قرب العيد

البوست تحفه والقصيده رائعه
ان شاء الله احاول اكون معاكم فى اليوم ده وربنا يسهل الحال ونشوف احلى واغلى ناس فى الدنيا

زهراء; الأحد, سبتمبر 05, 2010 11:13:00 م
فاتيما يقول...: انا معاكم ف الليلة دى
يا قطتىىىىىى

انتى عارفنى
اسكندرية نداهة بتخطفنى
و انا بحبكو يا عياااااااال
و كل اهل اسكندرية بموت فيهم
و اولهم انتواااااااا
و كل مرة احبابى هناك يزيدوا
و المرة دى هشوف روديناااااااا
حبيبة قلبى
ربنا يكتر الأفراح و يسعد ايامكو يا اهل اجمل بلد ف الدنيا

ايامكم حلوة يا عروسة البحور
عمرى ما روحتلكم
و رجعت زعلانة
او متضايقة
او حاجة وحشة حصلت بعدها
زى ما بيحصل ساعات

و عالله بقى البلوجر
اللى عينه تفلق الحجر دا
ميبصلناش ف اليوم دا
هه

ميرسى عشان هتفسحونا
و تدخلونى متحف المجوهرات دا
اصلى دايما اعدى جنبه
و عمر ما جت فرصة ادخله
يا رب محدش يتضايق م الأقتراح دا

لو حد عاوز يغير المكان
لحتة تانية معنديش اى مشكلة
المهم عاوزين فسحة ثقافية كدا
عشان انا عارفة ان اسكندرية مليانة كنوز و اماكن تحفة ..
و انا معاكم ف اى حتة

جدول الاعمال
مليان حاجات كتير
ان شاء الله نلحق نعمل كل حاجة

هنستنى التفاصيل بدقة
و نعمل تنويهات
و اظن شهر بحاله فرصة كويسة جدا

استنى
انا قولت بحبك من اول التعليق
و لا لسه مقولتش ؟!!

باينى مقولتش
أزاى دا يحصل ؟؟

طب انا بحبك يا عروسة البحور
بعدد موج البحر
اللى انتى عروسته

بوسيلى حنين و عمر
و رودينا و احضنيلى روحك
لحد ما آجى

♥; الأحد, سبتمبر 05, 2010 11:30:00 م
غير معرف يقول...: علمت بلأمر يا اختاااااة من قبل
وفرحت كثيرااااااااااا

أنا جاااااااااااااية
ان شاء الله
عشان اشوفكم كلكم

ومتدوريش كتير
انا جيت أهو لحد عندك يا قمراية
البوست جميل جدا
تسلم ايدك
متابع
دمتى بخير; الأحد, سبتمبر 05, 2010 11:34:00 م
غير معرف يقول...: يا مسهل الحال يا رب
هنشوف

أنما مع كل الأغراءات اللي انتي حاطها في البوست

الفرصه قويه جدا أننا نيجي

زي بالظبط كدا فرصة البرادعي انه ينجح في انتخابات رئاسة الجمهوريه

وش عفاريتي بيفكر في مئلب من ماركة بيطلع من نافوخكوا; الاثنين, سبتمبر 06, 2010 2:50:00 ص
مي يقول...: والله لسة كنت فى سيرتك بما انى نادلة واعترررررررررررررف يادودوو ايوة كده رجعى نورتى حرام عليكى
وحشاااااااااااااااااااااانى ومادام العسل كله جاى طمطم هاااااااااااااجى جرى
وحشتونى اوى ومارررررررو وكمان واعذرونى على ندالنى دهاا لعادى بتاعى; الاثنين, سبتمبر 06, 2010 7:04:00 ص
شاب فقرى يقول...: قادمووووووووووووووووون
قااااااااادمون
:)
ربنا يخليكى عالدعوة للقاء الجميل دا :)
ومازلنا قادمون
شاب فقرى; الاثنين, سبتمبر 06, 2010 7:52:00 ص
richardCatheart يقول...: حلاوتك يا اسكندرانى يا جااااااااااااامد; الاثنين, سبتمبر 06, 2010 7:05:00 م
ستيتة يقول...: اشتقت للصفحة دي قوي وهي بتفتح معايا
قوي
كل سنة وانتي طيبة يا دودو
كل سنة وانتي طيبة; الاثنين, سبتمبر 06, 2010 10:07:00 م
Kiara يقول...: وحشااااااااني يابت ياشقية انتي وعندي ليكي حاجه هتفرحي بيها اوي عشان هي تخص بابكي

ونفسي بجد بجد اجي اسكندريه هحاول مع بابا وياااااااااااارب يوافق انا بقيت يائسة من الموضوع دا :((

كل سنة وانتي طيبة ياحبي

ب
ح
ب
ك; الاثنين, سبتمبر 06, 2010 10:21:00 م
شمس النهار يقول...: امبسطت انك رجعتي مدونتك تاني
ياريت ماتغبيش تاني

الناس كلها غايبه والواحد حاس في البلوجر بالغربه

فين ناس زمان
مين طفشهم

ان شاء الله لو كله تمام هاجي

كل سنه وانتي طيبه

تحياتي; الاثنين, سبتمبر 06, 2010 11:01:00 م
همسات وبحــ الحياه ــر يقول...: غظينى غظينى ياختى هههههه; الاثنين, سبتمبر 06, 2010 11:12:00 م
جوجو يقول...: السلام عليكم
ياااااة فينك من زمان
عاملة ايه يارب تكونى بخير
كل سنة وانتى طيبة
تحياتى; الثلاثاء, سبتمبر 07, 2010 4:38:00 م
محمد التركى يقول...: كل سنه وانتى طيبه يادود
وحمدله على سلامتك فينك
والله انا عارف الدنيا تلاهى انا كمان بقالى مده بعيد عن النت والتدوين وعن احلى ناس فى الدنيا
بس غصب عنى
بالنسبه بقى للقاء التدوينى ده ياترى الدعوه عامله ولا ايه
ولا الدعوه متحدد بناس معينه
على العموم انا كده كده اسكندرانى
لو الدعوه عامه اكيد مش هضيع اللقاء الجميل ده
ياريت تردى عليا

كل سنه وانتى طيبه

تحياتى لقلبك الطيب
محمد التركى; الثلاثاء, سبتمبر 07, 2010 11:41:00 م
صوت من مصر يقول...: انا رايح رايح
ده لو معايا فلوس
هههههههههههههه
اللى عاوز حاجه من القاهرة يكلمنى
ممكن اجيبله زحمة معايا; الأربعاء, سبتمبر 08, 2010 2:58:00 ص
عمرو يسرى يقول...: كل سنه وانتى طيبه
عيد سعيد
بوست جميل; الأربعاء, سبتمبر 08, 2010 1:25:00 م
همسات وبحــ الحياه ــر يقول...: كل سنة وانت طيبة ياقطتى; الأربعاء, سبتمبر 08, 2010 3:48:00 م
رحيق يقول...: وانا كمان معاكم; الأربعاء, سبتمبر 08, 2010 7:41:00 م
الــحــــنـــــــــــــــــــين يقول...: انا اول مره ازور المدونة وجميله جدا بجد واجمل بلاد الدنيا اسكندرية اتمنى تشرفينى بالزياره تقبلى مرورى; الخميس, سبتمبر 09, 2010 3:34:00 ص
hasona يقول...: كل عام وأنتم من عواده
وكل سنة وانت بخير
وأسعدكم الله في عيد الفطر; الخميس, سبتمبر 09, 2010 11:21:00 ص
اسماء واحلام فى وجدانى يقول...: ازيك يا دودو
كل سنة وانتى طيبة وبخير دايما يارب; الخميس, سبتمبر 09, 2010 7:29:00 م
فكرة من الزمن ده يقول...: كل سنة وانت طيبة وعيد سعيد عليكي ياقمر; الخميس, سبتمبر 09, 2010 11:40:00 م
اسماء واحلام فى وجدانى يقول...: ربنا يسهل الحال يا دودو واقدر اجىء بجد لانه اكيد هيبقى يوم جميل اوى
كل سنة وانتى طيبة; الجمعة, سبتمبر 10, 2010 2:37:00 ص
طوبه فضه وطوبه دهب يقول...: كل سنه وانتى بالف خير وصحه وسعاده يا دودو ياقمر; الجمعة, سبتمبر 10, 2010 4:14:00 ص
وردشان smilyrose يقول...: كل سنة وانتى طيبة والنونو ابن اخوكى

بخير وكل اللى عندك وربنا يكرمك يارب

ويحقق ليكى كل احلامك وعيد سعيد يارب

عليكم كلكم يا اهل اسكندرية; الجمعة, سبتمبر 10, 2010 2:10:00 م
mostafa rayan يقول...: كل سنة وانتي طيبة وبخير
وان شاء الله احاول اكون معاكو ونرجع الوقت الجميل تانى
لك كل التحية والود يا دودو يا جميلة; الثلاثاء, سبتمبر 21, 2010 5:31:00 م