غمست قلمى الحبر فى دوايه
وحاولت ارسم جرح جوايا
يمكن الاقى حرف يشفينى
أو ألاقى وصف لجرحى ودوايا
حاولت اكتب خوفى من بكره
حاولت انسى مع القلم ذكرى
كانت بتقتل فيا احلامى
كانت بتهزم فرحى قدامى
لكن خنتنى الكلمه وحروفى
مش باقى غير الدمع ف كفوفى
فرسمت مركب من فوقيها شراع
ورسمت نور الصبح جاى بشعاع
شعاع امل وزقزقه عصافير
وسبت احلامى معاها تطير
يمكن فى نور الصبح تتحقق
والاقى فرحى والزمان يصدْق
6 الرومانسيين اللى زى حالاتى:
طالما مش قلم رصاص!!!
يبقى حلو البوست ومناسب لحالاتي المزاجية جدا
بوسة طايرة شمالا لدودو
البوست حلو اوي بجد
تسلم ايدك يا جميل
تحياتي
جميله يا دود ...احساسك رائع
تسلم الايادى
روعة روعة روعة يا دودو
ممكن الكلمات وده هيكون التعاون رقم اتنين اذا كان ممكن (:
لولا
رائعة جدا كلماتك يا دودو
اعتذر عن تقصيرى فى حق مدونتك الرائعة
تقبلى اعتذارى وتحياتى
حلوة اوووووووي والكلام متلحن من نفسه ...بس هو حد لسه بيستخدم قلم حبر؟ احسنتي
إرسال تعليق