راجع لي تانى ليه؟
عايز من قلبى ايه؟
هواك ماضاع خلاص
وانت اللى جنيت عليه
ياما قلت لى شاريكى
بعمرى كله افديكى
ادينى فرصه تانيه
قلبى يكون ملك ليكى
اديت فرص كتير
قلبى كان لك اسير
نسيته وسيبته ليه
صحيح كداب كبير
ده كان ما بين رموشى احلامك كلها
وانت اللى بكل قسوه رمتها وسبتها
من تانى هارجع اقول
راجع من تانى ليه لذكرى بعتها ؟؟؟
انسى خلاص مفيش ف قلبى لك مكان
قلبى مقدرش ينسى الجرح بتاع زمان
كلمه وعقلى قالها فى حكايتك كلها
مش هرجع اعيش حكايه بايديك ضيعتها
ده قرار لوحدى هاخده مش مستنيه ردك
قلبى اقدر اعانده واختار هجرك وبُعدك
ولو كسرنى قلبى وحن فى يوم اليك
هدوس عليه بقسوه علشان ما ينسى ودك
.jfif)
.jpg)
39 الرومانسيين اللى زى حالاتى:
طبعا انا بحب كلامك الرومانسي وبحس ان انغام بتغني في وداني
طب بس ليا رجاء وحياة الغاليين يا شيخة
لو قلبها الموسكين حن حبة نونو كده من قبيل انه كله مشاعير
متبقاش تدوس عليه
لا بقسوة ولا بحنية
بلاش تدوس خالص
ده حتى القلب حته الدهب اللي جوانا
يعني هو عيبه انه بيحس؟ ومش منحس؟
ممكن تبقى تطبطب عليه وتقول له اسكت ياض
بقول لك اسكت او حن بالشويش
اسكت ياض متخويتنيش :)
ماهو لو كنتي سمعتي كلامي وخلتيكي في البلياتشو مكنتش انا رديت كده
اللى بيحب عمره ما ينسى
بس مش عارفة اذا كان ممكن يكون الجرح قوى للدرجة دى
ان الواحد يتخلى عن حبه كده ويعمل كل حاجة عشان الحب ده ميرجعش تانى
الحب تسامح وحاجات كتيرة كده جوه بعضها
ازيك يادودو
عندك حق مرات اللى انكسر صعب يتصلح
وصعب نرجع نحس باللى جرحنا زى الاول
في جروح صعب تتنسي بس بردو احيانا بنكون احنا مكبرين الموضوع ومع الوقت بنرجع شويه بشويه
المهم نعرف ايه اللى ممكن نسامح فيه وايه اللى مش لازم نتهاون ونسامح فيه
ليه الحزن ده
وليه الهجر والبعد ده
بس نصيخة من اخ لك أخت الكريمة
لا تجعلي هذه الاحزان تسيطر علي حياتك
ان كانت صعبة عليك اعادتها كما كانت
وكنت رافضة اعادتها من الاساس
فانسيها تماما
ولا تفكرين فيها أبدا
حتي لا تكون سببا في هدم الحياة
أعانك الله
وتقبلي مروري المتواضع
أخوكي
نور الدرب
مدونتي
قلم حر
www.freeqalaam.blogspot.com
أتمني الزيارة
وانا عماله اقرا افتكرت اغنيه انكسر جوانا شئ ضاعت بعده المشاعر,
لقيتك بتقولى كده فى الكومنت بتاعك.
ازيك يا دودو
البوست جامد جدا وعميق اوي
لمسني وحسيته
تسلم ايديكي
وعارفة على اد ما الحب بيكون قوي على اد ما كسرته بتكون عميقة
ولما نحب نصلحها نلاقيها اصعب من اي كسر تاني
يسلم قلبك من اي كسر
وحشتيني يا قمر
تحياتي البسكوتية الصباحية
إنكسر جوانا شىء
و إنطفت بعده المشاعر
توهنا و نسينا الطريق
و ابتدى الإحساس يسافر
واخد الاحلام معاه
انكسر جوانا شىء
معرفش ليه افتكرت الغنوة دى بعد ما قريت كلامك و تعليقك
يا ريت يكون فاهم و مقدر
و يبعد أحسن
عشان متقوليش حاجات مش عاوزة تقوليها و تتعبك و تتعبه هوه كمان
على جنب كدا
بحبك
الكلام جميل جدا يا دودو ومعبر قوي عن احساسك
وصلني نفس الاحساس اللى في التعليق
أحيانا لما تنكسر حاجة جوة قلوبنا بيبقى صعب الرجوع
ربنا يكتبلك كل خير يا قمر
اديت فرص كتير
قلبى كان لك اسير
نسيته وسيبته ليه
صحيح كداب كبير
الواحد مش بيحس بقيمه الشخص اللى قدامه الا لما يضيع من ايديه
ساعتها يرجع ندمان بس خلاص بيبقى فات الاوان
تحياتى
الحب والاخلاص لا نعطيه الا لمن يستحقه
ومواقف الحياه هى التى تعرفنا اذا كان من امامنا يستحق هذا الحب ام لا
احييكى على التحدى الذى وجدته بين كلماتك واتمنى لك التوفيق فى حياتك.
الله عليكى عجبتنى جدااااااااا
تصورى فعلا القلب لما بيتخدش بس مش بيتكسر بنبقى متغيرين مش بنرجع زى الاولى بنكون قاسيين اوى ومش بايدينا لاننا بندى اوى فمش بنعرف نسامح بنكون خلصنا صبرنا فى الحب
جاى بعد ايه بعد مالقلب قسى على صاحب القلب فمابالك على حبيب لم يستاهل هذا القلب
تحياتى يا اجمل دودو
فعلا اللى بيتكسر مش بيرجع زى الاول فى يوم وليله
بس اللى بيحب بجد بيسامح
لو شايف انه لسه بيحب وبجد وان حبيبه يستاهل بيسامح وبيغفر
ربنا بيغفر احنا يابشر مش هنغفر ونسامح
لو لسه فى حب فى قلبك هتقدرى تسامحى ومع الوقت ترجعى
ربنا معاكى ويقدملك الخير
استخيرى ربنا واقرى سورة يس وربنا معاكى
يعنى خلاص الحب ده كله ضاع يعنى خلاص قلبك سبنى وباع كل سنيين الحب ناسيها حتى الزكرى قدرت عليها وعارف عارف تنسانى
كلامتك فكرتنى بالاغنيه دى اوى
عمر اللي انكسر ما يتصلح
لازم يضل هناك شرخ حتى لو تعمله ترميم
تعالي في حضن ماما يا دودو
واحشتيني يا قمر اسكندريه
ازيك يا دودو
كلماتك حلوة اوى ومعبره
والقوة بتيجى من شده القسوه
اللى صعب انها تتنسى
ربنا يوفقك
ستيته حسب الله الحمش
لو عرفتى الموضوع رأيك هيتغير 180 درجه
انا كمان نفسى اتكلم عن البلياتشو بس خايفه اكتب عن حقيقته ولانى حزينه هكتب عن حزن البلياتشو وازاى بيضحك الناس وهو حزين
شفتى؟ حتى الضحك هاحوله لكآبه
star in the sky
لو الحب ده هيكون سبب فى الوجع يبقى نختار بايدينا اننا نبعد عنه اهون
reem
ولو جربتى مره واتنين ونفس الوجع فى كل مره هتبقى انتى برضه اللى مكبره الموضوع؟
نور الدرب
اهلا بيك
نورت مدونتى فى اول زياره
وان شاء الله اعمل بنصيحتك
وهازور مدونتك قريب جدا
الشعب لابد له من حكومه تشكمه
دورت على الاغنيه وسمعتها بتاعه على الحجار صح كده؟
وسبحان الله انتى وفاتيما نفس التعليق تقريبا
Baskouta
مبسوطه ان البوست عجبك
يسلم لى قلبك واحساسك ياجميل
فاتيما
هو فاهم ومقدر بس مصمم
بعدين احكى لك
والغنوه حلوه وعجبتنى فعلا
MaNoOoSh
وده اللى انا عايزاه ان الاحساس يوصل لك
اشكرك ياقمر
البيحب بجد مش هيقدر ينسى وهيرجع يحن تاني حتى وان قاوم فترة برده الحب هيرجع تاني الى اذا كان الجرح كبير اوي ومش ممكن يغقر
Pink Dreams
الواحد مش بيحس بقيمه الشخص اللى قدامه الا لما يضيع من ايديه
ساعتها يرجع ندمان بس خلاص بيبقى فات الاوان
*********************
عندك حق طبعا
SHAPE YOUR LIFE (ABOALI)
اشكرك على احساسك وذوقك
مي
وانا استنفذت كل صبرى فى الحب ده
وحشتينى يابنوته
7annen
دى حاجه تحددها الايام
اما انا فقرارى اخدته خلاص
مش تنسينى من دعواتك بقى
مستخلص افندى
بتاعه مين الاغنيه دى؟؟؟؟؟
ساره
وانا مش حاسه غير بالشرخ ده ياساره
انتى كمان وحشتينى قوى
حنين
اشكرك ياجميل
نورتينى
كلام من قلبي
ماانا قلت ان ده شئ يحدده الزمن واللى جاى
ياااااااااااااااااه
بجد بجد بجد
كلمات جااامده جداااااااا
كاني عشتها
اساسا انا عايشاها
ههههههههههه
بجد احساس رائع جدا وقوي جدا جدا
سلمت اناملك
مش عارفه اوصف قد ايه الكلام جامد وعشتو
تحيـــاتي
كلام جميل بس اختيارك للصورة مش متفق مع كلامك...كلامك كلام واحد قوي وفهم الحكاية اما الصورة فلشخص ضعبف اقصى حاجة يعملها الهروب والانتحار...
ده قرار لوحدى هاخده مش مستنيه ردك
قلبى اقدر اعانده واختار هجرك وبُعدك
ولو كسرنى قلبى وحن فى يوم اليك
هدوس عليه بقسوه علشان ما ينسى ودك
مفيش رد تانى على كل اللى حصل منه غير الرد اللى انتى قولتيه
اللى بيتعود على انه يغلط صعب قوى انه يندم و انه يتوب عن الغلط
و على راى اليسا
لازم اللى يغلط غلطه يتحاسب عليها
اصل اللى يتهاون فى جرح كرامته مره
يستاهل انه ينجرح ميه مره فيها
ايمان روحي
مبسوطه طبعا انى قدرت اعبر عن شئ جواكى
نورتينى ياايمان
Tarkieb
انا زى غيرى
فيا كتير من المتناقدات وانت مش تعرفها لان دى اول زياره لمدونتى
بس انا عارفه ومتأكده ان رايك صح جداااااااااا
بس يمكن الصوره بتعبر عن حاله تانيه انا برضه عيشاها
عموما لرايك مني كااامل الاحترام
صيدلانيه طالعه نازله
عجبنى رايك وربطك بين الكلام والاغنيه
تسلمى لى ياقمرى
كلمات قاسيه جدا
واحساس صعب بس قى الاخر
كل شيىء نصيب وقدر واحنا بنفذ
اقدارنا حتى لو اتعذبنا
هو يمكن قرار صعب وعايز قوة بس وجع
ساعه ولا كل ساعه
ربنا يسعد قلبك يا قمر
إرسال تعليق