ايام وبتعدى

3 فبراير 2010

ايام وبتعدى

مكتوبه باحساس عاشقه الرومانسيه في 3:49 م

لو دمعى على خدى

لو فرحى باس وردى

ايام وبتعدى

لو عشتها بالناس

لو عشتها وحدى

ايام وبتعدى

قابلتنى بالبسمه

قابلتنى بتحدى

ايام وبتعدى

30 الرومانسيين اللى زى حالاتى:

احساس طفلة محبة للرومانسية بس واقعية يقول...: تسلمى بحب اوى خواطرك اللى بتطلع بتلقائية من القلب وبحسها لمساكى اوى
المهم متكونش بتعبر عن حزن

ايام وبتعدى واحنا اللى بنعملها صح غلط فرح حزن احنا بشر يا دودو ومادام عرفنا انها بتعدى يبقى قطعنا نص الطريق
للسعادة

دمتى بكل خير
تقبلى مرورى; الأربعاء, فبراير 03, 2010 4:21:00 م
غير معرف يقول...: ايام وبنعشها; الأربعاء, فبراير 03, 2010 4:25:00 م
حنين القلب يقول...: فعلا كلها ايام وبتعدى
بس برضه لازم افكر عدت عليه ازاى
بفرحه او بدمعه
لازم استفيد من كل لحظه فيها
والا
يبقى لازمتها ايه الايام والعمر كله

يا حلاوتك يا دودو
فين الترباق ؟؟; الأربعاء, فبراير 03, 2010 4:29:00 م
خواطر شابة يقول...: معاك حق ايام وبتعدي بخيرها وبشرها بتعدي ياريت بس نعرف ده ونفهمه; الأربعاء, فبراير 03, 2010 5:11:00 م
القدر و انا يقول...: دودو
صحيح ايام وبتعدى
لكن محسوبة علينا ومن عمرنا
فلازم نحاول نفرح على قد ما نقدر بالطيب
وننسى باسرع ما يمكن السيئ
لان كل ثانية محسوبة من عمرنا
ومش حترجع تانى
ويارب فرح ايامك يا اأطيب بنوتة قابلتها; الأربعاء, فبراير 03, 2010 5:28:00 م
adel يقول...: طب ولا حلو ولا وحش
فين بوست الرسايل و انا محلتش الشفرة :@:@
ابعتيلي الشفرة بقي :)
والرسايل; الأربعاء, فبراير 03, 2010 5:32:00 م
Pink Dreams يقول...: لو عشتها بالناس

لو عشتها وحدى

ايام وبتعدى

فعلا كلها ايام وبتعدى بحلوها بمرها
اهو كلوا بيعدى

بوست جميل قوى يا دودو; الأربعاء, فبراير 03, 2010 6:35:00 م
hend mossallam يقول...: حلوه اوي ...و سواء حلوه او وحشه بتعدي فليه نخليها وحشه :] :]; الأربعاء, فبراير 03, 2010 7:09:00 م
غير معرف يقول...: ان شاء الله

ايام وهتعدى فى فرح وسعاده وخير يارب; الأربعاء, فبراير 03, 2010 8:39:00 م
akeedba7ebha يقول...: ماشاء الله كملت بسيطه وفعلا معبره; الأربعاء, فبراير 03, 2010 8:42:00 م
ليس فقيرا من يحب يقول...: ايه الجمال ده يا دودو

جميله جدا جدا جدا

يارب يجعل ايامك كلها سعاده

يارب; الأربعاء, فبراير 03, 2010 11:07:00 م
هناء محمود يقول...: خاطرة رقيقة وجميلة بجد عجبتنى أوى

وهى فعلا أيام وبتعدى .. ربنا يعديها على خير والأهم منها الخاتمة

اللهم أحسن خاتمتنا ولا تجعل مصيبتنا فى ديننا; الأربعاء, فبراير 03, 2010 11:41:00 م
شمس النهار يقول...: ماهي هتعدي هتعدي

الايام مابتقفش لالحزن حد ولا لجرح حد

بتعدي وبتاخد معاها
حاجات كتير مابترجعش

يبقا نعيشها صح
زي مااراد ربنا

تسلم ايدك

سلامي; الخميس, فبراير 04, 2010 1:28:00 ص
ستيتة يقول...: أي نعم هي حزينة كده وكلها مود
وانا طالبة معايا الفراولة بتاع الفراولة
بس تجنن
وبعدين يعني ايه بتعدي
لأ بنعيشها قبل ما تعدي
ولما نعيشها ها نطلع لها لسانا ونقول مقدرتيش علينا يا دنيا
احنا العيال البيجي بيجي اللي بتروح وتيجي :); الخميس, فبراير 04, 2010 1:57:00 ص
حاجات جوايا يقول...: فعلا يا دودو ايام وبتعدى
المهم تعدى بخير
او تعدى زى ما تعدى وتختم بالخير يارب; الخميس, فبراير 04, 2010 3:11:00 ص
shoshta_ joker يقول...: السلام عليكم.....
دودى ازيك ياقمر
ايام وبتعدى بس مش بترجع تانى وعمر واحد وبيخلص وبيعدى بس حنتحاسب عليه للاسف

لكن الكلمات حلوة اوى
كعادتك لكى احساس بين الحروف والسطور
دومتى بخير
فى رعاية الله .
shemo; الخميس, فبراير 04, 2010 8:57:00 ص
هيثــم رمضـــان يقول...: كلام قليل بس قال كتير , صحيح كله بيعدي
الفرح بيعدي والحزن بيعدي
يا دنيا بتحرمي وتدي
ساعات تاخدي بيدي
وساعات تهدي
لكن المهم ..كله بيعدي
حتي إبن أدم..
يادوب ع الدنيا بيعدي

تحياتي; الخميس, فبراير 04, 2010 9:27:00 ص
فاتيما يقول...: و بعدين معاكى يا عروسة بحورى ؟؟

يا بنتى روقى
و خليها على الله

اسمعى كلام ست السوتيتات
ستيتة الجميلة
و كمان كلام شمس نهارى
اللى هيا الرقى ذاته
و شوفى عاوزين يقولولك ايه
و انا معاهم أتضامن و بشدة

الأيام مش هيفرق معاها مبسوطين
و لا متنكدين
هتعدى و ميهمهاش مننا
و لا نفرق معاها

قوم لما تبقى كدا
نعمل احنا زى ستيتة ما بتقول
و محمد فوزى
(خطيبى يا بنتى ..لامؤخذاة يا عدولة دا متكلم عليا بس و مفيش خطوفة غير لما انت توافق يا بابا) المهم فوزى معلقة معايا غنوته اللى بتقولك ايه ؟؟

اللى يهواك اهواه
و اللى ينساك انساه ..
يا قلبى

قوم لما الأيام تنسانا
نعمل احنا كمان اننا بننساها
و كأننا مش واخدين بالنا
لحد ما تيجى معانا
و تهوانا
و ساعتها نعيشها لحد آخر نفس

سيبك من كل حاجة تزعل
انتى بتعملى اللى عليكى
و نيتك خير و كفى
و لو حصل وغلطتى زى كل الناس
بتلحقى روحك و تراجعيها ...
و اظن دا مش قليل
نعمة المراجعة دى
مش عند ناس كتير
الحمدلله انها
عندك دون كبر
دى نعمة لوحدها يا بنتى
تهونلك الصعب مهما كان
بس انتى استنى
و هتشوفى

و حياتى عندك تروقى
الأيام البخيلة هتعدى
و هييجى الخير كله إن شاء الله

بوسة و حضونااااااااات يا حبيبتى; الخميس, فبراير 04, 2010 8:01:00 م
إمرأه من ثلج يقول...: قمة الرومانسية كلمات قمة فى الروعةتسلم ايدك يشرفنى زيارتك لى على مدونتى الجديدة لتضيفى بصماتك الروعة إمرأة من ثلج; الخميس, فبراير 04, 2010 8:37:00 م
صدى الصمت - عاشقة الورد - يقول...: فعلاً ما فيش حاجة بتقف أو تفضل على حالها كلة بيمر ويعدى سواء حلو أو مر
تحياتى; الخميس, فبراير 04, 2010 9:17:00 م
rony يقول...: وده يأس وللا تحدى
هى الايام بتعدى بس شكلها معاكى عامل
احباط او يأس
الدنيا ابسط من كده يا بنتى
وان شاء الله اللى جاى احسن من اللى راح
تحياتى يا دودو يا قمر; الخميس, فبراير 04, 2010 9:33:00 م
شوية قهوة يقول...: عندك حق والله مهما كانت الايام شكلها عامل ازاي هتعدي بالطول وبالعرض هتعدي; الخميس, فبراير 04, 2010 9:34:00 م
غير معرف يقول...: جميله اوى

ايام وهتعدى وهيجى غيرها

يومينهم وهيجى غيرهم; الجمعة, فبراير 05, 2010 2:53:00 ص
sabry abo-omar يقول...: كلمات رقيقة وذات معانى فلسفية ذات عمق وتجربة.. دومتى لنا بتعبيراتك الجميلة المعبرة عن الحياة والمشاعر المختلفة بين البشر; الجمعة, فبراير 05, 2010 8:04:00 م
eslam el baron يقول...: عجبتنى مدونتك جدالأنها بتدل على شخصيتك الرومانسية و كمان عجبتنى كتابتك جدا لأن فيها إحساس فطرى جميل و بجد عجبنى جدا فكر اعتذارك الشجاع جدا لداليا قوس قزح ده بيدل على شجاعاتك و نبل أخلاقك . بتمنى ليكى التوفيق و يشرفنى إنى أضيف مودنتك لمدوناتى المفضله و اتمنى إن اتشرف بزيارتك لمدونتى لأن أكيد فيه كتابات مشتركة ممكن نتبادل الرأى فيها; الجمعة, فبراير 05, 2010 8:35:00 م
eslam el baron يقول...: أنا عنوان مدونتى هو
http://eslambaron.blogspot.com/
أو ( طريق البارون )
عن طريق بحث جوجل
واتمنى دايما التواصل المفيد بينا; الجمعة, فبراير 05, 2010 8:37:00 م
شمس النهار يقول...: اسفه النور اتقطع وبالتالي النت قطع

ولما رجع كان النت في ابشع حالاتة

شكرا ليكي

سلامي; السبت, فبراير 06, 2010 1:12:00 م
UncŁē Sam يقول...: مساء الفلاور
والله كلام بأحسااااس عالى جدا
تحياتى والله يديم المحبه; الأحد, فبراير 07, 2010 1:32:00 ص
مرتضى المصرى يقول...: لاتعليق; الأحد, فبراير 07, 2010 10:55:00 م
محمد فؤاد (صاحب عمود النور) يقول...: الله
حلوة قوووى
ايام فعلا وبتعدى
فرحان بقى زعلان محبط
اهى ايام وبتعدى; الخميس, فبراير 11, 2010 2:04:00 م