ذهبت الى البحر ذلك الصديق الوفى وكاتم اسرارها

كانت تحمل زجاجه عطر اعطاها لها حبيبها فى اخر لقاء بينهم كتذكار

حتى تظل رائحته معها ... هكذا طلبت منه

اخرجت الزجاجه واستنشقتها

وكأنها تريد ان تملأ صدرها برائحته

وتقدمت خطوات نحو البحر وتمتمت ببعض الكلمات

واخذت دقات قلبها تتصارع وكأنه اوشك على ان يكف عن العمل الى الابد

وبدأت تلهث وكأنها تجرى مشوار طويل وهى واقفه فى مكانها

ثم ألقت بالزجاجه فى البحر

ربما لانها تعودت ان تلقى فى البحر كل اوجاعها.............

امتطيت حصان احلامى وطرت به فى الفضاء مُحلقه الى

مالانهايه

لامست السحاب باصابعى وقطفت النجوم بيدى

وعدت الى الارض تجولت بين سهول ووديان

بحثت كثيرا عن شئ ينقصنى بحثت عن سعادتى الضائعه

وتفقدت عشرات الوجوه بل المئات بحثا عنها

ولكنى لم اشعر انها اخترقت قلبى وسكنت ملامحى

وتخللت كيانى

الا عندما رايتك مره اخرى

لا مسلمين ولا مسيحيين

ولا فينا حد يخون ويهين

كلنا فى الاخر مصريين

ياما لعبنا فى الشارع

مع دميانه ومايكل ويس

لا كنت باعرف ديانتهم

ولا فرق بين بيتى وبيتهم

ده حتى يوم خمسه وعشرين

انا كنت اصلى فى الشارع

وادعى وهما يقولوا امين

كان اللى بيدافع عنى

جرجس وميلاد وكتير تانين

يامصر خيرنا جوانا ومزروع فى الطين

الطين اللى منه سمارنا

بقلوب بيضا وعيون حلوين

يا بلدى ياللى امان فى امان

مفيش مكان بينا لخاين او حتى جبان

ايدى فى ايدين حنا ومينا ضد الطغيان

وهتوصل المركب بينا لبر أمان

وده بس علشان يابلادى كلنا فى الاخر مصريين

فى حاجه حلوه حسيتها فيك

يمكن تكون لمسه ايديك

يمكن تكون ضحكه شفايفك

يمكن تكون لمعه عينيك

حسيت معاك طعم الحنان

معنى الامان

حتى الجنان

شفته ف عينيك

رجعت لى روحى اللى تاهت

رجعت لى البسمه اللى راحت

رجعتنى من تانى افرح

وانسى اسمى وافتكر ضحكه عنيك

شفت معاك احساس جميل

شفت اللى جاى مش مستحيل

شفت ان بكره اكيد هيحلى

وعندى اكتر من دليل

طوال ثلاث سنوات وانا اجمع فى الجواهر

ويوم بعد يوم اكتشف انى ما جمعت الا الزجاج

الى رجل ضاعت منه انسانيته

الى رجل غاب عنه ضميره بلا رجعه

اليك وحدك دون الرجال اوجه كلماتى علها تجد الى قلبك سبيل

عفوا

فقد نسيت ان قلبك مات والاموات لا يشعرون

لا اريد منك الاحساس فاعلم جيدا انك تفتقر اليه .. إذا فلتعيرنى بعض انتباهك علك تتفهم ما اعانيه

ولكن فى البدايه دعنى اذكرك بنفسى

انا امرأه وهبت لك كل شئ وسلبت منها كل شئ

وأأتمنتك على احساسها فخنت امانتها وبعت حبها بتراب الارض

ووهبت لك السعاده وانتزعت سعادتها من قلبها وكأنها حق مكتسب

انا امراه زرعت فى ايامك الورد وجنت الشوك فأدمى قلبها قبل كفيها

انا امراه اشرقت شمسها على ليلك فانارت حياتك واطفئت انت شمسها

انا امراه اكتست بالحزن فصارت جزء منه بعدما ازالت عنك حزن السنين

انا امراه عانت كثيرا من انانيتك ولكنها اعطتك الكثير

انا امرأه كانت تصلى لله تضرعا كى يقربك منها والان تصلى كى يريها الله فيك آيه

انا امرأه كانت تهواك اكثر من نفسها واصبحت لا تكره احد مثلك

احيك بشده لانك نجحت فى ان تقضى على احلامى وضحكاتى واحساسى بالحياه

انا الان انتظر ان اراك مكانى فربى وربك " الحق "

تانى عمل مشترك على مدونتى مع المُبدع امجد السندباد اتمنى يعجبكم

أذكر فيما أذكر
حين يأتي الشوق يثأر
حين يأتي الليل يأسر
أنا كنا يوما عشاق
أنا كنا نجلس هنا نعشق ونحلم
أغرق في عينيكِ وأُبحر
أولد من حنياكِ وأكبر
ألملم نفسي وفيكِ أنثر
والشمس اذ غابت
تشرقين أنتِ ضوء مبهر
أذكر فيما أذكر
أن جائنا العشق يوما رسول مُنذر
أن ليل الفراق وحش يزأر
أن السهد سيقتلنا ويسيطر
فكفرتِ بالعشق وبقلبي
وتركتيني بالنار أستعر
أذكر فيما أذكر
أن حضني كان لكِ مهد ينتظر
أن عشقي كان كالمطر ينهمر
أن قلبي بعشقك كان يفتخر
ولكنك لا تذكرين شيئا
لا تذكرين شيئا
والان عمري بدونك ينصهر

*********************
ردى على امجد

وانا كذلك اذكر

انا كنا عاشقين

انا كنا حالمين

ان هوانا ولد معنا

منذ كنا صغيرين

وكذلك اذكر

انى كنت ليومك شمس

ولليلك قمر مبهر

انا مثلك كنت بالعشق افخر

ومثلك كان من شفتاى المطر يهطل

ومثلك على ربوعى وردك ازهر

اذكر انى كنت انشوده غرامك

وكنت اجمل انغامك

اذكر انى كنت عشقك وولهك وهيامك

وانك من كفرت بعشقى وتركتنى من الوجع أزئر

فلا تنعتنى بالنسيان فرغم الالم ما زلت اذكر

وما يذيب كيانى وقلبى انى اذكر و اذكر واذكر

تنساب روحى كانسياب الماء
ويصبح جسدى كريشه يداعبها الهواء
هذا فقط .. حين احبك

اترى روعه قوس قزح ؟

هكذا ايامى بين ذراعاك

كالعاده مع اشراقه صباح يوم جديد

تمد يديها نحو الشمس

تحاول ان تلامس خيوطها الذهبيه

مثلما تحاول ان تطبق كفيها على احلامها

ولكن سرعان ما يهرب الضوء وكذلك الاحلام

قلبى كتبت عليه ممنوع فيه الدخول

ومن النهارده خلاص بابه صبح مقفول

وجعى خلاص هانساه ولا هابكى تانى واقول

لا فى سهر من تانى ولا فيه عذاب هيطول

لا حبيب يجرح فيه ولا كلمه يوم تأذيه

ولا قلب يوم وياه وتانى يوم مشغول

قلبى اللى حب الحياه علشان حبيبه معاه

لويوم حبيبه نداه كان يستجيب على طول

قلبى اللى كان وياه .. كان زى طير فى سماه

لو يوم يقول الأه ... يلقى حياته فداه

لا سابه يوم لجراح ولا كان فى يوم مشغول

قلبى اللى كان صافى وحضنه كان دافى

ولحبه كان وافى .. اصبح ضعيف مكسور

قلبى اللى ياما داب مابين جراح وعذاب

وخيانه م الاحباب .. ممنوع فيه الدخول

زى النهارده من سنه

كنا بنرسم حلمنا

ونعد دقات قلبنا

ضحكتنا طالعه تهزنا

كنا نسابق ضلنا

كان كل رمل فى بحرنا

شايف حكايه حبنا

كل موجه ف شطنا

كانت تغنى لحننا

ده حتى كانت شمسنا

دايما رحيمه زينا

دى كل كلمه مننا

كانت سحابه تظلنا

وقمرنا لو غاب عننا

يبعت نجوم تنزل لنا

تسئل عليك وعليا انا

وتقول كان في حبيبين هنا

زى النهارده من سنه