ياجماعه سامحونى انى مش قادره اتواصل معاكم بشكل كبيرلكن فيه ظروف عندى ونفسيتى مش متظبطه خالص والله
فكرت اقفل المدونه لان حتى التعليقات اصبحت بارد عليها بالعافيه
لكن فى ناس منكم كتير قالوا لى انهم بيحسوا براحه نفسيه فى مدونتى
علشانهم انا مش هقفلها بس هاخد اجازه
اجازه من مدونتى بس وهاتواصل معاكم ومش هاقدر اسيبكم طبعا
وهارد على بوستاتكم
لكن عايزاكم تلتمسوا لى الاعذار لو غبت او قصرت
لانى فعلا مقصره فى حقكم كوووولكم
انا عارفه ده كويس بس احنا اسره واحده وبنحس ببعض
ثم انى مجنونه ممكن كمان شويه انزل لكم بوست
مين عارف بس ياريت مرحله الفتور دى تعدى
اه انا حاسه بفتور فى كل حاجه مش مدونتى بس
ماليش رغبه فى اى شئ
سامحونى
البوست اللى فات كان غلوشه على نفسى علشان مش اكتب حاجه كئيبه
حاسه انكم تعبتوا من حزنى
بس هارد على تعليقاته
لان الرد على التعليقات لا يقل اهميه عندى من التعليق نفسه
بحبكم كلكم يااجمل اخوات فى الكون كله
دعواتكم
.
.jpg)
39 الرومانسيين اللى زى حالاتى:
عاشقة حبيبتى
أنا مش هطبطب وأقولك مسكينة
لكن هقولك إنك قوية وأجمد من كل حاجة
لأن فيه ناس كتير جدا بتحبك
وماينفعش تكونى ضعيفة وفيه ناس بتحبك كده
وأنا أولهم بحبك جدا
وبحس إنك مثلى الأعلى فى الحب
خلى عندك إرادة تتحدى بيها كل الحزن والملل
خليكى قوية بحب الناس
تحياتى وأكيد هلقيكى أقوى المرة الجاية
شيمو القمر
ترجعي بالسلامه باذن الله
وربنا يفك كربك يا رب ويهديلك الحال
ربنا يسعد قلبك
تحياتي
ياحبيبة قلبي ربنا يكون ف عونك
وان شاء الله كل حاجه هتبقى احسن باذن الله
المهم تعرفي اننا مش ناسيينك طبعا ومستنيينك ترجعي تنوري المدونه تاني
بحبك ياقمره
السلام عليكم
حبيبتى
ربنا يكون فى عونك يا قلبى بجد حسه قووى بيكى
لأن كتيرر قووى بمر بظروف أصعب من كده
وتعبت كتير قووى وعملت زيك والله
ربنا يفك كربك ياحبيبتى
بس ترتاحى شويه كده وترجعلنا بألف سلامه يا قمرايه
لأن كلنا بنحبك
ومنتظرين
وبدعوك لزيارة أخر بوست ليا ضرورى
سلالالالالالالالالالالالالالالام
ترجعى بالسلامة ياجميل معلش كلنابنمر بنفس الفترات دى بس ان شاء الله هترجعى باجمل بوست
ربنا يفك كربك ويسعد ايامك دايما
كملي دروس الكاراتية
هو اي نعم على دماغنا لكن معلش
تقبلي كل شئ فدوام الحال من المحال
الشاطر اللي يتعايش مع كل الظروف
المفروض ان الانسان مايستسلمش للحزن خالص
حاولي تصلي وكمان اقري يوسف هي جميله جدا في فك الكرب واكثري من لااله الاالله
لااله الاانت سبحانك اني كنت من الطالمين
بما انك مش هتردى على التعليقات
طيب اقول بقى اللى فى نفسى
اولا المسموح لك اسبوع واحد
وربنا يصبرنا
ومن اول اليوم الثامن
هتوقع عليكى غرامة مستمرة مع
استمرار غيابك
************
ربنا معاكى يا دودو لانك فعلا تستاهلى
كل خير وخدى الدعوة المشهورة دى
اللهى وانتى جاهى تفك كرب الانسانة
الجميلة دى وتهنيها فى دنيتها
وتيسرلها امورها فى الدنيا وبعض عمر
طويل فى الاخرة
يا رب
اللهم امين
احمد
ربنا يصبرك ويفك كربك
واوعك تفكري بقفل المدونة وتستسلمي للحزن واليأس
احنا عازرينك خدي وقتك وارجعلنا بسرررررعة
ربنا يسعد ايامك ويحققلك احلامك
دمتي بكل الود
شوفي بقي الثوره تفححححححححححححححه موش تححححححححححححححفه واخده بالك
حسه بنفس احساسك موش عارغه ليه
سبحان الله
تقريبا نفس احساسى
هى يمكن حالة ملل
حالة زهق
ربنا يعديها على خير
ويسترها معانا من الاكتئاب
عاشقة
من حقك تأخذي اجازة من التدوين لان بالفعل بتمر بالانسان لحظات لا يقدر على فعل اي شيء حتى في حياته العادية
ربنا يرجعك بالف سلامة و احسن من الاول
مودتي
مين قال اننا تعبنا من حزنك
لا اكتبي و اكئبينا
اصل الحياة كده كده كيئبة و لو انتي مكتبتيش غير هيكتب
و صدقيني يويمين و علاقي بوست جديد
انا متاكد
حلوة الاغنية علي فكرة
ومستغرب الصراحة
ههههههههههههه
من حبنا حبناه وصار متعنا متاعه
واللي مش حاسس باللي بيحصل يبقى ابكي عليه ليه
دلوقتي أنا بقول لك أنا رايحة مكان فيه حرب أهليه أو انفلونزا التماسيح
تسيبيني ولا من حبك في تجري علي تقولي لي مستغناش عنك يا ستيتة
تغور الدنيا والأهل والخلان علشان عيونك يا ستوتة
فلوس ايه اللي ابكي عليها ده انا دودو راجل ابن راجل
ايوه بكلم نفسي انتي مالك ماهو المدونة مدونتي ومش عارفه ازاي حد ميفهمش انه بيضيع كنز من المشاعر
ايوه انا انا مشيها انا وخليكي بره الليلة
اللي يخسرني مش ها يلاقي قلب زي قلبي ده نادر يا جودعان
بس خلاص على رأي شعبولا
وبرضه مش ها تفلفصي وشنب طنط ظاظا
ربنا يرفع عنكى الضيق والهم والحزن
ويجعلك من السعداء دائما
خدى وقتك وغيرى جو
وهنكون فى انتظارك هنا ومن خلال تعليقاتك فى كل المدونات الصديقة
(بس ما تتاخريش ... كبيرك بومين وترجعى يعنى .. ما تطوليش)
تحياتى
بصي انا عارفه الحاله دي وحاسه بيها عموما ماتغبيش عننا كتير لانك هتوحشينا وسيبك من تفكير قفل المدونه ده مستنيينك
ايه البت دي بتستهبلي ولا ايه
طيب انا هاروح اعورك على الاميل حالا
ياستي ولا يهمك كلنا بنحب الكآبة :)
إحنا خنقين أصلا عادي خليكي وهنستحملك (:
ربنا يارب يعدي الفترة دي عليكي بألف خير إن شاء الله
ومستنيينك ياقمررر
ربنا معاكى يا دودو
وان شاء الله ترجعى أقوى من الأول
خدى وقتك وارتاحى
تحياتى
ذاك الفتور الذي تتحدثين عنه كاس والكثير بل والكل يجب أن يتذوق طعمه مرا كان أو حلو المذاق..لكن الأحرى بنا أن ننسى تلك الفترة سريعا ونعود الى الحياة مرة أخرى حتى وإن كانت تلك الحياة افتراضية..نعيش ونتعايش.. نحتك ويُحتك بنا ..نعطي ونأخذ
عودي عودا حميدا..فالحياة لا تتنتظر
الحارة سد
خدي وقتك على الاخر
كلنا لها ياحبيبتشي والله
ربنا يريح قلبك ويسعد ايامك
وترجعي مفرفشه ومنعنشه
السلام عليكم و رحمة الله و بركاته
ايه يا بت يا دودو الكآبة اللى انتى عملاها دى
قال مش عارف باين عندها ...
عندك ايه؟؟؟
استنى كدا احسن نسيت ..
اه ...فتور
قال فتور قال
فتور ام غدا ام عشا
لالالالا ... مفيناش احنا من الحاجات دى
عاوزة تعملى رجيم اعملى
بس مش على حسابنا
اه باقولك اهو
ياللا ياللا
أنا عارفة اصلا انك بكرة و لا بعده
هألاقيكى منزلة بوست بتقولى
دا كان كدبة ابريل بس متأخرة شوية
هههههههههههههههه
ياللا يا جميل مستنياكى
حبيبتى بنت بلدى ..
مين نشك عين بس ياااوختشى ..
منهم لله مليان البلد ..
اخطفى رجك عند عزة اضربلك واحد ايس كريم على الشط فى بحرى واعملى رفرش لنفسك ..
وما تحطوش حاجة فى دماغك والله مافيش حاجة مستهلة ..
ربنا يخفف عنك ياجميل ..
دمتِ بخير ..
النهاردة اليوم الاول
*******************
اللهم لا سهل الا ما جعلته سهلا
وانت تجعل الحزن إن شئت سهلا
يارب يارب يارب ترجعى بسسسسسسسرعه يا احلى عاشقه
علشان انا اتعودت عليك
وبحبك اوى
ويارب الحزن يبعد عنك للبد ((انصرف انصرف يا حزن)))هههههههههه
ترجعى بالسلامة يا قمر
ربنا معاكى
واحنا فى انتظارك
بس ما تتاخريش علينا
^_^
تحياتى
فى إنتظار رجوعك بالسلامة يا قمرة
تحياتى
ترجعى بالسلامة
ودى حالة مؤقتة ستزول سريعا
ربنا يطمنا عليكى دائما
تحياتى
السلام عليكم
ازيك يا قمر
عامله ايه
وحشتينى بجد وشكرا على سؤال عنى
وبلاش بقى تغيبى عننا
اقولك حاجه؟
نزلى يلا بوست جديد
ربنا معاكى وترجعى بالسلامه ان شاء الله
كل انسان بيجى عليه فتره زى كده بس حاولى تخرجى منها باى شكل لانك لو طولتى فى الحاله دى هتتعبى ربنا معاكى
ربنا يفك كربك وكرب كل مسلم ان شاء الله
دمتى بكل خير
السلام عليكم ورحمة الله تعالى وبركاته
عاشقة الرومانسية ...عاشقة الهوى ...عاشقة الشوق والرؤى...أختي الفاضلة تنفسي الصعداء بقلب الرقاء وخذي من الوقت رخاء لعطف الهوى ..لعشق السمو ...لليل الدفى أعرف أنك نبراس المحبة ونور القلوب الصافية ...نعم أرى ذلك الطفل الذي بداخلك يأن تارة ويقهقه على أنينه تارة أخرى...
دعي عنك الرتابة يا قلم التميز ..دعي الفتور وخذي نفسا عميقا من ذاتك القوية الصلبة ..تذكري دااائما أن الله القادر العالي المتعالي يحبك وعلى قدر الإبتلاء المحبة وإن لم تصدقيني إنضري لعالمك الصغير الذي يضج بنفوس طيبة وعيون بريئة تصاحب خطاك وتتمنى لك الخير دومااا
سامحي ضئالة حرفي المتواضع لكن أنتي تقولين لي أنك تحبي كلماتي وهاا انا أقول لك أن كلماتي وعباراتي تذوب في حسك المرهف وقلبك الطيب
غاليتي إحرمي الحزن من قلبك ولكن لا تحرمينا نبعك الرقراق وقلمك الراقي
في إنتظار تجددك دوماا
أختك في الله
السلام عليكم
انشاء الله تعدى لحظات البرود والتشتت الا فى حياتك وتعدى كل الاحزان بس حاولى تعرفى قوتك فى اية ومتسبهاش ابدا
ربنا يهدى الحال وتكون معانا دايما
كم انتى جميله وكلماتك حزينه
سعدت لكونى مررت من هنا
ولى عوده قريبا بعد ان اقرأ تلك الكلمات للمره الرابعه
تقبلى تحياتى
نور
طيب يا دودو لو انتى مش قادرة تكتبى عادى.. انما لو عندك اى احساس اكتبيه حتى لو كان احساس حزين وفضفضى معانا.
بقا يعنى تجيبوا رجلى للتدوين
وبعد كده الاقى الحاجات ديه
انا عارفة ان فيه ظروف بتعدى علينا كلنا لكن انا عارفة انك جدعة
وأدها وأدود
وبعدين مين يسيب لمة القلوب الحلوة ديه
اللى الكلام معهم يزيل اى هم
احنا حنسيبك تريحى شوية بس ولن اترك
الدعاء لكى ياصغيرتى ان يفك اى كرب عندك ويدخل على قلبك السرور
مالك يا دودو بس ؟!!!
روقى اومال كدا و خليكى معانا متروحيش بعيد زى ما أنغام بتقول
و متسمعيش كلامها و ورينا دموعك و متخافيش كلنا بنصعب على بعض و دا المفروض القلب يبقى على القلب رحمة
مش عارفة فيه إيه بس ؟
يمكن تقوليلى فى إيميل مالك ؟؟
السلام عليكم
حبيبتى ربنا يزيل همك يارب
ويفك كربك ويسعدك
لأنك بجد من الناس اللى بحبهم قووى
هتوحشينى موووت
خلى بالك من نفسك دودو
ومنتظرااااااااك قريبآ يا حبيبتى
ربنا يسعدك
ويصلح لك حالك اللهم أمين
تحياتى لك
أختك أنوس
الف سلامه عليكي
وترجعي بالسلامه
وعلي فكرة الاسكندراية جدعين قوي
والا انتي ايه رائيك ؟
المهم حولي علي قد ما تقدري تخرجي من الحاله الي انتي فيها
وان شاء الله تبقي تمام
تقبلي مروري
مجنووون
إرسال تعليق