غريب غريب ياقلبىمتغرب بين حبايبى
وصوتى مجروح واخبى
نفسى يادنيا الاقى حبى
نفسى اداوى جرح لقلبى
نفسى يادنيا اعيش واتهنى
نفسى اخلى حياتى دى جنه
نفسى اشيل من قلبى اهاته
نفسى كلامى يهز سكاته
ليه الحب تملى عذاب؟
ليه الصدق امل كداب؟
ليه الفرح عنى يغيب؟
وانصدم فى كل حبيب؟
ليه بنجرح؟ ليه بنخون؟
ليه الحب علينا يهون؟
.jfif)
.jpg)
60 الرومانسيين اللى زى حالاتى:
جميلة جدا على فكرة
وبسجل اعجابى بالمدونة مع اول زيارة
تسلم ايدك
نفسى يادنيا اعيش واتهنى
نفسى اخلى حياتى دى جنه
دودو يا دودو الاول ازيك يا قمراية
ثانيا بقا يا حبيبتى احنا نقدر نخلى حياتنا دى جنة ومليون جنة
انسى اللى يزعلك اشترى اللى شاريكى بيعى اللى باعك
بصى قدامك واوعى تلتفتى وراكى
خللى دايما هدفك انك تستاهلى حياة حلوة وجميلة وهتلاقيها
عارفة لية ؟
لآنك تستحقيها بجد
دمتى رائعه حد الجمال يا ارق دود
دودو ... حبيبتي ..
كلمات جميلة جدااااااااا والله ويارب يهنيكي ويسعدك ويحققلك كل امانيكي
... برافو بجد حلوة اوي ... تسلم ايدك يا سكرتي
دودو
أنا جيت ممكن أدخل ؟؟؟
أصلى كنت غايب من زمان والحمد لله جيت
صباح الفل بقى
بس ايه الحاجات الحلوه دى
كلماتك جميله قوى والله
وبيعجبنى فيها خفتها
بجد خفيفه تحسيها كلمات طائره
تحياتى
كلام جميل جدا
ودايما الأسئلة دي بتدور في اذهان البشر
من يوم ما ربنا خلق الخلق
الشعر نفسه تحفة ويستاهل يتغنى فعلا
تسلم ايدك
ربما لانه من البداية لم يكن موجود
ربما
لا تحزنى فان النصر مع الصبر
وان مع العسر يسرا
تحياتى
لعل ربنا عايزنا نشوف الحزن علشان نحس بقيمة السعادة لما تكون فى ادينا.
ربنا يكتب لك السعادة وكل خير مع من تحبين يا دودو.
جميلة جدا
واحساس رائع
ويارب تعيشى وتتهنى
وتنسى كل حزن
وتلاقى الحبايب اللى تعيش بينهم فى الفة وتنسى الغربة
وتلاقى الصدق كمان
والاخلاص
ليه ليه ليييييه
كلها اسله بتدور فى ذهننا
يا ترى ليها اجابه؟
اعتقد اننا فى زمن انقلبت فيه المفاهيم والمصطلحات
تحياتى ليكى يا قمرايا وحشانى
السلام عليكم
أحساس مؤلم
أن نشعر بالغربة بين أهلينا وحبايبنا
وأن نبحث عن الحب بين أضلاعنا
لعله يتحقق ويملئ حياتنا
ونحافظ عليه
ونقاتل عليه
ولما نتجرح منه
نشعر بمرارة الغدر
يهون كل شئ
ونهون
نفسى يادنيا اعيش واتهنى
هيجى اليوم دا يا دودو
هتلاقية تايه بين الايام
الهناء والسعادة مش صعبين
بس لازم نعرف طريقهم منين الاول
ان شاء الله تلاقيهم وتعيشى وتتهنى
وكل حياتك تكون سعيدة
رائعة يا دودو
تقبلى مرورى
ازيك يا دودو وحشاااااااااااني
يا بنتى بطلى رعب من الآتى
هيكون خير إن شاء الله
بحبك قوى
ليه !!!!!!؟؟؟
سؤال محير جدا
بس اكيد الاجابة سهلة
توأمي الجميل
قلبك جميل جدا
وحشاااااااااااني يا دودو والله
فينك يابنتي
وحشتيني والله
ووحشني كلامك الجميل ده
حلوه اوي يا قمرايه
بجد كل مره بشوفها احلى واحلى
و ع فكره احنا بنعيش كل ده عشان نتعلم :)
مش ممكن جميله جدا
بس فين الاجابه
انا عايزه اعرف الاجابه
ودلوقتي حالا
سؤال بيجيب سؤال ومين يقدر يجاوب
ونقول مفيش محال لما نلاقى الحبايب
اسئله كتيره بدور جوانا بس يا ترى الاجابه برضه جوانا
دودو
ازيك يا جميل . كلامك جميل بس مش عارف ليه حاسس انك زعلانه من حاجة
حاسس ان الملوخية اللي انتي عملتيها اتحرقت او انك اصلا مبتعرفيش تعملي ملوخيه . صح ؟؟
بس فعلا الحزن الشديد ده وحش لاني حاسس انك يائسة بس تعبيرك جميل
علي كل ليكي عندي توبيك هيظبطلك الطاسة وهيشرمخلك الانارخ
مخنوق كيك
صباح الخير
ازيك يا دودو
الله يا دودو
بجد كلامك بيوجع اوى
بس صادق اوى
حسيت فى قلبك بالم
ربنا يخففه عنك
وحشتينى
بحبك يا دودو
دودو
احساسك عالي اوي بجد ربنا يوفقك ويحققلك كل حاجه حلوه
ازيك يابنتي
ليك شوقة ياعم بخ :)
بس ايه كل نفسي دي ؟؟؟ وكل ليه ؟؟؟
بس متخافيش هتلاقي حبك و احتمال تندمي علي اليوم اللي قلتي فيه نفسي ده
ههههههههههههههه
------------
ليه الحب تملى عذاب؟
ليه الصدق امل كداب؟
----------
حوة الحتة دي والله :):)
السلام عليكم و رحمة الله و بركاته
هلا يا دودو
ايه بس يا بنتى ؟؟
يا دودو صدقينى الحب الحقيقى موجود
هو محتاج ندور عليه كويس
و تجاربنا بتخلى اختارنا أكثر حكمة
فمش تقلقى يا دودو
و استعينى بالله و خليكى واثقة انه مش هيسيبك
:)
دمتى بكل الود يا قمر
السلام عليكم
ازيك يا دودو
يارب تكونى بخير
راجع تانى بعد الفاصل للتعليق على البوست
اسير الجراح
ربنا يحققلك كل ماتتمنى ومايبقاش نفسك فى حاجة
تحياتى
كلها اسئله ليس لها اجابه وهذا اصعب ما فيها واكثر ما يؤثر فيها تسلم ايدك كلامك جميل
السلام عليكم
عاشقة الرومانسيه
وحشتنى موووت يا دودو قوووى
معلهش جيت ليكى متأخر اصل كنت غايبه ورجعت تانى ليكم
اسفه على التأخير
بجد كلامك صعب قووى فاكرنى بحاجات كتير مريت بيها
حسبى الله ونعمه الوكيل
معلهش
تحياتى ليكى
اختك انوسه
تصورى والله لسه واخدى بالى من عنوان البوست عندك وامبارح كنت بسمع اغنية حنان ماضى اسمعا غريب فى الكون ياقلبى وعملت عليها بوست ومخدش بالى انك برضو عملتى بوست بالشكل ده
دودو مش هقولك غير ربنا يسعد ايامك كلها وتتهنئ وتكون احلى دنيا باذن الله
والله قلقانة عليكى يادودو
بصى ياحبيبتى لما بتضيق خالص
اليسر قادم قام
وباذن الله تعيشى وتتهنى
وتبقى ايامك كلها سعادة
المهم اوعى ايمانك يزعزع
فلنا رب كبير ارحم بنا من انفسنا
وفيه مقولة جميلة لاتقولى عندى هم كبير
بل قولى ياهم عندى رب كبير
ربنا يكتب لكى الخير كله
تحياتى
Mo7ammed
تم تسجيل الاعجاب وقبوله
اهلا بيك فى اول زياره
نورتنى
ســـهــــر
ازيك ياقمر
انا بخير الحمد لله
وانتى اخباراتك ايه؟
حاضر ياقمر
هاعمل بالنصيحه ان شاء الله
mimi
تسلميلى ياقمر
انتى بنت جدعه وانا بحب الجدعان
هاتى بوسه بقى
اموووووه
الشاعر الحزين
هو صاحب البت بيستأذن علشان يدخل بيته؟
حمد الله على سلامتك
انا عارفه انى مقصره فى حقك
ان شاء الله ما يكونش فيه غياب تانى
تحـــــياتـى
ستيته روح قلب دودو
هتكبريها فى دماغى وهابيع الكلام الفارغ ده على انه شعر واشتهر بقى واتعوج عليكم
ههههههههههه
اصيله جدا مش كده
بحبك ياقمر
وحشتينى
رؤية
ويمكن لانه كان موجود ووجعه اكبر منه
تحياتى ياروءه
MaNoOoSh
امين لدعائك ياقمر
تيجى بس السعاده وهيكون كله تمام
وهاعرف قيمتها والله
لانى تعبت كتير من الحزن
بنجاواتى
ربنا يخلى قلبك الطيب ده يارب
امييييين
انا وانت كل امه محمد يارب
ريمان
ازيك ياريمان
انتى كمان وحشاااااانى موت ياقمر
hasona
صح جداااااااا
يسلم كلامك
لا فُض فوك
احساس طفلة محبة للرومانسية
تايهه بين الايام؟
حد يديله عنوانى ياناااااس
بجد مستنياه قوى
تحياتى ليكى ياقمر
صبرني يارب
انتى كمان وحشانى موت ياصبصب
هاتى بوسه
اموووووووووه
فاتيما
انا معجونه بالرعب ياطمطم
اتمنى والله يكون خير
وانا بموت فيكى ياقمرى
امووووه
بوسه وشيكولاتايه كبيره زى قلبك
همس الاحباب
ولما هى اجابه سهله ماتقولها ياسى خالد
سايبنى محتاره ليه
(:
ساره
انتى اجمل ياتوأم الروح
بحبك موت
MǿиY El-Shreef
انتى كمان وحشانى ياقمر
ربنا يخلى لى قلبك الطيب
شمس النهار
لو كنت اعرف كنت قولت ياشموسه
romansy
الاجابه تايهه مننا يارومانسى
ياريت نلاقيها
مخنوق كيك
احساسك فى محله
وانا مش بحب الملوخيه اصلا
ايه ياابنى التعبيرات دى
ههههههههه
محمد عتلم
ياصباح الجمال
ازيك يامحمد
حنين القلب
لو انتى مش حسيتى بيا مين هيحس ياعز اصحابى
بحبك مووت
ديالا
انا وانت يارب
تحياتى
adel
تعرف انك وحشتنى بجد ياعادل؟
والله وحشنى كلامك وخفة دمك
انت اللى فين من زمان
Soul.o0o.Whisper
رايك فى الموضوع ده معروف يسول
لانه اتقتل مناقشه مننا
بحبك ياقمرى
أسير الجراح
ازيك يااحمد
حمد الله على السلامه
لك وحشه يااسكندرانى
صدى الصمت
ربنا يحققلك كل ماتتمنى ومايبقاش نفسك فى حاجة
********************
انا وانتى يارب
طوبة ذهب وطوبة فضة
هاتى حد يجاوب عليها لى وليكى وينوبك ثواب
عاشقة الأحزان
مالك بس ياانوسه
انا كمان كنت غايبه غياب غير معلن ياقمر
عموما حمد الله على سلامتك
وان شاء الله مفيش غياب تانى
ايوشة
ويسعدك انتى كمان ياقمر ويخليكى ليا
اموووووووووه
أم مالك
ربنا يبارك لك
ومايحرمنى من قلب حضرتك الطيب ده ابداااااااااا
انتى بقيتى من الناس اللى بانتظر تعليقاتهم
إرسال تعليق