البنت المشمشيه طرحت سؤال مهم جدا(حلوه طرحت دى)واحب اننا نتكلم عنه وهو
ازاى نسامح بعض؟

فعلا ياجماعه هو احنا ليه مش بقينا بنعرف نسامح بعض
ليه كل واحد فينا شايف نفسه هو الصح وكل الباقيين غلط
ليه بقينا بنرفض حتى مجرد كلمه نصح
ليه بقى فينا انانيه زياده
طيب هيحصل ايه لو كل واحد عرف انه غلطان وراح للى زعلان منه واستسمحه
ده ممكن يكون اولاد مقاطعين ابوهم وامهم سنييييين
وممكن يكون ناس قاطعه صله ارحامهم سنين كتير جدا بسبب مشاكل الكبار مع بعض
بسبب ميراث او غيره انتم ناسيين ان المُلك لله ومفيش حد فى الاخره هيتباهى باملاكه
لكن كل واحد هيتحاسب على عمله

ولو انت وجارك متخاصمين ليه مش تصالحه ده الجار اقرب من الاهل فى الشده

غير ان الرسول وصى عليه كتييييييييييير جداااااااا
وحتى لو صديق وبعدت عنه بسبب زعل ليه مش تكون انت البادئ بالخير وتسامحه
وخيرهم من يبدأ بالسلام
ليه مش عايز تكون خيرهم
طيب احنا جاى لنا ضيف جميل بيجمعنا كل سنه

على الاقل نعمل له خاطر ونسمع كلامه ونسامح بعض
طبعا عرفتوه
ايييييييييييييييييوه هو شهر رمضان ربنا يعيده علينا بالخير دايما يارب
ليه مش نستغلها فرصه ونرفع سماعه التليفون ونتصل باهلنا
لو بعيد عننا او نروح لحد عندهم لو نقدر ونقول كل سنه وانتم طيبين
كل سنه واحنا متسامحين
بس طبعا مش هنستنى لشهر رمضان احنا لازم نستعد من دلوقتى
صدقونى احنا ناس جوانا خير فوق اى وصف وقلوبنا بيضاء جدااااااااا
وفيها كميه تسامح رهييييييييييييييييييبه
دلوقتى حالا اى حد مزعل اى شخص منه يتصل بيه ويستسمحه
اى ابن سمع لوسوسة شيطانه وزعل ابوه او امه لازم يراضيهم علشان ربنا يرضى عليه
لازم يعرف انهم سبب وجوده فى الدنيا وهيكونوا سبب دخوله الجنه ان شاء الله
اى اب او ام مزعلين اولادهم وبيفرقوا بينهم يصالحوهم لان الرسول عمره ما فرق بين اولاده فى المعامله
اوعى تقول لأ ده عمل وعمل معايا
اوعى تقول كرامتى تمنعنى لان اللى هيردد جواك الكلام ده هو شيطانك
اهزمه وخليك اقوى
اخلص النيه دايما لربنا علشان يجازيك بيها خير
طيب كل الكلام ده لو انت مزعل حد منك وعرفنا هتعمل ايه
طيب لو انت زعلان من حد هتعمل ايه؟
هتسامحه وبرضه هتخلص النيه لربنا
ده الرسول بشر واحد بدخول الجنه بس لانه كان بينام مفيش فى قلبه حقد ولا غل لحد
هو رضا ربك مايستحقش منك انك تسامح فى حقك؟
هى الجنه قليل عليها انك تتعامل مع الناس بقلب صافى؟

انا عارفه انكم هتتصرفوا صح لأنكم فى النهايه عايزين رضا ربنا

على الهامش
فتحت شباكي لشمس الصبـــــــــــــــــاح
ما دخلش منه غيــــــــــر عويل الريـــاح
و فتحت قلبي عشان ابوح بالألـــــــــــــم
ما خرجش منه غير محبه و سمــــــــاح
عجبي !!!

السؤال ده جانى من اختى ساره وخالتى حبيبتى ستيته

ودول بالذات مقدرش اقول لهم لأ

اذكر عشره اشياء صادقه فى حياتك؟
صريحه جدا حد التجريح وده بيزعل ناس كتير منى وماما بتقول عليا بلسانين واللى ربنا يحبه ما يقولش قدامى كلمه ماتعجبنيش علشان هيلاقى طلقات نار طالعه فى وشه وهاكسفه ولو هو مين ومش هيهمنى

احيانا باتحمل بطريقه تخلينى استغرب نفسى وده بيكون مع اللى بحبهم بس لانى بطبعى عصبيه مووووت
باخد حقى مش بحب اسكت عنه لانى كتير اتقال عليا عبيطه فبحاول اغير الفكره دى حتى بينى وبين نفسى

انانيه فى حبى لابعد درجه وباغير موووووووووووووت وحبى حب امتلاك ده اعتراف

بانسى الاساءه وقلبى ابيض بس مش بحب حد يكذب عليا
واضحه حد الهبل فى حين انى بلاقى غموض معايا من اقرب اصحابى وده بيوجعنى قوى
باخاف على اصحابى واللى اعتبره صديق يبقى له حق اخوة الدم واكتر
لو حد جرح حد من اهلى بكون زى الوحش معاه والمقصود باهلى هنا بابا الله يرحمه - احمد - ماما
مش صعب ان حد يدخل قلبى وانا قلبى كبييييير ويساع من الحبايب كتييير

ملوله قوى.. بازهق بسرعه.. مفيش حال بيريحنى وباحب اقعد لوحدى فترات طويله

لازم اهدى السؤال ده لحد
مين ميييين ؟؟؟؟؟؟؟؟ ماشى نقول
فاتيما لو وقت شغلها يسمح و انا عازراها لو مش جاوبته
وحنين القلب بس ياريت مش تطنش
والواد عادل بتاع السيما يارب اكون سبب انه يكتب فى مدونته المهجوره دى وينزل بوست
سالى حاجات جوايا لانى بقيت باشوفها نادرا
واى بونى ادم يلاقى عنده قدره على حل البتاع ده يتفضل يحله يعنى الدعوه عااااامه

مع السلامو عليكو

باشكر كل الناس اللى شاركونى حزنى البوست اللى فات

ربنا يخليكم ليا يااجمل اخوات فى الكون كله

وباعتذر لاى حد اتسببت له فى اى الم

اسفه ياحدوته وحقيقى تعليقك وجعنى قوووووووى

ندخل على بوست النهارده بقى
**************************

لان الاستاذ هانى قالى حاربي دايما المشاعر السلبية بالمشاعر الايجابية

فانا هاعمل بالنصيحه

ولان من نعم ربنا عليا انه اكرمنى بصاحبه جدعه
فحبت تخفف عنى وسمحت لى انى انشر خبر كويس يغير لى المود شويه
فانا باعلن من هذا المذنق ان البت حنين القلب حاااااااااامل يارجاااااله
وهابقى خالتو هيييييه هييييييييه ياحلولى ياحلولى
عقبال ماابقى عمتو يااااااااااارب
ادعو لحماده بقى من قلبكم ان ربنا يرزقه بالذريه الصالحه
اللى مش هيدعى لاشرحنه
(:
فاكرين بوست افراح بالجمله
مش انا قلت فيه ان فيه خبر مفرحنى وصاحبته طلبت انه يكون سر؟
اهو هو ده السر
انا شاركتها فرحتها واحساسها لحظه بلحظه
من اول ما كانت لسه شاكه انها حامل لحد ما تأكدت
(على اساس انها تشك اذا هى دبوس)
كركركركررررررر
ولو انها غلسه وحرمتنى من انى اروح معاها المعمل ونشوف النتيجه بنفسى
بس بصراحه وكلام فى سركم لو كانت النتيجه سالب كنت هايغمى عليا جنبها
لانى عارفه هى منتظره البيبى ده ازاى؟ ده صبر 7 سنين ياجدعان مش شويه
بس ان شاء الله تجيبى عيال زى العسل لخالتهم طبعا اللى هى انا

والواد لو منحرف كده انا موافقه بس هيكون طالع لامه انا ماليش دعوه ولا اعرفه

وممكن تجيى توأم واحد باسمك وواحد باسمى (زى مسرحيه ريا وسكينه)علشان الضرايب

بس انا نفسى فى بنوته ياحنونه وتكون شبهه دى اتصرفى بقى منيييييييين مااعرفششششششش

اللى عايز يحس بجد بمشاعر حنين يروح عندها ويشوف هى بتحكى قصتها ازاى

يدوس هنا

انا باعتذر عن الالم اللى فى البوست ده قبل ما حد يقراه

لانى كنت ناويه مش اكتب فى المدونه دى حاجه تزعل حد تانى ابدا

بس البوست ده لازم يتكتب

واعتبروها فضفضه

***********************************

النهارده بالذات اصعب يوم مر فى تاريخ حياتى

النهارده بالذات لازم افتكرك
طيب وانا كنت امتى نسيتك
بس تعرف انك وحشتنى
بقالى كتير مش فكرت اتكلم معاك
ياااااااااااااااااااه
قد ايه زعلانه من نفسى
هو انا ممكن اكون انشغلت عنك؟
طيب ازاى انشغل وانا كل كلامى لازم افتكرك فيه
لازم اجيب سيرة شئ يخصك
لازم اقول اصله كان بيقول كذا.. اصله كان بيعمل كذا
فاكر لما كنت باحكى لك كل شئ يخصنى ؟
انا دلوقتى محتاجه قوى انى احكيلك
محتاجه اخد رايك
محتاجه انك تاخد ايدى وانا عروسه

وتوصلنى لخطيبى وتوصيه عليا
محتاجه تربى اولادى وتدلعهم زى ما دلعتنى
محتاجه اتكلم معاك..محتاجه افكر معاك
محتاجه اخرج اتمشى على البحر معاك

ونتكلم زى زمان .. يااااه فاكر؟
لو كنت موجود حاجات كتير كانت اتغيرت
حماده اتجوز ومسئوليته زادت واكيد انت حاسس بيه وفرحان
انت خلفت لى راجل بجد يعتمد عليه

ربنا يحميه ويحفظه ياااارب
الله يرحمك ..انا كمان فرحانه بيه

كان حلم عمرى انى اشوفه عريس
وكان حلم عمرك انك تشوفنى عروسه
انا عشت واتحقق حلمى
وانت سيبتنى قبل ما تحقق حلمك

..نصيب اللهم لا اعتراض

كل الموضوع ان لما بتضيق بيا الدنيا قوى وابص حواليا

مش بالاقيك باموت الف مره
اصل مفيش حد ياحبيبى فاهمنى زيك
محدش بيحبنى زيك
حتى هو بكل الحب ده باشوف ان حبك ليا اكبر منه بكتير
عايزه احكى لك عنه
انا شفته بعينك وبنظرتك فى الناس
تصورت ممكن رايك فيه يكون ايه
ووافقت انه يدخل حياتى
انا كلمته عليك كتييييييير
هو عارف انك نقطه ضعفى
عارف انى من بعد ما فارقتنى نسيت معنى الضحكه
بيحاول يعوضنى عنك بس مش دايما بيقدر
رغم انه بيعمل كل شئ علشان يرضينى
حماده كمان مش بيحاول يزعلنى خالص
ومش بيخلينى اتحمل مسئوليه حاجه خالص

رغم انه اصغر منى .. مش بقولك راجل
وماما زى ماانت عارف طيبه وبرضه بتحاول ترضينى
لانهم عارفين ان فارق معايا غيابك قوووى
انت فعلا كنت نعم الاب الطيب

ونعم الصديق وفى

ونعم الاخ الحنون
انت كنت ومازلت كل شئ فى حياتى
ااااااااااه ياابويا لو يعرفوا انت عندى ايه
تعرف ان نفسى اجيلك
نفسى اقف على قبرك وحدى واتكلم معاك وتكون سامعنى
نفسى اقف على قبرك وابكى ابكى لحد ما يغمى عليا

يااااااااااااااااااااااااااااااااه
هتعدى سنه كمان وانت بعيد؟
هتعدى سنه كمان وانت فى مكان وانا فى مكان؟
هتعدى سنه كمان وانا مش باسمع صوتك؟
هتعدى سنه كمان وانت مش بتمسح دمعتى وتطبطب عليا؟
بس السنه دى مختلفه عن السنتين اللى فاتوا
السنه دى جزء من احلامك لينا بيتحقق
اصلك ياحبيبى كنت بتحلم لينا
عمرى ما شوفتك بتفكر لنفسك
عمرك ما كنت انانى
طيب انت عارف انى بحبك قوى
ولو فيه اكتر من الحب هيكون ده احساسى بيك
وحشتنى جداااااااااااااااااااااااااااااا
يااغلى و احن واطيب اب فى الكون

اييييييييييييييييييوه
زى ما انتم شايفين العنوان كده هى فعلا الافراح بالجمله
عايزين تعرفوا ازاى؟ طيب عدوا معايا
عدد 1 دخله
عدد 2 عيد زواج
عدد 2 عيد ميلاد
عدد 1 خطوبه
عدد 1 خبر غطى على كووول ده بس هو سر بناء على طلب صاحبته
والخبر ده بقى مفرحنى قووووووووى

كان هذا الموجز واليكم الانباء بالتفصيل
(:

اولا طبعا وقبل اى حاجه النهارده دخله حبيبى ونور عينى اخويا الوحيد احمد
الف مبروك ياابو حميد وعقبال كل اللى اسمهم احمد
(دى دعوه مكاره شويه لان اسم خطيبى احمد)
ودى التورتايه بتاعه الفرح

كان نفسى اعمل بوست خصوصى بس مش قادره اطنش على باقى الافراح دى كلها

ثانيا امبارح كان عيد جواز ابله عبير مدرستى الغاليه
كل سنه وانتى طيبه يابيرو
ودى التورته بتاعتك

ويوم السبت يعنى بكره عيد جواز صحبتى وحبيبتى حنين القلب
عقبال مليون سنه سعاده وحب يارب
ومش نسياكى ياقمر لكى منى 2 تورته مش واحده

اما أعياد الميلاد فهو عيد ميلاد خالد همس الاحباب
كل سنه وانت طيب ياابو همس

يااحسن اخ فى البلوج كله

وعيد ميلادالمصريه المتغاضه ومفروسه حبيبتى همس
ودى تورته عيد ميلادكم يارب تعجبكم

اما عن الخطوبه فالعروسه هى انا
بس لسه يعنى ده اخر الشهر وان شاء الله هانزل بوست بالمناسبه فى وقتها
يعنى اللى زعلان انه بيقول مبروك متاخره احب اقوله هى مش متاخره ولا حاجه ده هو ده وقتها

لالالالالالالالالالا دى مش صورتى

اوعوا تفهمونى صح
(;

ربنا يفرح قلوبكم كوووولكم يارب

وباشكر كل اللى بعتوا لينا برقيات تهنئه واخص بالذكر

فاتيما وعقبال يوسف ياارب

وستيته حسب الله الحمش وعقبال منوسه وعفروتو

ومحاسن صابر وعقبال بيرو

وسالى حاجات جوايا وعقبال دودو يارب

انا عارفه انى كنت واعده كل واحده منكم انى اتجوز ابنها بس معلش بقى ياجماعه ابو حميد كسب الجوله لصالحه

ههههههههههههه

مش تزعلوا منى لانى مقصره معاكم
بس والله انا من اول الشهر لاخرررره مطحونه
بس باحاول ادخل اشوفكم كل يوم ولو ساعه
دعواتكم بقى يااجمل اهل واصحاب فى الدنيا

الطفله اللى جوايا ماتغيبش عنى ابدااااا بكل برائتها وطيبة قلبها

حلم عمرى من طفولتى انى اطير زى الحمامه دى


الابتسامه اللى صاحبتنى الفتره دى مش تفارقنى تانى


نفسى ارجع اصاحب قلمى واوراقى من تانى


باموت من الرعب لما احس انك ممكن تكون حلم فى حياتى واصحى منه

اسفه لو زعلت اى حد منى ولا فرضت نفسى بشكل يضايق اى حد

على الهامش

لو مقدرتش تضحك ...

متدمعش ... ولا تبكيش

و إن مفضلش معاك غير قلبك ..
أوعي تخاف ..مش هتموت .. هتعيش

عمرى ما دقت الحب غير لما حبيتك

ولا شوفت راحه قلبى الا وانا فى بيتك

تسلم لقلبى وتعيش لحبى تسلم لقلبى ياحبيبى

دى لحظه واحده وانا جانبك بعمرى لو تكون ثانيه

وكلمه حب من قلبك دى اجمل كلمه فى الدنيا

طبعا مش انا المقصوده بكلمات الاغنيه دى

المقصوده بيها انسانه بحبها واتعلمت منها كتير

(ستيته حسب الله الحمش)

ايووووووه النهارده عيد جوازها هى وسى حسبو افندى

وكان لازم احتفل بيهم على قدى كده واشاركهم فرحتهم

وكأن الدنيا بتقولى كل السعاده ليكى وضيفى عليها سعاده احبابك

علشان تكون سعادتى مضاعفه

(:

التورته دى منى لهم

والتورته دى من خطيبى حبيبى لانها على ذوقه

والورده دى بيضا زى قلبك انتى و حسبو حبيبك وهى ورده وحده لانكم انسان واحد فعلا

لكن حسبو عايز يقولك أنه بيحبك فجاب لك ورده حمرا كلك زوق يادكتور حسبو

وبعد 29 يوم من النهارده هيحتفلوا بعيد خطوبتهم

وسمعنى سلام اخيرا اتجوزت

ربنا يديم عليكم السعاده والتفاهم والاحتواء وراحة البال والقلب يااااارب

عقبالى انا وحبيبى يارب بقىىىى

وطبعا مش محتاجين اعرف حضراتكم الطريق لمدونه ستيته هانم الحمش

واللى مش يعرف اهو برضه نعمل اللى علينا ونعرفه

اتفضلوا من هنا

عايزه كل البلوج النهارده يشارك حبيبتى وحبيبها فرحتهم
اسيبكم بقى تسمعوا الاغنيه

وانا هاعلق زيكم لان التهنئه لحبيبتى

وهى بقى تبقى ترد عليكم فى التعليق

.