ولو ان التاج ده لف على امه لا اله الا الله
ولو انى كنت مجهزه بوست نكد من النوع المفتخر
ومش خساره فى طيبه قلبهم هما بس يقشروا وانا آكل
هنبدأ بسم الله ونجاوب
اسمك؟
عاشقه الرومانسيه (بحب الاسم ده قوى)
المشهوره بيه وسط اصحابك؟
دودو (كدابه طبعا)
سنك؟
26سنه (عايشه بقالى كتير)
مجال دراستك؟
تجاره (بدعاء الوالدين ده كان رأى بابا الله يرحمه ههههه)
اسم مدونتك؟
نبضات قلب ولهان (والنبى حلو الاسم)
صورتك الرمزيه فى المدونه بتعبر عن ايه؟
البراءه اللى انعدمت من كل شئ الا الاطفال
هل فكرت فى اغلاق مدونتك؟ والسبب؟
اه للاسف رغم انها لسه نونو عمرها 3 شهور بس
السبب كل الناس عارفاه وبلاش نكد بقى
ايه رد فعلك لو حد قل ادبه عليك فى تعليق؟
هو ده مش هايحصل بإذن الله لانى باعامل الناس زى مااحب انهم يعاملونى
بس لو ده حصل هاحذفه
اسوء مدونه ؟
مدونه تييييييييييت ... دخلتها غلط اتكعبلت فيها وانا باتمشى فى بلوجر
ولعنت تيييييت اللى خلاهم يدونوا
هايحصل ايه للايميلات بعد ما تموت؟
هاتتقفل ومحدش هايفتحها وتتملا حشرات زاحفه وعونكوبوت
اديت الباسوورد لحد قبل كده؟
لا .. بس ممكن احطه فى الوصيه حتى الورثه يبقوا يدخلوا ينضفوها من وقت للتانى
السفر بالنسبه لك؟
كان متعه واصبح حلم
المود بتاعك ايه؟
مجنونه وبحالات حتى اسئلوا ستيته
بتعمل ايه فى وقت فراغك؟
انا باشتغل أو بأدون
هيجى منين وقت الفراغ بقى؟
الاكله المفضله؟
سلطة البنجر- الباباغنوج - جميع انواع سلطات
الصفات اللى اخدتها عن والدك؟
كتيييييييييير
الصراحه الزايده - العصبيه - الطيبه - حب الناس - الاسراف - العقليه والتفكير
الصفات اللى اخدتها من والدتك؟
روحوا اسئلوا ماما
اكتر 6 حاجات بتكرههم؟
الكذب - البخل - النفاق - الخيانه - معرفه المصالح (حد يعرفنى علشان مصلحته) - مخالفه الوعد
اكتر 6 حاجات بتحبهم؟
عكس ال 6 حاجات اللى بكرههم
شخصيتك نوعها ايه؟
عصبيه ومتقلبه بس باروق بسرعه الحمد لله
لماذا دخلت التدوين من الاساس؟
والله مااعرف بس كل شئ ربنا جعله بقدر
يمكن علشان يكون لى نصيب اعرف ناس كويسين زيكم يدخلوا الفرحه على قلبى
اجمل كلمه قيلت فى وصف مدونتك؟
كتيييييييير كل الناس اللى بتدخل هنا زوق زوق صراحه
اهميه التعليقات بالنسبه لك ايه؟
زى اهميه البحر بالنسبه للاسكندريه
احلى بوست كتبته؟وضع اللينك ثم اذكر السبب؟
حكايه غرامى
لانى من يوم ما عملت المدونه وانا نفسى اكتبه
وطلع بشكل حلو انا راضيه عنه الحمد لله
افضل مدونه قرأتها؟
كل مدونه باحط تعليق على بوست لها بتكون افضل مدونه
لكن لو حددنا اكتر يبقى هاقول فاتيما وستيته
افضل بوست قرأته؟
بوست للرائعه ايوشه البوست ده خلانى بكيت من كتر الضحك
وبوست لحبيبتى فاتيما البوست ده خلانى بكيت بانهيار
(اصلى انا نكد مبسوطه باعيط زعلانه باعيط)
الشغل بالنسبه لك؟
زى الجواز شر لابد منه ( :
الانترنت بالنسبه لك؟
اهم من الهوا (ادمان بعيد عنكم)
تمرر التاج لمين؟
يووووووووووه خد عندك
كيارا لان لها فى ذمتى تاج
الواد عادل اللى عفريت ادهم صبرى لبسه
فاتيما لو تحب واتمنى انها تحب طبعا
محاسن صابر وده اجبارى ( :
عاشقه وغلبانه والنبى
اعترافات قلب كرسى الاعتراف بتاعى
حرررررف
سووووووووول
ايوشه
خالد همس الاحباب
همس المتغاظه اند مفروسه
ساره
شمس النهار
واى حد يعجبه التاج يتفضله
معلش بقى طولت عليكم بس التاج هو اللى طويل اعمل ايه؟
.
.jfif)
.jpg)
90 الرومانسيين اللى زى حالاتى:
اهئ اهئ اهئ تانى انتم ناوية عليا النهاردة ولا ايه ده اسافو دبسنى فى التاج بردو وكامن مدبسك فيه بردو بس انتى حلتيه قبل ما تعرفى انه دبسك
اجاباتك شكر ياجميل ربنا يسهل بئا واقدر احل التاج قريب
معلش بكتب وانا بنام تقريبا هههههههههه انتى بئا افهمى الكلمات لو فيها غلط شكر = سكر
كامن =كمان
هههههههههه
كل تاج وانتي طيبه
ردودك دمها خفيف جدا :)
تمنتاتي بالسعاده :)
طب بعدين فى التاجات الاجبارى يا عاشقة الديكتاتوريه ههههههههههههه
ماشى يا جميله هحاول ونقول يا مسهل
بس قوليلى انتى عامله زى حالاتى دموعك مبتعرفش بتنزل امتى فرحانه ولاا زعلانه
يظهر بنات حوا كلهن كده
اية الاجابات دي؟؟؟؟
دي كلها مفهومة
لا
ما ينفعش كدة
عاشقة الرومانسية
اجاباتك جميلة ولذيذة
بس
تفرحي تعيطي ,, وتزعلى برضو تعيطي؟؟
ربنا يعين دموعك عليكي يا بنتي
هههههه
تحيااتي ليكي
سارة
السلام عليكم
اجابتك مختصرة
مش كنت نزلت البوست اللي كنتي مجهزاه أحسن
ههههههههههههه
ولا هيروح مننا فين يعني
،،،،،
البراءة قربت تنعدم من الاطفال كمان
من اللي بيشفوه ويحاولو يقلدوه
تحياتي
التاج متفشى فى جميع المدونات D:
بس والله بستمتع بيه جدا كل ما اقرأه عند حد ..
وبحب الناس اللى بتجاوب عليه بتلقائية زيك كده ياعاشقة ..
انتى اصلا عسولة وبنت منطقتى ..
اتبسطت اوى مع التاج بتاعك ..
بحبك ..
مبسوطة تعيطي
زعلانة تعيطي
لازمن ادخلك الدورات بتاعة الموارد البشرية بتاعة ليدي
علشان تعرفي ان الدموع دي حاجة غالية قوي
يالا اغسلي عيونك يا سعاد احنا في الربيع والجو بديع وقفلي على كل المواضيع
بوست روعة بس كله عارفاه لأني عارفة دودو
بحبك
السلام عليكم
بجد اجبات فوق الروووووووعة
وكل تاج وانتى طيبة
يلا سلام
رومانسى مشاكس
عسل عسل عسل
عاجبنى أوى موضوع التاج ده بيخللى الناس الجميله تبان على حقيقتها
ربنا يستر التاج ده عندى النهارده
والفضايح هتبان
الحمد لله ربنا رحمنا النهارده من البوست بتاع النكد المعتبر
ربنا يديكى الصحه وتنزلى بوستات
ده هزار صح
ايوة هتقولي الكاميرا الخفية
تاج ايه اللي اتفضله
انا عندي حساسية من التاجات اساسا
دا انا معندبش وقت اكتب الجزء الرابع من ادهم ...و كل ما اقول الناس هتزهق الاقيهم عاوزين كمان
هههههههههههههه
هدية مقبولة و مؤقوتة كمان
و اول مرة اشوف بنت بتقول سنها الحقيقي كده بسرعة مش تحت ضغط
تجارة ..... حد الله
اكيد انا المدونة التيت دي
ههههههههههههه
ابقي اديني الباسورد انا ماشي
سلطة البنجر ايه بس دا انتي ناقص تقولي سلطة ام علي
دمتي بوز و بط و فراخ ... خلي انفلونزا الطيور تنتشر بقي عندك في المدونة
ايه الجمال ده يا عاشقة
دمك زى العثل
أنا حمل تاج منك تانى يا عاشقة
بس يالا كلنا لها
اجاباتك تؤكد وصفى ليكى يا أجمل رومانسية وعفوية
تحياتى يا جميل
شيمو القمر
عاشقة الرومانسيه
ورومانسيه فى ردودك وحساسه كمان اوى
عياط عياط عياط
بتفكرينى بماما
تحياتى ليكى ياقمر
عاشقة
انا كمان ادبست في التاج زيك مبارح من فتفوتة تعيشي و تاخدي غيرها
لي الشرف اني اتعرفت عليكي وميرسي لستيتة اللي دبستك في التاج عشان نتعرف عليكي اكثر
مودتي
جميل أوي البوست ده ... إحساسك راقي
دودوووو
وحشتيني يابنت
اجاباتك كلها عثل سيك (زيك:P)
بالنسبة لاكلتك المفضله .. انتي كاتبه سلطه و سطله وجميع انواع السلطات :D
ماكنتي وفرتي يابنتي ههههههههه
كل تاج وانت طيبة
هو انا كل ما اروح مدونة الاقى التاج خابط فى وشى
وبعدين تعالى هنا ده تاج ولا سلطانية بالظبط
ههههههه
تسلم ايديكى اجاباتك نابعة بصدق وتلقائية ومشاعر رقيقة
وعلى اى حال تسلم يا جميل
وشكرا على الاهداء
تحياتى وتثديرى
شكرا يا حبيبت قلبي على التاج اللي زي العسل طالع لك :)
ان شاء الله احطة بوست قريب
احبــــــــــــك يادودو
دودو ابغى اقولك حاجه ضروري ممكن اخذ ايميلك من عند الغاليه ستيته ؟؟ ردي علي بسرعة :)
مش هجاوب تيجان انا
انا براءه :)
السلااااااااام عليكم
والله تاج جميل
عارفه ليه؟
عشان عرفناكى على حقيقتك
ههههههههههههههههههههه
لا والله قصدى عشان عرفنا عنك حاجات كتير عن شخصيتك وتبحى ايه وتكرهى ايه واتعرفنا عليكى اكتر
بس انتى بجد طيبه ورقيقه كمان
ومتواضعه جدا
بحس فيكى بكده
امواااااااااه ليكى يا قمر
ماقولتيش بقه بتشتغلى ايه؟؟؟؟؟
جميلة يا دودو اجاباتك
وبجد بنوتة عسل
وحلوة سلطة البنجر
ههههههههههههههههه
انا بحب اى نوع من انواع السلطات
وبعشق سلطة الفواكه
هههههههه
دايما جميلة يا دودو
smilyrose
وردشان
روح الحب الصادق
حلو التاج
بس الأحلى طريقة كتابتك وإجاباتك عليه
ياريت تشاركينا في المجلة بتاعتنا وتكوني من أعضاء الفريق بتاعنا
شوفي دي الدعوة رقم كام باه
مودتي
ده انتى شكلك هتضربى فين اسمى يا ححاجة
والله تاج لذيذ يا دودو
بس بطلى عياط كدة على كل حاجة
-----------
بالتوفيق يا عثل
دودو الجميله
جميله قوى ردودك حسيت فيها بخفة الروح
والدم الخفيف طبعا ما أنتى طول عمرك شربات يا مضروبه
أوعى تزعلى من مضروبه بهرج معاك
بس برضه دمك خفيف يا مضروبه
سلالالالالالالالالالالالالام
موضوع حلو
تحياتي لك
ايه الاجابات الجامده دى
تسلم الايادى يا دودو
كل سلطنيه وانتى طيبه
دومتى بكل حب
جميلة إجاباتك
ربنا يسعدك
دمتِ بكل الود
ايوشه
هانعمل ايه بس؟
كلنا لها والتاج اللى على الجبين لازم تشوفه العين
ههههههههههههههههههههه
منتظره اجاباتك عليه ياقمر
ايوشه
نشكرك على التوضيح
ههههههههههههه
متعوده على الهيلوغريفى ياحبيبتى
ياااااما شفت من المدونين ياأمى
ههههههههههه
Eno
وانتى بخير ياقلبى
وكل تعليق وانتى كمان طيبه
هههههههههههههههههههه
ده بس من زوقك ياعسل
mahasen saber
طب بعدين فى التاجات الاجبارى يا عاشقة الديكتاتوريه
*********************
انتى معترضه ولا ايه؟
ما انتى قلتى اهو ديكتاتوريه
ههههههههههههههه
انا قزعه لكن جباره
نيهاهاها
الدموع دى بقى مااقدرش اقولك ياحبيبتى حنفيه عندى غزاره فى الانتاج وسوء فى التوزيع
هههههههههههههههه
مصري جدا
انت فاكر كل الناس زيك؟
طيب انت عامل فيها الرجل الغامض بسلامته
انا مالى
saragebaly
ماتخافيش عليا ياساره
عندى منها كتير
هههههههههههههههه
هو انا حيلتى غيرها؟
ههههههههههه
hasona
تصدق انا غلطانه ؟
ايه الناس اللى غاويه نكد دى ياربى؟
بس هاتروح منى فين مسيرى انكد عليك
(;
هههههههههههههههههه
لجين أبو الدهب
وبحب الناس اللى بتجاوب عليه بتلقائية زيك كده ياعاشقة ..
*****************************
احم احم
(وش مكسوف)
ستوته روح قلب دودو
غسلت وشى وجيت ارد على تعليقك ياقمر
ههههههههههههههه
ماانا عارفه انك عارفه علشان كده قلت لهم اسئلوا ستيته
ياجامد يافاهمنى انتى
بعبك بعبك
رومانسى مشاكس
شكرا ليك جدا
غايب من مده ومختفى فين؟
ايمان
هاجى اتفرج يااختشى
الحمد لله ربنا رحمنا النهارده من البوست بتاع النكد المعتبر
************************
ماااااااااشى ياايمى
هتروحوا منى فين
هنكد عليكم يعنى هانكد عليكم
بوستات عاشقه مش هتقدر تبطل عياط
adel
انا عندي حساسية من التاجات اساسا
**********************
وانا مالى هتجاوب يعنى هتجاوب
دا انا معندبش وقت اكتب الجزء الرابع من ادهم
****************************
ياابنى اكتب النهايه واخلص بقى
الناس دى بتجاملك
هههههههههههههههههههه
هدية مقبولة و مؤقوتة كمان
**********************
طيب اوعى تفرقع فى وشك
و اول مرة اشوف بنت بتقول سنها الحقيقي كده بسرعة مش تحت ضغط
*********************
الصراحه راحه يادوله
هو حد له عندى حاجه؟
بس اوعدك ان السنه الجايه يبقى عندى 25سنه
تجارة ..... حد الله
*********************
فكرتنى بخالتى بمبه اللى بتيجى فى الافلام
ابقي اديني الباسورد انا ماشي
***********************
موافقه بس تدخل تنضف الميل من وقت للتانى وترش ميه اوعى تسيبه؟
دمتي بوز و بط و فراخ ... خلي انفلونزا الطيور تنتشر بقي عندك في المدونة
***************************
يااااااااااه ؟؟؟؟
للدرجه دى بتحبنى يادوله؟
اعترافات قلب
اعترف لك
انك لماحه وزكيه يااختشى
كل تاج وانتى طيبه
زوجه عنيده
ورومانسيه فى ردودك وحساسه كمان اوى
********************
احم احم
ياكثوفىىىىى
(وش احمر خجلا)
assafo anaroze
اوعى تكون شماته؟
اه
الدنيا تاجين تاج ليك وتاج عليك
يلا نعيش وناخدوا غيرها بقى
بلسم الجراح
اشكرك
نورتنى
الاجابات بتدل على انك مدونايه عندها شئ جديد .. شئ مختلف ، وده فى حد ذاته بيخلى مدونتك طعم تانى ، وحاجة تانية : تعرفى لما بتدخل مدونتك مش عارف ليه بشم فيها ريحة البحر.. وبتفكرينى بالعجمى وستنالى وميامى ،،
وحاجة سألتك فيها فبل كده انتى ازاى عمله مدونتك كده , ازاى لما بفتحها بتظهر موسيقى او اغنية والتأقيت والديكوريشان ده كله اللى فيها
إبقى قوليلى ها ماتنسيش
MǿиY El-Shreef
ماانا باكل سلطه علشان اوفر
العماره اللى بابنيها فاضل عليها 3 جنيه؟
معاكى 3 جنيه سلف؟
خالد همس الاحباب
علشان تعرف بس ان اجابتك على التاج مطلب شعبى ياابو همس
ههههههههههههه
ساره
منتظره بوست التاج على احر من الجمر ياقمر
ساره
الايميل عندك ياقمر
تحت امرك
كيــــــــــــارا
يااااااااااااااااااااه
عاش من شافك يابنوته
وحشتينى
لازم تجاوبى التاج ياقمر
ده اجبارى لحضرتك مش اختيارى
ريمان
كل الكلام الجميل ده ليا انا؟
(وش مكسوف)
ربنا يكرمك ياقمر
smilyrose
بتحبى السلطه؟
يااااامحاسن الصدف
لأ مش محاسن صابر طبعا
ههههههههههههههههه
بقولك ايه؟
هاتى حته
كاتب مصرى
باشكرك على تجديد الدعوه ياابراهيم
ومبرةوك على المجله
ان شاء الله اكون معاكم فى اقرب وقت
ربنا يحقق لك كل احلامك
ياهيما
*البت المشمشية *حلوة بس شقية *
من غير ضرب والنبى
ما انا قلت اللى عاوزه يتفضله
لانى عاندى زهايمر وبانسى كتير
اعتبرينى اهديتهولك ياحاجه
ههههههههههههه
اموووووووااااااه
MaNoOoSh
حاضر بس خلى البنت اللى عندك دى تمسح دموعها هى كمان
اصلها بتفتح نفسى على النكد
هههههههههههههههههههههه
الشاعر الحزين
الحلاوه حلاوة اللوح
ههههههههههه
مصطفي ريان
اشكرك
حنين القلب
هو ايه موضوع السلطانيه دى فى عائله الرايق؟
هو انتى وخالد؟
ههههههههههههههه
نورتى ياقمر
mohamed ghalia
ربنا يكرمك يامحمد
احمد على نصار
انا شبهه البحر لانى بحبه جداااااااا
باشكرك على احساسك العالى ده طبعا
اما بالنسبه للمدونه
ابقى حدد لى عايز تعرف ايه وانا تحت امرك
ولو عندك ميل هابقى ابعت لك عليه الشرح اللى انت عايزه
حلو قوي التاج وردودك جميله
اجاباتك على التاج حلوة
واول مرة ازورك بس مدونتك بجد مميزة ومؤثره
تحياتى وبالتوفييييق
حاسوباتيه
انت الاجمل ياقمر
الشموع البيضاء
اهلا بحضرتك فى اول زياره
وان شاء الله مش الاخيره
أسجل اعجابي بالبساطة والعفوية في الإجابة :)
وبعدين ايه حنفية الدموع اللي شغاله دي مفيش (جلده) تمسكها شوية :)
ازيك يادودو ؟ عامله ايه ؟
على فكره انتى دبلوماسيه شويه فى اجاباتك فى التاج .. بس ده كويس جدا
على فكره انا عايز اقولك انى كل شويه ادخل مدونتك عشان اشوف القطه اللى حاطه الهدفون على ودنها ... بجد تحفه
لله يا عاشقه
على الاجابات التحفه دى
احلى حاجه فى التاج ده انهعرفنى بيكى اكتر
تحياتى
بسمة
عاشقه يا اختى الكبننه
ينفع يعنى اطلب منك طلب صغنن
هييييييييه قالتلى ينفع
بصى انا عايزة احط موسيقى فى المدونة ومش عرف ممكن تقوليلى اعملها ازاى
هو انا قولتلك انى بحبك خاااااااالث؟؟
خلاص انا بحبك خالص مالص كتير اوى جدا
هاهاهاهاهاهاهاها
صورة البيبى دا
ومن قبل ما ابتدى اقراء
ضحكتنى موووت
:D
دمك خفيف خالص يا عاشقة
يعنى رومانسية ودمك خفيف وبتحبى الاطفال دا انتى قمورة خالص
ربنا يحفظك و يسعدك دائما
تقبلى مرورى
بوست هايلة
واجابات جميلة
شخصية مجنونة حبتين بس طيبة.
ربنا يوفقك
ويوفقنا فى الدور اصل انا اللى عليه الدور فى التاج ستوتة الله يسامحها..
هههههههه
احييكى
السلام عليكم.....
ازيك يا رومنسية .....انا اول مرة ازور مدونتك وان شاء الله مش حتبقى اخر مرة علشان عجبتنى اوى شخصيتك من البوست على فكرة قريبة اوى من شخصيتى.........ردوردك واضحة وصريحة ومفهاش لك كتير.....طلب باه رخم هههههههههابقى تعالى عندى المدونة هى لسه نونة مبقالهاش كتير .....بحب الرومانسية اوى بس للاسف مبقلهاش مكان اوى بين الناس دلوقتى الا الرومنسيين الى زى بعض ........طولت عليكى ولكيت كتير بس معلش علشان اوى تعليق هههههههههه يلا باه اسيبك وان شاء الله حستناكى عندى وحجيلك تانى .......يلا سلاااااااااموز ...اموووووووواه.
هجاوبة فييييييييييين انا قاله كله :)
ان ان اااااااااااااااااااااااااااان
جالك التاج يا مصاحب عاشقة
ان ان اااااااااااااااااااااااااااان
بئا كدا يا دودو ..
كدا يا مفترية ؟؟؟
آخرة الصحوبية تاج؟؟؟
ماكنش العشم
على العموم ربنا ييسر
حاضر يا دودو
اما نشوف آخرتها معاكى
ياللا أشوفك بعد ماجاوب التاج بئا
ههههههههههههه
سلام يا جميل
اجابات ظريفة اوي
عقبال التاج القادم
تحياتي
جميل جدااا
مع تمنياتى بدوام التوفيق
إيه يا دودو دا
كدا تزنقنى المزنق الإسكندرانى العسل دا
دنا يا بنتى عضمة كبيرة و مستحملشى التاجات خالص دلوقتى ...
طب و حياة عيونك الحلوة لأجاوبه
على فكرة
انا كمان كنت مستعدة ببوست نكد
بس عشانك هأجله
و عشان منكدش على الكل و إحنا رايحين يوم المكتبة ..( كان نفسى تكونى معانا قوى ) ...
إجاباتك بسيطة و دمها خفيف زيك
تعرفى أنا بدعيلك من قلبى إنك تفضلى ببراءة الاطفال دى علطول ...
أصل دا شىء نادر فى الزمن دا
كل تاج و إنتى طيبة
و جميلة
و بريئة زى مانتى
سلميلى على البحر يا ست البنات
تامر على
مفيش عندك جلده سلف ؟
واهو كله بثوابه
ومن قدم شئ بيداه التقاه
محمد عتلم
كل شويه بتدخل المدونه علشان تشوف القطه؟
مش علشانى يعنى؟
مااااااااااااااااااشى
خلى القطه تنفعك ياباشا
ههههههههههههه
*بسمة انور*
بزمتك مش ندمانه انك عرفينى؟
هههههههههههههههههههه
*بسمة انور*
مش محتاجه تقوليلى ده لانى حساه ياحبيبتى
ابقى سيبى لى ايميلك واضيفك واشرحلك كل حاجه
تحت امرك ياقمر
احساس طفلة محبة للرومانسية
يعنى رومانسية ودمك خفيف وبتحبى الاطفال دا انتى قمورة خالص
********************
شفتى بقى ؟
3×1
ههههههههههههههه
مسدس صغير
الدور الدور الدور الدور موعوده ياالى عليكى الدور
هههههههههههههههههههههه
شخصية مجنونة حبتين بس طيبة.
****************
ايه ده هو مفيش حاجه فى بلوجر بتستخبى؟
shemo
اهلا بيكى ياقمر فى اول زياره وان شاء الله تتكرر
وازورك قريب انا كمان
سلاموز وااااموووواه ليكى
كيارا
اللى اتفقل يتفتح
مش ده كلامك؟
وقفله كله ليه يااختى بقى؟
والله انتى مجنونه وهتجنينى معاكى
الانسان القوى هو اللى يتغلب على حزنه مش يستسلم له
Soul.o0o.Whisper
جالك التاج يا مصاحب عاشقة
ان ان ااااااااااااااااان
**********************
هههههههههههههههههههه
حلوه حلوه
وكمان موسيقى تصويريه؟
هههههههههههههههههههههه
يلا ياقمر شدى حيلك
عقبال تاج الفرح وانا اللى البسه لك بايدى
kochia
بعد الشر كفايه تاجات بقى انا استويت خلااااااااص
حازم النبراوي
عمره مايكون زى التاج بتاعك ياحازم
نورتنى
انتى بالذات لازم تجاوبى التاج ياطمطم
عارفه ليه؟
علشان احبك اكتر واكتر
وابقى مجنونه فاتيما رسمى
ههههههههههه
انا كمان بادعى ربنا انه يديمها عليا نعمه
ربنا ما يحرمنى من قلبك الطاهر البرئ ده ابداااااااا
كل ركن فى اسكندريه بيسلم عليكى
البحر كمان من يوم اللقاء في حاله هياج فظيع
ثائر لانك غبتى عنه
بيبعت لى كل يوم نسمه هوا تسئلنى عنك
بحبك
بحبك
بحبك
الاولى من قلبى
والثانيه من الاسكندريه
والثالثه من البحر
بوسه كبيره وحضن اكبر
إرسال تعليق