انا عايزه ارغى معاكم كالعادهومش عارفه اقول ايه
يمكن لما ياتخنق قوى من الدنيا الحقيقيه باهرب لدنيتى معاكم
- هى حقيقه برضه بس احنا بنجملها-
فى ناس ممكن تحس من كتاباتى اللى اغلبها حزن انى انسانه كئيبه
وخاصه اللى مش يعرفنى كويس او اول مره يدخل مدونتى
بس فى الحقيقه انا بحب المرح والضحك جدااااااا
والنهارده انا جايه اسئلكم سؤال محدد وعايزه ارائكم
ازاى تغير حياتك ؟
محدش يقولى بطلى شرب سجاير لانى مش باشربها
انا باشرب شيشه تفاح (:
لا بجد بقى انا عايزه افكاركم ازاى اطلع من مود الاكتئاب الممل ده؟
بلاش اقتراح كملى دراستك لانى مش هانفذه للاسف لاسباب كتير جدا هاحتفظ بيها لنفسى
بلاش اقتراح الاشتراك فى جمعيات خيريه زى رساله لانى اشتركت فعلا فيها بس وقتى ضيق قوى علشان شغلى
ده حتى القراءه اللى كانت هويتى بقى عندى زهد فيها ومش باكمل فى اى كتاب اكتر من 5 صفحات
سمعاك ياالى بتقول روحى انتحرى وخلصينا وهاجيبك من قفاك
طبعا فى مواقف كتير فى حياتى معلقه ونوعا ما حسمتها ويمكن ده مسبب لى نوع من الراحه
محدش فاهم حاجه؟؟؟؟؟؟؟ مش مهم
يلا مستنيه اقتراحاتكم
.jpg)
50 الرومانسيين اللى زى حالاتى:
الرغايه اهه
ههههههههههههههههههههه
انا بايت هنا من امبارح
ازيك يارغايه وحشتينى اوى
دودوى عايز اعرف الكلمه الى لو قلتلها يحلى الكلام بيها
عايز الكلام كله يبقى حلو
ايه دا مليش دعوة
انا اول تحليق
امممممممممممممم
عاااااااااااااااااااااا
ايه ده هوه مافيش غير انا هنا طيب مساء الخير على الى مش هيجى والى هيجى يقول مساء النور
ولا دعوه ولا ماليش احنا مانعرفش حد هنا يلا ب4ى علشان هضرب نار
طخ طوخ طخ طوخ طخ طوخ
لمو اخذه بقى ده اقتحام حماده الاسير
لا سورى خلاص هتححر كمان 33 يوم وهبقى عريس ياولاد بركولى
ممكن على جنب شوية
انت يا كابتن
اسير مش اسير بقى
وغربة وسفر والكلام
دا مش هيفرق معانا
ايه كل ده
انا داخلة على انى اول تعليق
الاقى 7 محجوزززززززز
مليش دعوة هنعد من الاول
وهبتدى باول تعليق
هه بقى
لا ده احنا فى عصر السرعة بجد
بقيت 11
دودى قمرنا اروح اشوف الرغى بقى واجى انا قريت اوله بس وقلت الح اخد من اول تعليق لاخر تعليق وابقى اكمل بقيت الرغى
اوعى وشك بلا حجات بلا زينات هنا مشمش بالزات ادخل ومسى وخلاص
فى حد عنده حاجه عايز يوقولها يلا طلعو بصو بقى البلوج ده بتاع اختى حببتى يعنى بتاعى فاهمين يعنى اعمل الى انا عايزه صح ولا لاء يابت يادودى اه عايز اقولك حاجه شكرا على توصيل سلامى لام عمر
اقتحام ايه يا سى حمادة
عندك هنا بلاش تلعب بالنار
اوعى القنابل الذرية ممكن تنفجر
واوووووووووووووووووو
اروح اقرى واجى بقى
ايه يا عم انت هو مفيش حد مالى عينك
ولا ايه دودو دى حبيبتنا كلنا
مش لوحدك يعنى
الحقى يادودى بقولى ولا بتقولى قنابل مايعرفونيش ياعم انا الاسير يعنى النووى يعنى البحر والموت وكل حاجه حلوه ههههههههههههههه
عاااااااااااااااااااا سلاموز اقرى بقى
وسعوا يا كماحة
خلينى اشوف البنية دى عايزة ايه ؟؟
عايزة ايه
اقتراح
ها
ها
ها
كان غيرى اشطر
ههههههههههه
لو كان بايدينا التغيير كنا غيرنا من زمااااااااااااان
لا بجد اوقات كتير بحس اننا ماشيين من غير فرامل لا عارفين احنا رايحين فين ولا حتى عارفين نقف
ماشيين مع الدنيا زى ما تيجى
واليوم اللى بنقف نعيد حساباتنا فيه ونشوف احنا رايحين فين بنزعل اوووووووى على كل اللى مشيناااااه ونقول يا خسارة الوقت والعمر اللى ضاع هدر
يا بنتى انتى لسه فى بداية حياتك
المود ده ان شاء الله هيروح هيروح
لما ربنا يرزقك بابن الحلال .. بس المهم ان ربنا يوفقك فى الاختيار ومتستعجليش عشان متندميش
ولغاية ما ده يحصل متضيعيش عمرك فى الزعل والاكتئاب
اعملى كل حاجة بتحبيها
اضحكى من قلبك
بطلى تسمعى اغانى نكد
عيشى الحياة بحلوها ودوسى على مرها
حافظى على صلاتك وابدئى ختمة قران وواظبى على قيام الليل ولو ركعتين قبل ما تنامى
اقرى فى الدين
او اسمعى
النت فيه مواقع اسلامية هايلة .. هتلاقيهم عندى فى المدونة عشان متتعبيش نفسك
اصلا اصلا هتنسى الاكتئاب وهتحبى الدنيا والناس
دى فرصتك صدقينى يا عالم بعد كده هيحصل ايه
ربنا يروق بالك وبالى ويصلح حال المسلمين يارب
دودى الغاليه
اقولك اقتراحى الى لقيته بجد بعد ما اخدت بنصايحك ليا ياجمل واحلى واغلى اخت فى الدنيا دى كلها بجد بجد ارتحت جدا بعد
ماخدت بكلامك
اخوكى حماده هيقترح عليكى اقتراح
وان شاء الله هتكونى اسعد واحده فى اسكندريه كلها قومى اتوضى وصلى رقعتين لله ولو فى حاجه محيراكى صلى صلاة الاستخاره واكيد ربنا هيديكى لطريق الخير
فاكره كلامك ليا يادودى
انا تركت النقمه وزهبت للنعمه وقربت من ربنا
والله بحس انى طاير ومش حاسس انى فى حد زى فى الدنيا دى
حاولى تقربى من ربنا كدا وان شاء الله هتشوفى كل خير
تحياتى اخوكى المتغرب
اممممممممممممممممم
اقولك اية
مش عغارف بجد
بس انتى حاولى تقسمي وقتك و تخلي فية بريك تغيري فية جو و حالوي تجددي نشاطك شوفي هواية كملي فيها حاولى تخرجي بلاش روتين عشان مش تحسي بملل او ممكن تغيري من روتين يومك و حتى الاكل و القهوة على الصبح حاولي تجددي يمكن ترتاحي شوية و ختحسي بفرق
قشطة كدة
ااقولك على حاجة
تعالى اشتغلى معايا فى مجال التدريب
وصدقينى مش هتلاقى وقت حتى تنامى
يابنتى دانا طالع عينى من الجامعة
للمركز ومشاكل الطلبة
تعالى معايا اسبوع بس
وهتقولى حقى برقبتى
وبعدين بدل زهقانى كلمينى
بدل مانا بكلم روحى
وشكلى هيقولى البت المهندسة دى
اتجننت يا جدعان ههههههههههههه
تقربى الى الله يا عروس البحور
وصلى كثيرا سوف يزيح كل هذا
بحبك موووووووووووت وردشان
هههههههههههههههههه
تصدقى انا زيك كدا زهقانه جدا
طب انا شكلى كدا هاجى كل يوم اشوف الاقتراحات معاكى
دودو
أنا يمكن اقتراحى يكون مختلف شويه عن باقى الاقتراحات لكن أتمنى انه يفيدك
أنا مش هقولك قومى وصلى ركعتين لأنى عارف ان أنتى أكيد عملتى كده لوحدك ومش محتاجه نصيحه للتقرب من ربنا لأن احنا عارفين أنتى قد ايه قريبه من ربنا
لكن هقولك ربنا رزقنا بنعمه جميله قوى اسمها النسيان واحنا الشعب المصرى اخترعنا حاجه برضه جميله قوى اسمها الطناش عارفاه ؟؟؟
يبقى لازم تحاولى تنسى أى حاجه قديمه كل ما بتفتكريها بتزعلك أو بتأثر على نفسيتك
دى بالنسبه للحاجات القديمه
أما بالنسبه للحاجات الجديده اللى لسه هتحصل هتشوفى لو فيها زعل أو تضايق حاولى تطنشيها لكن غير كده طبعا بمنتهى السعاده هتعيشيها
وبدعين أنا عايز أقولك على حاجه مش المفروض أبدا ان أنتى اللى تقولى كده وتنتظرى اقتراحات دا المفروض ان احنا بنتعلم منك الرومانسيه والسعاده
وكمان مش المفروض أبدا ان الشاعر الحزين هااااا خلى بالك من الحزين دى كويس مش الشاعر الحزين اللى ينصحك أو يقترح عليكى اقتراح فيه سعاده وبعد عن حزن
فكرى شويه يا دودو وصدقينى هتعرفى ان أنتى بس اللى هتقدرى تغيرى حياة الملل لحياة كلها سعاده
أتمنى أكون أفدتك ولو جزء بسيط
دمتى بكل الخير
ازيك يا دودو يارب تكوني بخير
اقولك اقترح حلو اشربي شاي وانسي ههههههههه لا بجد انا بردوه محتاجه اقتراحات في اذاذ اشغل وقتي مع اني بدرس ومع ذلك عندي وقت رهييييييييب
يلا ننتظر الاقتراحات سوا
دودو
صباح الخير
اممممممممم
مش عارف بقى انتى بتهزرى ولا بتتكلمى جد
انما حكاية الشيشة التفاح دى
اى حد عايز يبطلها يتفضل يبطل يروح اى كافتيريات او يقعد مع حد بيشربها وهوا هيبطل
طبعا لو بتهزرى يبقى اشطة جدا
بالنسبة للتغيير لحياتك ؟
عايزة تبقى إيه ؟؟؟
عايزة توصلى لإيه
نفسك فى إيه يحصل ؟؟؟
شايفة نفسك إيه فى خلال تلات سنين
هستنى ردك واقولك الطريقة
فقرى
لنا عودة
دودو
لازم نفرح بنفسنا قوى ونسعد بيها قوى طول ما احنا حاسين اننا نملك ارادتنا بايدينا
طول ما احنا حاسين اننا نقدر نحسم امورنا ونختار الصح ..
لازم نفرح قوى علشان احنا اللى بنختار بارادتنا ومش مغيبين ولا بينضحك علينا
وتاكدى انك قادرة و بكل الطرق ان تكونى سعيدة
ربنا معاكى
انا زيك وعاوزة اللى يصبرنى كل يوم دمى بتحرق
وبكبر دماغى لحد ما انفجرت
مافيش احسن من ربنا نلجأ له
ربنا يقويكى يارب ويعوض صبرك خير
بحبك قووى
لما توصلى لجواب نهائى عرفينى:)
ايه ده بقيتي بتعملي زي احمد وتنزلي البوست بتعليقاته
ده انا كنت لسة هنا امبارح ومعلقة على الفيديو
كل ده امتى
ما علينا
شوفي ياستى محدش يقدر يقول روحي انتحري
امال ندخل عند مين دمه زي العسل
شوفي انتي عايزة ايه واعمليه
يعني مثلا ربي قطة
هاتغير مودك كتير اوي
غيري طريقك من والي الشغل
خلي يوم تخرجي فيه مع صحابك تروحو حتة حلوة تقضو فيها وقت
\وحتى مافيش مانع تكون مامهاتكم معاكم هتبقى قعدة تحفة لما الممهات تطلع منهم كلام يموت من الضحك وهما متنرفزين
بس
لكن قوليلي انتي ايه دراستك اصلا
لو مش حابة تقولي عادي براحتك ياجميل
تحياتي
بصي يا دودو..
اقترح تعملي نفس النشاطات اللي موش بتقدري تستغني عنها ولكن بطرق جديدة ..بطرق مختلفة عن اللي اتعودتي عليه وده ممكن يكسر حالة الملل والتكرار..
بس قبل كل ده لازم موش تفكري انك حاسة بملل عشان مش تزودي الاحساس ده عندك
نسيت اقولك..
انا حاولت ادخل المدونة التانية بتاعتك بس قالو لي دي لاولاد "الاكابر" بس (';')
السلام عليكم
جيتى على الجرح يا اختى
انا معاكى يا دودو انا طهقت وكارهه
نفسى بس مش هاروح انتحر برده
بس عارفه لما اعوز اخرج من الحاله دى باعمل ايه
باجيب مصاصه او بونبونى بالزبده
وشوكلاته واقعد اكل اكل اكل فاهدى
خالص
هههههههههههههههههههههههههههههههههه
اه والله بجد جربى كده
ربنا كبير وقادر ييسرلنا امورنا
فى حفظ الله
ههههه انا كنت فى مود وحش جدا بقالى مده بصراحه مخرجتش منه فعلا وحصلى حاله حلوه غير لما حضرت لقاء مدونين
حاولى تشوفى صحبه حلوه بجد تقضى معاهم وقت حلو حتى لو ساعه اعملى ريفريش
اســ الغربه ـــير
ايه ياحماده الدوشه اللى عاملها فى البلوج دى كلها؟
ههههههههههه
عامل مظاهره ياابنى؟
وضرب نار كمااااان؟؟؟!!!!!!!!
اوعى تعور حد
وداخل تجر فى شكل الناس ياأبنى ارحم نفسك
(:
عموما ياحماده هاعمل بنصيحتك ان شاء الله
ربنا ما يحرمنى من اخوتك ولا صداقتك يارب
والف الف مبروووووووووك ياباشا على فرحك مقدمااااا
اتجدعن بقى وتمم الفرح بسرعه عايزه اكون عمتوا فى اقرب وقت
(:
smilyrose
ياحلاوه ياولااااااد
(:
انتم بتتعاركوا عليا؟
ههههههههههه
خلاص ياستى انا جيالك اشتغل معاكى
وسعى لى مكان انتى بس
شكرا على النصيحه ياقلبى
امووووووووووووووووووووه
حاجات جوايا
اكيييد عندك حق ياسالى
ربنا يبارك لك
ويجعل نصيحتك ليا فى ميزان حسناتك
3mr wa2el
اممممممممم
اغير جو
واغير روتين يومى
والله لو على الخروج والفسح فهى موجوده بس النفسسس
هههههههههههههههه
اما عن الروتين فده اغيره ازاااى؟
مااحنا اللى بننام فيه بنصبح فيه
ربنا يفرجها من عنده بقى
Pink Dreams
تنورى ياقمر
ادينا قاعدين نستنى النتيجه
وخلاصه تجارب الاخرين
(:
مين عارف .. يممممممممكن
الشاعر الحزين
والله ياعيلاء باحاول اطنش مش بعرف
مشكلتى انى باخد كل حاجه على اعصابى
والقولون بقى عصبىىىىى
تخيل؟
والله حاسه انى هاموت مشلوله
ههههههههههه
صمت المشاعر
اسحبى لك كرسى واقعدى اتفرجى معانا
هههههههههههههه
شاب فقرى
والله ياكرملله انا باهزر
انت افتكرتنى باشرب شيشه تفاح بجد؟
هو انا لاقيه اكل ياابنى؟
ههههههههههههههه
انا مش عايزه حاجه
انا عايزه اعيش سعيده
بسسسسسسسسسس
شفت بقى احلامى مش كبيره ازاى؟
القدر و انا
اكيد كلامك كله صح
ربنا ما يحرمنى منك ابدااااا
الأحــــــ إيناس ــــــزان
طنش تعيش تنتعش
كبرى الD وروقى ال G
هههههههه
ولما تعملى كده علمينى
(:
مفيش احسن من ربنا نلجأ له ياانوسه
الشعب لابد له من حكومه تشكمه
لما اكلمك على الميل هاقولك اخر ما توصلت له
(:
بحبك
فكرة من الزمن ده
طيب واللى مش بيحب القطط يعمل ايه؟
ولو قلت لك ان طريق الشغل واااحد مش بيتغير اعمل ايه؟
اصحابى ممكن
لانى فعلا بعدت عنهم جداااا للاسف :(
انا ياستى دراستى تجاره
مش سر ولا حاجه
:)
بس ليييييييه؟
Timo
هى فكره حلوه والله واهو التجديد مطلوب برضه
هاحاول انفذها
المدونه التانيه انا قفلاها لانى اكتشفت ان اهتمامى بنبضات قلب ولهان اكتر بكتير
نورتنى
ليس فقيرا من يحب
لا انا باكل شيكولاته لانى بحبها
وثبت علميا انها بتحسن الحاله النفسيه
وبحب المصاصه برضه
(:
ابقى ابعتى لى وحده
رحــــيـل
انتى بتقولى فيها
ده انا مجربه الاحساس ده مرتين
فعلا بيكون يوم ممتع
يابختك ياستى
الله يزيدك لقاءات وبلاش احنا
(عين بتحسد)
هههههههههههههههههههه
إرسال تعليق