بقالكم فتره مرتاحين من وجع الدماغ والصداع والانقلاب اللى بيحصل فى البلوج بسبب التاجات
فجبت لكم تاج على الماشى كده واهو يكون نوع من الترويح عن النفس بدل الكأبه اللى غرقان فيها بلوجر واهله من فتره
نبدأ بسم الله ونقووووول أكشن
احب الالوان؟ الايام؟ الارقام؟
الازرق بدرجاته – الجمعه علشان اجازه – الارقام الزوجيه
برجك وتاريخ ميلادك؟
القوس – 14 ديسمبر
اهم مميزاتك؟ واهم عيوبك؟ وماهى الصفه التى تتمنى ان تتوفر فيك؟
المميزات : هسيبها لكم انتم تحكموا فيها
العيوب: عصبيه جدااااا – متقلبه جداااااااا – عنيده جدا جداااااااا – ردود افعالى سريعه جدااااا
الصبر
ماهو مكانك المفضل؟
- البحر طبعاااااااااا
ايه هى هوايتك المفضله؟
كتابه الشعر والقراءه بس ده كان زمان (:
ما المقوله اللى تؤمن بها؟
لا تحسبن سرورا دائما ابدا **فمن سره زمن سائته ازمان
اجمل هديه قدمت لك من مين؟
مصحف من مُدرستى عبير عمر وعبله مجوهرات شيك جدا وعروسه من فاتيما
اسعد يوم فى حياتك؟ واتعس يوم فى حياتك؟
كل يوم عشته مع بابا واتكلمت معاه فيه كان يوم سعيد
اتعس يوم كان وفاه بابا
موقف طريف لا ينسى من ذاكرتك؟
ابقوا اسئلوا حنين القلب (موقف الصلصه) ده اللى انا فاكراه
معاك ثلاث وردات لمين تهديهم ؟
ليه الاحراج ده بقىىىىىى؟؟؟؟؟؟؟؟
واحده للمدونيين وواحده لاصحابى المقربين وواحده لزوج المستقبل بس يارب يكون يستاهل
معاك ثلاث رصاصات على من تطلقهم؟
واحده على اليهود وواحده على اى حد بيجرح فى اى حد وواحده على اى حد يضايقنى انا شخصيا
ايه رايك فى الحب؟ ولمن تقول اجمل كلمه حب؟
الحب شئ لا ارادى – لبابا الله يرحمه لانه الوحيد اللى يستحقها
هل من السهل ان تمثل الحب لشخص يحبك لعدم جرح مشاعره؟
ممكن لكن الصعوبه فى الاستمرار ووقتها هيكون الجرح اشد
المراه فى نظر الرجل .......... أكمل ؟
الدنيا بجمالها وزينتها
الرجل فى نظر المراه.............أكمل؟
النصف الثانى لي راى تانى بس اخاف الرجاله يموتونى
ماهو اسعد خبر سمعته هذا العام؟ وماهو اتعس خبر؟
اسعد خبر :- كان حمل حنين القلب – اتعس خبر :- يووووووه دول كتير قوى ومش عايزه افتكرهم بصراحه
لمن تهدى التاج؟
حنين القلب (المدونه اتهجرت وبتشتكى من العونكوبوت) طبعااااااا اجبارى
فاتيما روح قلب ماما وروح قلبى انا شخصيا
ستيته اللى عارفه كل حاجه
وردشان روح الحب الصادق
شيما المشكومه من الحكومه
عيلاء الشاعر الحزين ايوه هو عيلاء مش مكتوبه غلط ولا حاجه
صبرنى يارب اهو بجملة الرغى ياصبصب
كيارا اللى هتطنش كالعاده ماانا عارفاكى (:
عادل اخويا علشان اشوف خفه دمه فى الردود بقى لانها وحشتنى جدا
سووووول
كرملله شاب فقرى
ايناس الاحزان يارب تعشق افراحها بقى
حاجات جوايا لانها بقت بتكتب قليل قوووى
واى حد يعجبه التاج فالدعوه عااااااااااااااااامه
.jpg)
33 الرومانسيين اللى زى حالاتى:
هههههههههههههههههههههههههههههههه
طب ايه رايك بئا
انا نفسي مفتوحه علي حل التاج ومش هقبله
يوه قصدي وهقبله ههههههههههههههههه
اجاباتك متوقعه ياقمر عشان انتي شفافه خالث
اممممممممممممموه
هيييييييييييييييية
تانى تحليق
يالهوووووووووووووووى اسمى مكتوب
عااااااااااااااااا
وحشتينى يادودتى يا حبيبتى
الناس دى جت امتى بس
ربنا ما يحرمنيش منك يارب
ويفرحك ويسعدك انتى كمان ويكرمك كل الخير يارب
بحبك قووووووووووى
ماشى ماشى
ابقى سلملى على الدنس
وقولى له نسيت احمد حسابك معايا بعدين
اسماء واحلام فى وجدانى
منور يا احمد الدنيا كلها
انتى جميله قووى ورقيقه قووى وانا بعشقك وبحبك وبموت فيكى قووى يا احن خلق الله
واحلى اجبات من احلى شخصية اتخلقت على وجه الارض
ايه الجمال دا انا اجى جنبك اية
عاااااااااااا
ماشاء الله عليكى تجننى
وربنا يرحم بابا ويدخله فسيح جناته
ويخلي احلى ام واخ ليكى يارب
ويسعدك ويعوض صبرك خير حبيبتى
ما شاء الله
اجاباتك هايله ع التاج
ربنا يسعدك يا رب ويوفقك
تحياتى ليكى
ادعيلى بس يا دودو
وهجاوب عليه قريب ان شاء الله
امووووووووووووووواة
واحلى حضن ليكى
الله
انا إسمى مكتوب أهو .. يا حالولى
لازم تكسفونا يعنى طب دنا لسه حتى مجبتش حاجة و عشان تبقى عارفة بقى
كل مرة هشوفك ههريكى عرايس
انتى بس إصبرى عليا و انتى تشوفى
انتى قطتى الصغننة و عروسة بحورى
و لازم أدلعك كل شوية كدا
عرايس عرايس بلا رحمة
انا عارفة حاجات كتير
فى التاج اللولى دا
بس كنت عاوزة أعرف رأيك فى الردالة بجد وحس عين أى حد يهوبلك ياأمى
لييييه إن شاء الله
دحنا معاكى و إيكش حد يستجرى
انا كمان متشوقة أشوف رد عادل الشقاوة على التاج
لأنه فعلا زى ما قولتى مميز فى أسلوبه و إجاباته و خفة دمى
إبنى يا نااااااس
حمل حنين كان من اجمل الاخبار فعلا
يا حبيبتى و كلنا نتفق معاكى فى ذلك
كمان عاوزة اقولك سوووول شخصية تحفة و جميلة و لطيفة و طيوبة و كل حاجة حلوة ..ربنا يقرب البعيد و تيجى فرصة و تقابليها إن شاء الله
و رغم الالم اللى ملازم الكلمة
لكن كنت كل ما أقرى كلمة بابا
عندك أفرح برضو
لأنه رغم البعاد
مرادف عندك للحب و الحنان
و دى نعمة القلب الصافى
اللى بيحب بحقيقى
مهما صاحبه راح و بعد
يفضل حبه باقى و بيشع و يفيض كمان
ربنا يفرح قلبك يا قطتى
و يسعد كل أيامك
و تلبسى فى تياجان و تلالى
لالى
يا عروسة بحورى الحلوة
بوسة و حضوناااااااااات كتير قوى
الله يسامحك انت يا بت انتى بتفوقى عليه
هههههههههههههههههههههههه
بتدبسينى يا قمر البحور
ماشى ماشى ماشى
تلاتة ماشى
ان ما وريتك يا غالى وان ما سهرتك
ليالى ههههههههههههه
جميل يا جميل يا مغلبنى
حكايتك ايه قول خبرنى ياعينى والله الواحد
خسارة فى البلد دى بلد بتاعت شهدات
صحيح ههههههههههههه
ماشىيا ستى هنجاوب وهنقول
وهنحكى على كل الامور
زى اجاباتك يا جميل اللى ملهاش مثيل
بس بطلى عصبية يا بتاعة الصلصة انتى
واحجزى تمشية على البحر معايا
ومعاها ايس كريم ياعينى
بذمتك شفتى كدا
هههههههه
بحبك موووووووووووووووووووووووت
برده
ازيك يا دودو
ربنا يرحم باباك ويدخله الجنه
ماتشي هجاوبه
و اجابات حلوة
بس مقنعنيش بتاع رصاصة اليهود دي
لاننا اتربينا نعمم
مافي يهود و كتير كويسين قوي
اللي محتلين فلسيطن اسمهم اسرائلين
وحتي دول في منهم كتير ضد الاحتلال
فكك من كلام التليفزيون و القنوات ايها دي
خلينا في رصاصة داخلية تشيل الفساد او غيرة من بلدنا افضل
صباح الورد
فقرى ها هنا يتحدث
إن شاء الله هرد عالتاج الجامد دا :$
بس إزاى إفتكرتى فقرى وبعتتى لى التاج مش متخيل يا جماعة انها حصلت الاسبوع دا تلات مرات وحد إفتكرنى
احنا متشابهين فى اسعد الايام واتعس الأيام
وكمان فى المكان المفضل
:)
دمتى فى كل خير يارب
شاب فقرى
سلام عليكم
ربنا يرزقك بواحد يحبك وياخد منك الوردة الثالثة علشان تحرمي تقولي اذا كان يستهلها سلام يا احلي عروسه بحر
يا نهار منيل اللى يزعلك تضربيه بالرصاص لا يستى احنا مش قدك
بجد بوست عسل
وبلوجر كان محتاج شوية فرفشه
متيجى نعمل حملة فرفشه علشان الجو الكئيب ده
اقترحى كده نعمل حاجه يمكن ربنا يجعل الحل فى ايدينا
دودو حبيبت قلبي
الورده اللي لكل المدونيني وصلتني
الله يسعد قلبك ويزح همك امين
هههههههههههههه
الحمد لله اسمى مش مكتوب
هاهااها
ربنا يوفقك ويكتب لك الخير
عارفة فينا حاجات متشابهه
سيبك من التاج
بقي
واحشنى كلامك الجميل
ومبروك التاج
تاج كويس مش بطال عااااااااااااا
السؤال التالت والخامس انتي زيي
مواه ليكي
يا بنتى انا بافكر اقطع علاقتي بكى على فكره
هههههههههههههههه
ايه ده كل ده تاج
امرنا الى الله تعاااااااالى
الى التاج
عااااااااااااااااااااا
انا كنت عارف انى هاتنسى لما اغيب
عاااااااااااااااااااا
نفدت
هييييية
حبيبة قلبي دودو
ربنا ما يحرمنيش من حبك وسؤالك
معلش مشغولة شويتين
الواد عفرتو ابن زعيم الجن الأحمر امتحاناته الأسبوع الجاي
يا تدعي له
يا تعملي بنصيحتي "الغير مخلصة" وتتجوزيه وتريحيني :)
الهدية دي ها أءجلها شويتين
ويمكن ربنا يخليني البس وش العبيط وارمي الجمل بما حمل واجاوب التاج الجميل
بس اجيب كلام حلو زي كلامك منين؟ :)
ردودك لا تخرج عن ما نراه من شخصيتك الجميلة و تظهر فيها براءتك و رقتك
و مازالت الرومانسية طاغية ايضا فيها
تحياتي
وعشااااااااااانى وعشاااااااااانى وعشاااااااااانى مووووووت
متدققيش فى الحروف خلاص اتلخبطت
جيت عند دودو الشقية الحزينة
ايون عسولة وروحك زى العسل
بس الايام مخبطة معاكى
ربنا يوفقك يا قمراية ويسعدك
ويكون اللى جى احلى واحلى
دمتى بكل خير
تقبلى مرورى
دوووودوووو..
كل سنه وانت طيبة عشان فاضل شهر على عيد ميلادك اللي هو مع عيد ميلاد بابايا.. ;)
حلو التاج
ايه الاجابات الجامده دى يادودو
وانا مش هقبل التاج ده
يلا بقى هىء
انتى ماااااااااااااااااالك المدونه سكانها العين كبوت ولا العفاريت
ولا اقولك انا هقبله علشان عجبنى
ورايحه تقولى اسئلوا حنين القلب عن الصلصه يعنى انا سترت عليكى وانتى اللى غاويه فضايح
طيييييييييييييييب
اسمعوا يا جدعان
فى يوم من الايام اتفقت انا والبت دودو اننا ناكل مكرونه فى الشغل ومعنى اننا ناكل مكرونه انها لازم تكون جاهزى على الاكل يعنى المكرونه مسلوقه والصلصله متسبكه وجاهزة
المهم جيت اجهز الاكل وابص للصلصه وهنا حصلت المفاجأة
الطماطم مضروبه فى الخلاط بسسسسسسسسس
يعنى ولا تسبيكه ولا فص توم ولا بصلة ولا حبه ملح وفلفل حتى
بالله عليكم دى تتاكل ازاى ؟؟؟؟
واقولها ايه ده تقولى مالها فيها ايه ؟؟
قولت ليها مهى المصيبه ان مش فيها حاجه خالص
بس برضه اختكم حنين اتصرفت وصلحتها
بس نتعلم ايه من الدرس ده
ان مش نخلى البت دودو تعمل حاحه خالص نظرا لفشلها فى الطبيخ
مبسووووووووووطه كده يا ستى
وحشتينى يا دودو يا قمر
جميلة قوى قوى ردودك وكلها صريحة وتلقائية وصادقة
أحييكِ عليها
تاج جميل
ربنا يديم المحبه بينكم والتيجان
بحبكم كووووووووولكم
وباشكركم نفر نفررررررر
وشكر خاص لحنين على السياح المنيل ده
(:
بس كل الموضوع انه كان سوء تفاهم مش اكتر
يابت ياحنين انا شرحت لك الموقف ببساطه انى اعتمدت على ماما وهى افتكرت انى هاعمل الصلصه بنفسى فسابتها
وانا اخدتها ورحت الشغل
انا كده ابقى فشله ولا دى غلطه غير مقصوده
عااااااااااااا
اااااااه ياانى ياغلبانه
هههههههههههههههه
إرسال تعليق